1 Samweli 18:17 - Biblia Kikutu

¹⁷ Sauli kamulongela Daudi, “Ino hano mndele wangu imkulu Melabu, nokugwaa umsole kwa malagano mabili, uwe mkalizi wangu galu, na uitowe ng'hondo ya Mndewa Imulungu.” Kwavija Sauli kagelegeza, “Niye simkoma bule kwa mkono wangu, leka Wafilisiti wamkome.”

1 Samweli 18:17 ပူးပေါင်းရင်းမြစ်များ

2 Samweli 11:15

Mna ibaluwa ayo, Daudi kandika, “Mwike Ulia kuulongozi wa ing'hondo ng'hulu abaho gweye usegele ili yatoigwe mbaka yadanganike.”

2 Samweli 12:9

Habali kuibezeli mbuli ya Mndewa Imulungu na kutenda gehile mgameso gangu? Kumkoma Ulia Muhiti, kwa sime da Waamoni na kumsola mwehe wake yawe mwehe wako.

2 Samweli 6:16

Kipindi sanduku da lagano da Mndewa Imulungu vidikalile dokwingila kudibuga da Daudi, Mikali biti Sauli kasungulila kudidilisha kamona mndewa Daudi kocheza kuno kozumha zumha haulongozi wa Mndewa Imulungu, avo kambezeli mmoyo wake.

Zabuli 12:2

Kila munhu komvizila miyage, olonga kwa ulonzi wa kutewenza, na mizoyo ya utapitapi.

Zabuli 55:21

Mbuli zake zamulile kubanza uki, hata ivo mmoyo wake kuna ng'hondo, mbuli zake zonyilibuka kubanza mavuta, lakini zokanha kamba sime dinoligwe.

Nongezi 26:24

Munhu yokwihila kofisa kwiha kwake kwa mbuli zinogile, lakini mmoyo wake kofisa uvizi.

Nongezi 26:25

Yahalonga mbuli zinogile sambi umtogole, kwavija mmoyo wake umema ngevuzo saba.

Nongezi 26:26

Kodaha kufisa kukwihila kwake, lakini gehile gake gogubuligwa mumting'hano.

Kupetigwa 21:14

Lekaavo yandikigwa mna ikitabu cha ng'hondo za Mndewa Imulungu, “Buga da Wahebu mwiisi ya Sufa, na mabonde ga Alinoni,

Kupetigwa 32:20

Avo Musa kawalongela, “Kamba kweli motenda kamba vimulongile, avo baha kuulongozi wa Mndewa Imulungu, muitande kuchola kuna ing'hondo.

Kupetigwa 32:27

Lakini siye wasang'hanaji wako tuitanda kuchola kuna ing'hondo kuno tolongozwa na Mndewa Imulungu. Toloka ulwanda lwa Yolidani na kuitowa na hewo kamba viulongile.”

Kupetigwa 32:29

“Kamba wanhu wa makabila ga Gadi na Lubeni wahaloka lwanda lwa Yolidani hamoja na mweye kuno wapapa migoha yao na kuno molongozwa na Mndewa Imulungu, mwahawatowa iwanhu awo na kuisola isi ayo, avo muwagwelele isi ya Gileadi iwe yao.

Kumbukumbu 17:7

Awo iwanhu olava usindila wasonge kumtowa munhu ayo kwa mabwe abaho wanhu wayagwe na hewo wamtowe kwa mabwe. Kwa nzila ayo mogasegesa gehile hagati yenu.

1 Samweli 14:49

Wanage Sauli wakala Yonatani na Ishivi na Malikishua. Wanage wa ikitwanzi wakala wabili, imkulu kakemigwa Melabu na imdodo kakemigwa Mikali.

1 Samweli 17:25

Wanhu wa Izilaeli wailongela, “Mmona ija imunhu yatulawilile? Keza kutuliga Waizilaeli. Mndewa Sauli komgwaa ugoli mkulu munhu ayo yonda yamkome, kubanza awo uugoli vivija komgwaa mndele wake, na lukolo lwake honda watozigwe kodi.”

1 Samweli 17:36

Niye msang'hanaji wako ng'homa simba na dubu, avo ija Imfilisiti hengile kumbi yawaligile wakalizi wa Imulungu yeli mgima, kokuwa kamba hewo.

1 Samweli 17:47

na wanhu wose waiting'hane hano lelo ojuwa kamba Mndewa Imulungu halonda migoha hebu sime kuwagombola wanhu. Kwavija ing'hondo mwenyego Mndewa Imulungu, na heyo kowagela mmakono getu mweye mose.”

1 Samweli 18:21

Sauli kagelegeza, “Beta nimgwelele Daudi mndele wangu, ili yawe mtego kumwake, ili Wafilisiti wamkome.” Avo Sauli kamulongela Daudi kabili, “Sambi kokuwa mkwe yangu.”

1 Samweli 18:25

Sauli kawalongela, “Mulongeleni vino Daudi, mndewa halonda kinhu chochose kwa zengele da mndele wake, ila kolonda migovi gana ya Wafilisiti ili yawabwezele iwanhu omwihila.” Avo ivo Sauli viyapangile ili Daudi yakomigwe na Wafilisiti.

1 Samweli 18:27

Daudi hamoja na wanhu zake wachola kuwakoma Wafilisiti magana mabili na waisola migovi yao na kumgalila Sauli. Kagapeta kuulongozi wa mndewa, ili Daudi yamsole mndele wa mndewa. Avo Sauli kamgwaa Daudi mndele wake Mikali yawe mwehe wake.

1 Samweli 25:28

Nokupula uzigele kumgongo mbuli zangu zihile niye msang'hanaji wako. Mndewa Imulungu kokutenda mndewa, na ulelo wako okuwa wandewa kwavija gweye go mkulu kuitowa ng'hondo ya Mndewa Imulungu. Siku zose za ugima wako sambi oneke na mbuli yoyose ihile.

1 Samweli 30:26

Daudi viyabwelile Sikilagi, kalagiza hanhu ha vinhu visoligwe kuna ing'hondo wagweleligwe mbwiga zake, waja iwavele wa Yuda, kuno kamulongela ija imsenga yawalongele, “Niwagalila nhunza ya vinhu visoligwe kwa iwanhu omwihila Mndewa Imulungu.”