1 Samweli 15:23 - Biblia Kikutu

²³ Kulema malagizo ga Mndewa Imulungu sawa na nzambi ya kulagula, na kibuli kamba kukitambikila kinyago. Kwavija kugalema malagizo ga Mndewa Imulungu, avo na heyo kakulema sikuuwe mndewa.”

1 Samweli 15:23 ပူးပေါင်းရင်းမြစ်များ

Mwanduso 31:19

Labani viyacholile kuwakanha mibahila iwang'hondolo. Laheli keba vinyago viyavitambikilaga tatake.

Mwanduso 31:34

Avo Laheli kakala yavisolile vinyago vija, kavifisa hasi ya mkoba wa kukalila uchanha ya ngamiya na mwenyego kakala uchanha yake. Labani kazahila kila hanhu mkibanda, lakini hapatile kinhu bule.

2 Samweli 12:9

Habali kuibezeli mbuli ya Mndewa Imulungu na kutenda gehile mgameso gangu? Kumkoma Ulia Muhiti, kwa sime da Waamoni na kumsola mwehe wake yawe mwehe wako.

2 Samweli 7:15

Lakini sisegesa ng'o unogelo wangu kumwake, kamba viniusegese kwa Sauli, vinimsegese haulongozi wako.

Zabuli 107:11

kwavija wailema mbuli ya Imulungu, wagabezeli magesa ga ayo yeli Uchanha Ng'hani.

Kulawa 22:18

“Sikuumuleke mtwanzi muhawi yawe mgima.

Walawi 20:27

“ ‘Mbigalo hebu mtwanzi yoyose yolagula hebu muhawi yakomigwe kwa mabwe. Ifa yao yokuwa mmakono gao wenyego.’ ”

Walawi 20:6

“ ‘Kamba munhu yoyose yahawacholela walaguzi wa mizimu na wahawi na koleka kunitamanila niye, nomgevuzikila munhu ayo na nombagula na wanhu zake.

Kupetigwa 14:9

Lakini sikummuleme Mndewa Imulungu, na sikumuwadumbe iwenekae wa isi ayo, kwavija hewo kamba wana wadodo kumwetu. Kiwotamanila kisegesigwa, lakini Mndewa Imulungu kahamoja na siye, sikumuwadumbe!”

Sang'hano 13:22

Viyamsegese Sauli, Imulungu kamtenda Daudi yawe mndewa wao. Vino vivo viyalongile Imulungu mbuli yake, ‘Nimona Daudi mwanage Yese ayo munhu younogeza moyo wangu, munhu yonda yatende gose gonilonda yatende.’

2 Wakolinto 6:16

Vino Ng'anda ya Imulungu yoilumbaze na vinyago va imilungu? Avo siye twa Ng'anda ya Imulungu yeli mgima! Kamba viyalongile Imulungu mwenyego, “Nokala nao na kutembela hamoja nao. Niye nokuwa Imulungu wao, na wao okuwa wanhu zangu.”

Wagalatia 5:20

na kuvitambikila vinyago na uhawi na kuihila na ndwagi na kuyonela migongo na ng'hasiliki na ugila na kuiding'hula na kuigola mna ivibumbila,

Kumbukumbu 9:24

Mweye mmulema Mndewa Imulungu tangu siku viniwajuwile.

Kumbukumbu 9:7

“Kumbukeni na sikumuisemwe vimumgevuze Mndewa Imulungu, Imulungu wenu kuja kuluwala. Tangu siku dija dimusegele mwiisi ya Misili mbaka vimuvikile hanhu hano, mweye momulema Mndewa Imulungu.

Yoshua 22:15

Avo wavika ako Gileadi kwa iwanhu wa kabila da Lubeni na kabila da Gadi na nusu ya kabila da Manase, wawalongela,

Ugubulo 21:8

Lakini wanhu odumba na oleka kutogola na wanhu otenda mbuli zigevuza na wakomaji na wagoni na wahawi na wanhu ovitambikila vinyago na wavizi, wose hanhu hao kudilamba da moto na mabwe gokwaka, ayo iyo ifa ya kabili.”

Ugubulo 22:15

Lakini kunze ya buga dijo kuna wanhu ogevuza na wahawi na wakomaji na wagoni na wanhu ovitambikila vinyago na wanhu onogelwa kulonga uvizi.

1 Samweli 13:14

Avo undewa wako honda ugendelele kwavija gaja gamalagizo gayakulongele Mndewa Imulungu hugatendile. Avo, Mndewa Imulungu kamzahila munhu yogesa kodaha kukweleleza malagizo gake na kamsagula yawe kilongozi wa wanhu zake.”

1 Samweli 16:1

Mndewa Imulungu kamulongela Samweli, “Komulilila Sauli mbaka lini? Kwavija kojuwa kamba niye nimulema Sauli sambi yagendelele kuwa mndewa wa Izilaeli. Avo gela mavuta mna itabatila yako na nokutuma uchole kwa Yese yeli kudibuga da Beselehemu. Ako nimsagula mndewa kulawa kwa iwana wa Yese.”

1 Samweli 2:30

“Avo Mndewa Imulungu, Imulungu wa Izilaeli, kolonga vino, ‘Niiduwila kamba ulelo wako na ulelo wa muhenga wako osang'hana kuulongozi wangu milele.’ Lakini sambi Mndewa Imulungu kolonga, ‘Mbuli ayo iwe kutali na niye, kwavija nowagesa wose onigesa niye na wose onibezeli na niye nowalema.

1 Samweli 28:3

Kipindi acho Samweli kakala yadanganike, Waizilaeli wose wakala wamulilile na kumzika kudibuga jake da Lama. Sauli kakala yawawingile wanhu olagula kwa mizimu na wahawi mwiisi yake.