1 Samweli 18:12 - Biblia Kikutu

¹² Sauli kakala yomdumba Daudi kwavija Mndewa Imulungu kamuleka heyo na kakala hamoja na Daudi.

1 Samweli 18:12 ပူးပေါင်းရင်းမြစ်များ

2 Samweli 5:10

Daudi kagendelela kuwa na udahi ng'hani kwavija Mndewa Imulungu, Imulungu yeli na udahi wose, kakala hamoja na heyo.

Zabuli 51:11

Sambi unitupe kutali na gweye, sikuunisegesele loho wako yang'alile.

Zabuli 53:5

Avo ogwaya kwa bwembwe, hata kamba haduhu kinhu cha kudumba. Imulungu kaipwililisa imizege ya iwanhu wakuvamile, gweye kowatenda wakone kinyala, kwavija Imulungu kawabezeli.

Matayo 25:41

“Abaho kowalongela waja weli mwambu wa kumoso, ‘Segeleni kumwangu, mweye muduwiligwe! Muchole kuna umoto haufaga, uyekiligwe Mwenembago na wasenga zake!

Maluko 6:20

kwavija Helode kakala komdumba Yohana na kajuwa kamba kakala munhu yanogile na yang'alile avo kamkaliza. Kakala konogelwa kumuhulika, hamoja moyo umuluma ng'hani kila viyamalile kumuhulika.

Luka 8:37

Abaho wanhu wose wa isi ija ya Wagelasi wampula Yesu yalawanye, kwavija wakala wadumbile ng'hani. Avo Yesu kakwela mwiingalawa na kulawanya.

Sang'hano 24:25

Lakini Paulo viyakalile kolonga mbuli ya kutenda ganogile na kuigomesa mwenyego na mbuli ya Siku ya Imulungu kuwatagusa wanhu, Felikisi kadumba ng'hani kalonga, “Sambi kodaha kuchola, nokukema kabili nahapata nyafasi.”

Sang'hano 7:9

“Wanage Yakobo wamonela migongo mdodo wao Yusufu na wamchuuza yawe mtumwa mwiisi ya Misili. Lakini Imulungu kakala hamoja nayo,

Wasemi 1:19

Mndewa Imulungu kakala hamoja na iwanhu wa kabila da Yuda, na waisola isi ya kuvigongo, lakini hawadahile kuwahuma iwenekae wakalile kudibawe kwavija awo wakala na mituka ya mizuma.

Wasemi 16:20

Delila kamulongela Samsoni, “Samsoni! Wafilisiti okwiza kukuvamila!” Samsoni kalamuka muutulo kuno kolonda kuigombela kamba viyatendaga. Kumbe hajuwile kamba Mndewa Imulungu kakala yamulekile.

1 Samweli 16:18

Msang'hanaji wake imoja kamulongela, “Nimona mbwanga imoja wa Yese, wa buga da Beselehemu, mbwanga ayo kana udahi wa kutowa bango na galu na koitowa ng'hondo vinogile, na kolonga mbuli zinogile na kanoga, Mndewa Imulungu kahamoja na heyo.”

1 Samweli 16:4

Samweli katenda kamba Mndewa Imulungu viyamulagize, kachola Beselehemu. Wavele wa buga dija wachola kumbokela kuno ogwaya, wamuuza, “Vilihi kwiza kwa tindiwalo?”

1 Samweli 18:15

Sauli viyonile kila kiyatendile Daudi kinoga, kakala yodumba.

1 Samweli 18:20

Avo Mikali mndele wa Sauli kakala yomnogela Daudi. Sauli viyalongeligwe mbuli ayo kadeng'helela ng'hani.

1 Samweli 18:29

Sauli kagendelela kumdumba Daudi, na kumwihila siku zose.

1 Samweli 20:13

Mndewa Imulungu yang'home niye kamba tatangu kolonda kukutendela mbuli ihile, na niye nileke kukulongela uchole hanhu heli na tindiwalo. Mndewa Imulungu yawe hamoja na gweye kamba viyakalile hamoja na tatangu.

1 Samweli 22:13

Sauli kamulongela, “Habali gweye na Daudi mwanage Yese, momhelemba? Habali kumgwaa magate na sime abaho kumpulila kwa Imulungu? Kwavija lelo kanihinduka na konipelemba.”

1 Samweli 28:15

Samweli kamulongela Sauli, “Habali konigaza kwa kunigala kuno?” Sauli kamulongela, “Niye nogaya ng'hani! Wafilisiti oitowa na niye, na Mndewa Imulungu kandeka. Hanilongela kwa nzila ya watula ndagu hebu nzozi. Lekaavo nikukema ili unilongele kinhu cha kutenda.”

1 Samweli 3:19

Avo Samweli kagendelela kukula, na Mndewa Imulungu kakala hamoja na heyo, na kagavikiza gose gayalongile Samweli na kuduhu hata mbuli imoja ilekile kuvikizwa.