1 Samweli 15:35 - Biblia Kikutu

³⁵ Tangu siku dijo, Samweli hacholile kabili kwa Sauli mbaka heyo Samweli viyadanganike. Samweli kamulilila Sauli. Mndewa Imulungu kona usungu mbuli ya Sauli kwavija kakala yamsagule yawe mndewa wa Izilaeli.

1 Samweli 15:35 ပူးပေါင်းရင်းမြစ်များ

Mwanduso 6:6

Mndewa Imulungu kagelegeza habali kamulumba munhu mwiisi, avo kona usungu ng'hani muumoyo wake.

2 Samweli 6:23

Nayo Mikali, mndele wa Sauli hapatile wana mbaka ifa yake.

Zabuli 119:136

Meso gangu kolava mahozi kamba lwanda, kwavija wanhu hawagagoga malagizo gako.

Zabuli 119:158

Nowalola iwanhu hawatamanilwa na nowehila, kwavija hawagagoga malagizo gako.

Wafilipi 3:18

Kwavija miyanza mingi niwalongela mbuli ino, na sambi nowalongela kabili kwa mahozi kuwa, wanhu bwando okala kamba waihila na usenga wa kufa kwa Kilisito mumsalaba.

1 Samweli 15:11

“Nokona usungu habali nimtenda Sauli yawe mndewa. Kaleka kuniwinza niye na kusang'hana malagizo gangu.” Samweli kasikitika na kumulilila Mndewa Imulungu kilo chose.

1 Samweli 16:1

Mndewa Imulungu kamulongela Samweli, “Komulilila Sauli mbaka lini? Kwavija kojuwa kamba niye nimulema Sauli sambi yagendelele kuwa mndewa wa Izilaeli. Avo gela mavuta mna itabatila yako na nokutuma uchole kwa Yese yeli kudibuga da Beselehemu. Ako nimsagula mndewa kulawa kwa iwana wa Yese.”

1 Samweli 19:24

Kavula viwalo vake, kasonga kulagula kuulongozi wa Samweli, kawasa mwazi siku dijo imisi na ikilo. Wanhu wasonga kuiuza, “Amweye hata Sauli nayo imoja wa watula ndagu?”