1 Samweli 16:18 - Biblia Kikutu

¹⁸ Msang'hanaji wake imoja kamulongela, “Nimona mbwanga imoja wa Yese, wa buga da Beselehemu, mbwanga ayo kana udahi wa kutowa bango na galu na koitowa ng'hondo vinogile, na kolonga mbuli zinogile na kanoga, Mndewa Imulungu kahamoja na heyo.”

1 Samweli 16:18 ပူးပေါင်းရင်းမြစ်များ

Mwanduso 39:2

Mndewa Imulungu kakala na Yusufu na kamtenda yamwede, kakala mng'anda ya mkulu ayo Mmisili.

Mwanduso 39:23

Mkulu wa ikifungo hadumbile kinhu chochose kikalile mmakono ga Yusufu, kwavija Mndewa Imulungu kakala hamoja na Yusufu, avo kila kinhu kakitenda kinoge.

2 Samweli 14:20

Msang'hanaji wako Yoabu katenda vino ili yahindule mbuli vizili hagati ya gweye na mwanago Abisalomu. Lakini gweye mndewa wangu kuna nzewele nyingi kamba msenga wa Imulungu kogajuwa gose ga mwiisi.”

2 Samweli 17:10

Wanhu wako wahahulika avo, hata waja magalu weli na mizoyo ya simba okwingila bwembwe, kwavija Izilaeli yose ojuwa kamba tatako galu hamoja na wanhu zake magalu.

2 Samweli 17:8

Komjuwa goya tatako na wanhu zake viwakuwile magalu wa kuitowa, na viwagevuzike kamba simba yabokigwe wanage kupoli. Vivija komjuwa goya tatako viyeli mbala wa kuitowa ng'hondo na ikilo hawasa na iwakalizi.

Nongezi 12:8

Munhu kotogoligwa kwa nzewele zake, lakini munhu iyogesa gehile kobezigwa.

Matayo 1:23

“Mhambe kogoga inda, na kolela mwana wa kimbigalo, nao omkema Imanueli,” fambulo jake, “Imulungu kahamoja na siye.”

Matayo 28:20

na muwafundize wagoge kila kinhu kiniwalagizeni, na niye nokuwa hamoja na mweye siku zose mbaka kukimambukizo cha isi.”

1 Samweli 10:7

Avo vahakulawilila vinhu avo, chochose chuulonda kutenda, kitende kwavija Imulungu kahamoja na gweye.

1 Samweli 16:12

Avo Yese kamtuma munhu yakamuwinze. Ayo imbwanga kakala yanogile na meso gake gakala gong'ala. Mndewa Imulungu kamulongela Samweli, “Ino iyo mwenyego, genda kamgidile mavuta.”

1 Samweli 16:17

Avo Sauli kawalongela wasang'hanaji zake, “Zahileni munhu yodaha kutowa bango mngalile.”

1 Samweli 16:19

Avo Sauli katuma wasenga kwa Yese, wamulongele, “Ngalila mwanago Daudi ayo yosusila ng'hondolo.”

1 Samweli 17:12

Daudi kakala mwanage Yese, wa lukolo lwa Efulata kulawa Beselehemu mwiisi ya Yuda. Yese kakala na wana wanane wa kimbigalo. Kipindi Sauli viyakalile mndewa, Yese kakala mvele ng'hani.

1 Samweli 3:19

Avo Samweli kagendelela kukula, na Mndewa Imulungu kakala hamoja na heyo, na kagavikiza gose gayalongile Samweli na kuduhu hata mbuli imoja ilekile kuvikizwa.