1 Samweli 17:37 - Biblia Kikutu

³⁷ Mndewa Imulungu yang'hombole mmikombe ya simba na dubu, ayo yonda yang'hombole kulawa mmakono ga ino Imfilisiti.” Sauli kamulongela Daudi, “Genda na Mndewa Imulungu, kahamoja na gweye.”

1 Samweli 17:37 ပူးပေါင်းရင်းမြစ်များ

2 Samweli 10:12

Lakini ugangamale na uiyohe mbuli ya wanhu zetu na mabuga ga Imulungu wetu. Mndewa Imulungu kotenda gaja komnogela mgameso gake.”

Zabuli 11:1

Mndewa Imulungu ayo inimkimbilile, habali monongela, “Guluka kamba ndege ako kulugongo,

Zabuli 118:6

Mndewa Imulungu kahamoja na niye, sidumba kinhu. Munhu konitenda choni?

Zabuli 138:3

Siku dija dinikulilile, gweye kunidika, na kunigangamiza kwa nguvu zako.

Zabuli 63:7

Kwavija gweye konitaza, mmbeho ya mabawa gako nokwimba kwa deng'ho.

Zabuli 77:11

Nozikumbuka sang'hano za Mndewa Imulungu, ona noukumbuka unzonza wako wa umwaka.

Yoshua 1:17

Kamba vija vitumtegeleze Musa mzimbuli zose, vivija tokutegeleza na gweye. Mndewa Imulungu, Imulungu wako yawe hamoja na gweye kamba viyakalile hamoja na Musa!

Lusi 2:4

Vikibitile kipindi kidogo, Boazi kavika kulawa Beselehemu kawalamusa wasengaji, kawalongela, “Mndewa Imulungu yawe na mweye.” Na hewo wamwidika, “Mndewa Imulungu yakutendele ganogile.”

1 Samweli 17:36

Niye msang'hanaji wako ng'homa simba na dubu, avo ija Imfilisiti hengile kumbi yawaligile wakalizi wa Imulungu yeli mgima, kokuwa kamba hewo.

1 Samweli 17:38

Sauli kamvaza Daudi viwalo vake va ng'hondo, kamvaza kofia da shaba ya kiguzi na kamvaza koti da kuikingila hana imhambaga.

1 Samweli 20:13

Mndewa Imulungu yang'home niye kamba tatangu kolonda kukutendela mbuli ihile, na niye nileke kukulongela uchole hanhu heli na tindiwalo. Mndewa Imulungu yawe hamoja na gweye kamba viyakalile hamoja na tatangu.

1 Samweli 24:19

Vino, munhu yahamgoga ija yomwihila komulekesa yachole vivino? Kwa gaja gaunhendele, Mndewa Imulungu yakutendele ganogile!

1 Samweli 26:25

Sauli kamulongela Daudi, “Imulungu yakutendele ganogile mwanangu Daudi, kotenda vinhu vikulu na kohuma.” Abaho Daudi kasegela na Sauli kabwela ukayake.

1 Samweli 7:12

Abaho Samweli kasola dibwe kadisimika hagati ya Misipa na Sheni, dibwe dijo kadikema Ebenezeli, kwavija kalonga, “Mbaka sambi Mndewa Imulungu katutaza.”