1 Samweli 15:24 - Biblia Kikutu

²⁴ Baho Sauli kamulongela Samweli, “Nhenda mbuli ihile. Nigabena malagizo ga Mndewa Imulungu na malagizo gako, kwavija niwadumba wanhu na kuwategeleza wao.

1 Samweli 15:24 ပူးပေါင်းရင်းမြစ်များ

Mwanduso 3:12

Mbigalo ayo kamwidika, “Mtwanzi yuungwelele ng'hale na heyo hamoja ayo yangwelele tunda da biki dijo, na niye nidija.”

Mwanduso 3:17

Abaho kamulongela imbigalo, “Kwavija gweye kumtegeleza mwehe wako, na kuja tunda da biki dinikugomese sikuuje, kwa mbuli ayo, isi yose iduwiligwa. Kwa kulawa fuguti kopata ndiya yako, siku zose za ugima wako.

2 Samweli 12:13

Avo, Daudi kamulongela Natani, “Nhenda nzambi kwa Imulungu.” Natani kamulongela Daudi, “Mndewa Imulungu kaisegesa nzambi yako hudanganika bule.

Zabuli 51:4

Kumwako gweye uiyeka nhenda nzambi, na nhenda gehile mgameso gako, avo magesa gako ga haki, nhaguso yako itelela.

Kulawa 10:16

Abaho Falao kalopola kawakema Musa na Haluni, kawalongela, “Niye nibananga kwa Mndewa Imulungu wenu, na kumwenu mweye.

Kulawa 23:2

Sikuukweleleze bumbila da wanhu otenda gehile, na sikuuilumbe na wanhu kulava usindila wa uvizi mkitala.

Kulawa 9:27

Falao kalagiza Musa na Haluni wakemigwe, kawalongela, “Mwanza uno nitenda nzambi, Mndewa Imulungu katenda goya, niye na wanhu zangu tubananga.

Nongezi 29:25

Wahawadumba wanhu koitega mwenyego, lakini yomtamanila Mndewa Imulungu kokala goya.

Kupetigwa 22:34

Balaamu kamulongela msenga ayo wa Mndewa Imulungu, “Nitenda nzambi kwavija sijuwile kamba kwima mnzila kunikimila. Avo sambi kamba gweye hulonda nigendelele na mwanza uno, avo nobwela ukae.”

Matayo 27:4

Kawalongela, “Nhenda nzambi kwa kumuhinduka munhu yatendile ganogile yakomigwe!” Lakini wao wamwidika, “Ajo jako wiiyeka, siye twamduhu!”

Wagalatia 1:10

Vino vinongile vino nolonda kutogoligwa na wanhu? Haili vivo bule! Niye nolonda kutogoligwa na Imulungu! Vino, niye nolonda kuwanogeza wanhu? Maza nhendile vivo, sambi niwe msang'hanaji wa Kilisito.

Ugubulo 21:8

Lakini wanhu odumba na oleka kutogola na wanhu otenda mbuli zigevuza na wakomaji na wagoni na wahawi na wanhu ovitambikila vinyago na wavizi, wose hanhu hao kudilamba da moto na mabwe gokwaka, ayo iyo ifa ya kabili.”

1 Samweli 15:15

Sauli kedika, “Wanhu wawaleka wagima ng'ombe na ng'hondolo wanenehe na awo ofaya kumulavila nhosa Mndewa Imulungu, Imulungu wako lakini wayagwe tuwakoma.”

1 Samweli 15:30

Sauli kalonga, “Nhenda mbuli zihile lakini nokupula unitegeleze kuulongozi wa iwavele na kuulongozi wa Waizilaeli na ubwele na niye ili nimtambikile Mndewa Imulungu, Imulungu wako.”

1 Samweli 15:9

Lakini Sauli na wanhu zake wamuleka Agagi yang'hali mgima na hawawakomile ng'hondolo na ng'ombe na wana ng'hondolo na mibofu ya ng'ombe wanenehe na vinhu vose vinogile hawavibanange. Lakini vinhu vose vihile na vilibule sang'hano wavibananga.

1 Samweli 2:29

Habali kuzonela migongo nhosa ziniwalongele wanhu wangalile? Gweye kuwategeleza wanago kubanza niye, muineneheza wenyego kwa kuja nyama zinogile za kila nhosa ziwandavile Waizilaeli.’

1 Samweli 26:21

Abaho Sauli kamwidika, “Niye nhenda vihile. Bwela mwanangu Daudi. Sigeza kukukoma kabili kwavija lelo kunileka mgima. Niye nambozi na nhenda vihile ng'hani.”