1 Samweli 15:11 - Biblia Kikutu

¹¹ “Nokona usungu habali nimtenda Sauli yawe mndewa. Kaleka kuniwinza niye na kusang'hana malagizo gangu.” Samweli kasikitika na kumulilila Mndewa Imulungu kilo chose.

1 Samweli 15:11 ပူးပေါင်းရင်းမြစ်များ

Mwanduso 6:6

Mndewa Imulungu kagelegeza habali kamulumba munhu mwiisi, avo kona usungu ng'hani muumoyo wake.

Mwanduso 6:7

Mndewa Imulungu kalonga, “Nowabananga wanhu wose niwalumbile mwiisi, na vivija nowabananga wanyama na wang'onyo otambala mwiisi na ndege. Nokona usungu habali niwalumba mwiisi.”

2 Samweli 24:16

Msenga wa Mndewa viyagolose mkono wake ili kudibananga buga da Yelusalemu, Mndewa Imulungu kagimbula kamgomesa ayo imsenga wa kuulanga yakalile yowabananga wanhu kalonga, “Yotosha bweza mkono wako.” Msenga wa mndewa Imulungu kakala yemile behi na hanhu ha kubigila ha Alauna Myebusi.

Zabuli 109:4

Oniliha gehile kwa unogelo wangu, lakini niye nowapulila.

Zabuli 110:4

Mndewa Imulungu kaiduwila na hagimbula bule, “Gweye kwa mulava nhosa milele, muulava nhosa wa Melikizedeki.”

Zabuli 119:136

Meso gangu kolava mahozi kamba lwanda, kwavija wanhu hawagagoga malagizo gako.

Zabuli 125:5

Lakini waja ogaluka na kukweleleza nzila zao zihile. Mndewa Imulungu kowaswaswanya mnzila za otenda gehile. Tindiwalo dikale na Izilaeli.

Zabuli 36:3

Mbuli za mulomo wake ziha na za uvizi, kaleka kugelegeza goya na kutenda ganogile.

Zabuli 78:41

Wamgeza Imulungu kabili na kabili, na wamgevuza ayo Yang'alile wa Izilaeli.

Zabuli 78:57

Wahinduka kuyagwe na hawatamaniligwe kamba iwahenga zao, hawatamaniligwe kamba upinde wenye kasolo.

Kulawa 32:11

Lakini Musa kampula Mndewa Imulungu wake kalonga, “Go Mndewa Imulungu, habali kowagevuzikila ng'hani wanhu wako uwalavile mwiisi ya Misili kwa udahi na mkono wenye nguvu?

Kulawa 32:14

Avo, Mndewa Imulungu kaleka kuwatendela dija dihile diyalongile kotenda.

Matayo 24:13

lakini munhu yonda yafunge umoyo mbaka kukimambukizo kokomboligwa.

Matayo 5:44

Lakini niye nowalongeleni, wanogeleni wanhu owehila na wapulileni kwa Imulungu waja owadununza,

Luka 6:12

Kipindi kija Yesu kachola kuna ikigongo kumpula Imulungu, kakala ako kilo kigima kompula Imulungu.

Waebulania 10:38

Lakini munhu wangu yanogile mgameso gangu, kokala mwiisi kwa kutamanila, lakini yahabwela kuchugu, sinogeligwa nayo bule.”

Yoshua 22:16

“Umting'hano wose wa iwanhu wa Mndewa Imulungu owauza, ‘Uvizi gani uno umumtendele Imulungu wa Izilaeli? Habali mumulema Mndewa Imulungu kwa kuzenga upango uno wa nhosa?

1 Samweli 12:23

Lakini niye sidaha kuleka kuwapulila kwa Mndewa Imulungu, nahatenda avo nokuwa nimtendela vihile Mndewa Imulungu, niye nogendelela kuwafunza nzila inogile na ya haki.

1 Samweli 13:13

Samweli kamulongela, “Kutenda kinhu cha ubozi, hudigogile lagizo da Mndewa Imulungu, Imulungu wako. Maza wahatendile kamba viyakulagize kutenda, wahautendile undewa wako wime mwiisi ya Izilaeli milele.

1 Samweli 15:10

Mbuli ya Mndewa Imulungu imwizila Samweli.

1 Samweli 15:3

Avo genda ukawavamile Waamaleki na kuvinanga vinhu vao vose viweli navo, sambi muwaleke wagima, ila muwakome wambigalo kwa watwanzi na wana na ving'hele na ng'ombe na ng'hondolo na ngamiya na vihongwe.’”

1 Samweli 15:35

Tangu siku dijo, Samweli hacholile kabili kwa Sauli mbaka heyo Samweli viyadanganike. Samweli kamulilila Sauli. Mndewa Imulungu kona usungu mbuli ya Sauli kwavija kakala yamsagule yawe mndewa wa Izilaeli.

1 Samweli 15:9

Lakini Sauli na wanhu zake wamuleka Agagi yang'hali mgima na hawawakomile ng'hondolo na ng'ombe na wana ng'hondolo na mibofu ya ng'ombe wanenehe na vinhu vose vinogile hawavibanange. Lakini vinhu vose vihile na vilibule sang'hano wavibananga.

1 Samweli 16:1

Mndewa Imulungu kamulongela Samweli, “Komulilila Sauli mbaka lini? Kwavija kojuwa kamba niye nimulema Sauli sambi yagendelele kuwa mndewa wa Izilaeli. Avo gela mavuta mna itabatila yako na nokutuma uchole kwa Yese yeli kudibuga da Beselehemu. Ako nimsagula mndewa kulawa kwa iwana wa Yese.”

1 Samweli 8:6

Lakini Samweli hanogelwe na mbuli ayo iwalongile, “Tugwelele mndewa yatutawale.” Avo, Samweli kampula Mndewa Imulungu.