1 Samweli 15:22 - Biblia Kikutu

²² Lakini Samweli kamulongela, “Kwigizaga Mndewa Imulungu kolonda ng'hani nhosa za kusoma moto na sadaka ziyagwe, kubanza kuitegeleza sauti yake? Lola, kumtegeleza heyo kunoga kubanza nhosa. Kumtegeleza heyo kubanza mavuta ga ng'hondolo.

1 Samweli 15:22 ပူးပေါင်းရင်းမြစ်များ

Mwanduso 4:4

Abaho Abeli kamulavila Mndewa Imulungu nyama zinonile za ng'hondolo wa chaudele yawachinjile kulawa mna ifugo yake. Mndewa kanogezwa na Abeli hamoja na nhunza yake,

Kulawa 19:5

Avo, kamba monitegeleza niye na kugoga lagano jangu, mokuwa wanhu zangu musaguligwe hagati ya isi zose hamoja vivija isi yose yangu.

Nongezi 21:3

Kusang'hana ganogile na ga haki, komnogeza Mndewa Imulungu kubanza nhosa.

Matayo 12:7

Maza mujuwile fambulo da ulonzi uno, ‘Nolonda bazi, silonda sadaka,’ sambi muwataguse wanhu welibule gehile.

Matayo 23:23

“Mogaya mweye wafundiza Malagizo na Mafalisayo, mweye mwa watapitapi! Momgwaa Imulungu fungu da longo da majani gonung'hila goya, binzali na kalafuu, lakini moleka kugagoga mafundizo makulu Gamalagizo, kamba vija haki, bazi na kutamanila. Molondigwa kugatenda gano na sikumugaleke gaja gayagwe.

Matayo 5:24

tanhu ileke nhunza yako aho hana uupango, chola hima ukailumbe na ndugu yako, na abaho ubwele umulavile Imulungu nhunza yako.

Matayo 9:13

Lakini choleni mkaifunze mna Gamaandiko Gang'alile, Imulungu kalonga, ‘Kinilonda niye bazi, siyo nhosa.’ Niye sizile kuwakema wanhu ogesa wanoga, lakini niza kuwakema wanhu wene nzambi.”

Maluko 12:33

Kumnogela Imulungu wako kwa moyo wako wose na kwa nzewele zako zose na kwa nguvu zako, na kumnogela miyago kamba viuinogela mwenyego, kunoga ng'hani kugoga Malagizo gano mabili kubanza kumulavila Imulungu nhosa za wanyama na nhosa ziyagwe.”

1 Samweli 13:12

nigesa kamba Wafilisiti waheza kuno Giligali kunitoa, na niye nikala ning'hali sina mpula Mndewa Imulungu yanyonele bazi. Avo nyona nilave mwenyego nhosa ya kusoma moto.”

1 Samweli 13:13

Samweli kamulongela, “Kutenda kinhu cha ubozi, hudigogile lagizo da Mndewa Imulungu, Imulungu wako. Maza wahatendile kamba viyakulagize kutenda, wahautendile undewa wako wime mwiisi ya Izilaeli milele.