1 Samweli 16:21 - Biblia Kikutu

²¹ Daudi viyavikile kasonga kumsang'hanila Sauli. Sauli kakala yamnogele ng'hani Daudi mbaka kamtenda yawe mpapaji wa ivinhu vake va ng'hondo.

1 Samweli 16:21 ပူးပေါင်းရင်းမြစ်များ

Mwanduso 41:46

Yusufu kakala na miyaka malongo madatu viyasongile kumsang'hanila Falao, mndewa wa Misili. Kalawa mng'anda ya Falao na kuitembelela isi yose ya Misili.

Zabuli 118:9

Vinoga kumkimbilila Mndewa Imulungu, kubanza kuwatamanila iwakulu wa mwiisi ino.

Zabuli 146:3

Sikuwike tamanilo jako kwa iwakulu, kwa iwanhu odanganika, hewo hawadaha kumkombola munhu.

Zabuli 62:9

Iwanhu wose kamba mhumuzi, wose wakulu kwa wadodo hawafaya kinhu. Uhawapima hawavika kilo imoja, hewo wose wabewe kubanza mhumuzi.

Nongezi 22:29

Tanhu mulole munhu mwene nzewele mzisang'hano zake. Ayo kowasang'hanila wandewa, hawasang'hanila wasumbwa.

Kumbukumbu 1:38

Lakini ayo yokutaza, Yoshua mwanage Nuni kokwingila, avo umgele moyo, kwavija heyo ayo yonda yawalongoze wanhu wa Izilaeli waihazi isi ayo.’

Kumbukumbu 10:8

Kipindi acho, Mndewa Imulungu kawasagula iwanhu wa kabila da Lawi wadipape sanduku da lagano da Mndewa Imulungu, na wamsang'hanile kamba walava nhosa na wawatambikile iwanhu kwa twaga jake mbaka vino lelo.

Wasemi 9:54

Abaho Abimeleki himahima kamkema imbwanga yompapila imigoha kamulongela, “Somola panga jako unikome, wanhu sikuwalonge nikomigwa na mtwanzi.” Mbwanga ayo kasomola panga jake, kamuhoma na kamkoma.

1 Samweli 16:22

Abaho Sauli kamtumila usenga Yese kamulongela, “Ndekela Daudi yakale kuno yanisang'hanile kwavija nomnogela.”

1 Samweli 17:15

na kakala yochola baho kwa baho kwa Sauli, abaho kobwela Beselehemu kususila ng'hondolo wa tatake.

1 Samweli 17:55

Sauli viyamonile Daudi kachola kuitowa na Goliati, kamuuza Abineli mkulu wa iwakalizi zake, “Ino vino mwanage nani?” Abeneli kamulongela, “Go mndewa kamba viwili mgima hata twaga jake sidijuwile bule.”

1 Samweli 19:7

Avo Yonatani kamkema Daudi na kumsimulila mbuli zose. Abaho Yonatani kamgala Daudi kwa Sauli, Daudi kamsang'hanila Sauli kamba haichanduso.