1 Samweli 17:11 - Biblia Kikutu

¹¹ Sauli hamoja na wakalizi wose wa Izilaeli viwahulike mbuli za ija Imfilisiti wengilwa bwembwe na kudumba.

1 Samweli 17:11 ပူးပေါင်းရင်းမြစ်များ

Zabuli 118:6

Mndewa Imulungu kahamoja na niye, sidumba kinhu. Munhu konitenda choni?

Zabuli 27:1

Mndewa Imulungu ayo mulenge wangu, na ukombola wangu, niye nimdumbe nani? Mndewa Imulungu ayo ngome ya ugima wangu, simdumba munhu yoyose.

Nongezi 28:1

Wasang'hana gehile okimbila kuno hawakimbizigwa na munhu, lakini wene haki magalu kamba simba.

Kumbukumbu 31:8

Mndewa Imulungu ayo yowalongoza, heyo kokuwa hamoja na mweye, heyo hawaleka bule hebu kuwasemwa. Avo sikumudumbe hebu kunyawanyawa.”

Yoshua 1:9

Kumbuka niye nikulagiza, ugangamale na uwe galu, sikuudumbe na sikuunyawenyawe, kwavija Mndewa Imulungu, Imulungu wako kokuwa hamoja na gweye kokose konda uchole.”

1 Samweli 13:7

na Waizilaeli wayagwe waloka lwanda lwa Yolidani wengila mwiisi ya Gadi na mwiisi ya Gileadi. Sauli kakala yang'hali Giligali na wanhu wakalile hamoja na heyo wamuwinza kuno ogwaya kwa bwembwe.

1 Samweli 17:10

Ija Imfilisiti kagendelela kuitapa, “Nowaliga wakalizi wa Izilaeli, nolonda mkalizi imoja kulawa kumwenu yeze kuitowa na niye.”

1 Samweli 17:12

Daudi kakala mwanage Yese, wa lukolo lwa Efulata kulawa Beselehemu mwiisi ya Yuda. Yese kakala na wana wanane wa kimbigalo. Kipindi Sauli viyakalile mndewa, Yese kakala mvele ng'hani.

1 Samweli 21:13

Avo, kaleka viyeli kaitenda kana lukwale, kasonga kuvavatula milango ya dibuga, na kaleka mate gasulule mna imidevu yake.

1 Samweli 7:7

Wafilisiti viwahulike kamba Waizilaeli waiting'hana ako Misipa, iwakulu wa Wafilisiti wachola kuwavamila. Waizilaeli viwahulike mbuli ayo wawadumba Wafilisiti.