1 Samweli 14:6 - Biblia Kikutu

⁶ Avo Yonatani kamulongela ija imbwanga iyampapile ivinhu vake va ng'hondo, “Izo tuchole mwambu uja kuna ing'hambi ya iwanhu wano hawengile kumbi. Sengine Mndewa Imulungu kotutaza, kwavija Mndewa Imulungu kodaha kugombola kubitila wanhu wengi hebu wanhu kidogo.”

1 Samweli 14:6 ပူးပေါင်းရင်းမြစ်များ

2 Samweli 1:20

Sambi mudilonge buga da Gati, hebu mzinzila za Ashikeloni, buleavo watwanzi wa Wafilisiti odeng'helela, na wandele wa awo hawengile kumbi odeng'ha.

2 Samweli 16:12

Sengine Mndewa Imulungu kogona magazo gangu na kondiha ganogile kwa ukuduzi unilongigwa lelo.”

Zabuli 135:6

Mndewa Imulungu kotenda chochose kiyolonda, kuulanga na mwiisi, mwiibahali na mvizanda vose.

Kupetigwa 10:32

Kamba wahachola na siye chochose kinogile chonda yatutendele Mndewa Imulungu, na gweye vivija kotendeligwa kinhu acho.”

Kupetigwa 31:4

Kulawa kila kabila da Izilaeli, musagule wakalizi wa ng'hondo elufu imoja.”

Matayo 19:26

Yesu kawalola bunhuu kawalongela, “Kwa munhu havidahika, lakini kwa Imulungu gose godahika.”

Walumi 8:31

Mzimbuli zose zino, tulonge choni, Imulungu yahawa ubanzi wetu, nani yodaha kututenda mbuli yoyose?

Kumbukumbu 32:30

Munhu imoja kodaha vilihi kuwahuma wanhu elufu imoja hebu wanhu wabili odaha vilihi kuwahuma wanhu elufu kumi? Yodahika kamba Dibwe jao kulu kawaleka, na Mndewa Imulungu wao mkulu kawadonha.

Wafilipi 3:3

Siye wao twingile kumbi kweli, siye tumtambikila Imulungu kwa Loho wake na toigodela Yesu Kilisito. Siye hatuigodela kihendo kitendigwa mulukuli.

Yoshua 14:12

Avo, sambi unigwelele isi ino ya kuvigongo iyalongile Mndewa Imulungu siku ija, kwavija gweye kuhulika siku ija kamba Waanaki wakala okala mumo, mna gamabuga gazunguluswe senyenge ya mibwe. Mndewa Imulungu yawe na niye, na niye nowawinga kamba Mndewa Imulungu viyalongile.”

Wasemi 15:18

Abaho Samsoni kona ng'hilu ng'hani. Avo, kampula Mndewa Imulungu, kalonga, “Imulungu, gweye kunigwaa ukombola uno, niye msang'hanaji wako. Sambi kondeka nife kwa ng'hilu na ngogigwe na wano Iwafilisiti hawengile kumbi?”

1 Samweli 14:5

Lugongo lumoja lukala mwambu wa kasikazini behi na buga da Mikimashi na lugongo luyagwe lukala mwambu wa kusini behi na buga da Geba.

1 Samweli 14:7

Ija imbwanga kamulongela, “Chochose chuulonda kutenda gweye tenda niye na hamoja na gweye, magesa gako gago magesa gangu.”

1 Samweli 17:26

Daudi kawauza wanhu wakalile behi na heyo, “Vino, munhu yonda yamkome munhu ija wa Iwafilisiti na kuigombola Izilaeli na kinyala kino kotendeligwa choni? Mfilisiti gani ino hengile kumbi yogeza kuwaliga wakalizi wa Mndewa Imulungu yeli mgima?”

1 Samweli 17:36

Niye msang'hanaji wako ng'homa simba na dubu, avo ija Imfilisiti hengile kumbi yawaligile wakalizi wa Imulungu yeli mgima, kokuwa kamba hewo.

1 Samweli 17:46

Lelo Mndewa Imulungu kokugela mmakono gangu. Nokuhuma na nokukanha pala jako, ng'huli za wakalizi wa Wafilisiti nowagwaa ndege na ming'onyo ya kumuhulo. Baho isi ngima yojuwa kamba Imulungu ka mwiisi ya Izilaeli,

1 Samweli 17:47

na wanhu wose waiting'hane hano lelo ojuwa kamba Mndewa Imulungu halonda migoha hebu sime kuwagombola wanhu. Kwavija ing'hondo mwenyego Mndewa Imulungu, na heyo kowagela mmakono getu mweye mose.”

1 Samweli 31:4

Avo Sauli kamulongela ayo yakalile yompapila ivinhu vake va kung'hondo, “Somola sime jako unihome, buleavo wanhu wano hawengile kumbi okwiza na kunibezeli.” Lakini ayo yampapile vinhu vake va kung'hondo kalema kwavija kadumba ng'hani. Avo Sauli kasola sime jake na kadilagalila.