1 Samweli 17:46 - Biblia Kikutu

⁴⁶ Lelo Mndewa Imulungu kokugela mmakono gangu. Nokuhuma na nokukanha pala jako, ng'huli za wakalizi wa Wafilisiti nowagwaa ndege na ming'onyo ya kumuhulo. Baho isi ngima yojuwa kamba Imulungu ka mwiisi ya Izilaeli,

1 Samweli 17:46 ပူးပေါင်းရင်းမြစ်များ

Mwanduso 40:19

Zahabita siku ndatu Falao kokulava mkifungo kokanha pala jako na kokutumbika mdibiki, na ndege oluja lukuli lwako.”

2 Samweli 18:28

Abaho Ahimaasi kamulongela mndewa kwa sauti ng'hulu, “Mbuli zose zinoga” Kaidulika mbaka hasi kalonga, “Yatogoligwe Mndewa Imulungu, Imulungu wako, yawasegese wanhu waja wakulemile gweye mndewa wangu.”

2 Samweli 21:10

Abaho Lisipa kasola kiwalo cha gunia, kakitambaliza uchanha ya dibwe kulu. Kakala aho tangu mwanduso wa kusenga mbaka kipindi cha mvula vikivikile na kuitowela imitufi. Kipindi chose acho, kakala yowinga ndege imisi na kakala yowinga wanyama wa kumuhulo ikilo, ili sambi waikwesele imitufi.

Zabuli 31:8

Gweye hunilekile nigeligwe mmakono ga iwanhu onihila, kunimiza hanhu hana inyafasi.

Zabuli 46:10

“Nyamaleni mjuwe kamba niye ayo Imulungu, notogolwa hagati ha iwanhu wa isi zose, notogolwa na isi yose.”

Kulawa 9:16

Lakini niwaleka muwe wagima kulagusa udahi wangu avo wanhu wose wa mwiisi wadijuwe twaga jangu.

Matayo 24:28

“Kokose kuli na mzoga, baho hoiting'hana mhungu.”

Kumbukumbu 28:26

Mwahafa ng'huli zenu zokuwa ndiya ya ndege na ndiya ya ming'onyo ya kumuhulo na kuduhu munhu yonda yawawinge.

Kumbukumbu 7:2

Vivija Mndewa Imulungu, Imulungu wenu, vonda yawagele mmakono genu na mowahuma iwanhu awo avo muwakome wose, sikumutende lagano na hewo na sikumuwonele bazi.

Kumbukumbu 7:23

Mndewa Imulungu, Imulungu wenu kowagela mmakono genu iwanhu owehila na kowatenda wadununzike mbaka wamale kukomigwa.

Yoshua 10:8

Mndewa Imulungu kamulongela Yoshua “Sikuuwadumbe hewo kwavija niye niwagela mmakono gako, kuduhu munhu yonda yakuhume.”

Yoshua 4:24

ili iwanhu wose weli mwiisi yose wajuwe kamba Mndewa Imulungu kana udahi, na mumdumbe Mndewa Imulungu, Imulungu wenu siku zose.”

1 Samweli 14:6

Avo Yonatani kamulongela ija imbwanga iyampapile ivinhu vake va ng'hondo, “Izo tuchole mwambu uja kuna ing'hambi ya iwanhu wano hawengile kumbi. Sengine Mndewa Imulungu kotutaza, kwavija Mndewa Imulungu kodaha kugombola kubitila wanhu wengi hebu wanhu kidogo.”

1 Samweli 17:44

Ija Imfilisiti kamulongela Daudi, “Izo kuno, lukuli lwako nowagwaa ndege na ming'onyo ya kumuhulo!”