1 Samweli 13:18 - Biblia Kikutu

¹⁸ Kibumbila kiyagwe kilongozela Beti Holoni, na kiyagwe kilongozela nzila ya kuchola kubonde da Seboimu mwambu wa kuluwala.

1 Samweli 13:18 ပူးပေါင်းရင်းမြစ်များ

Mwanduso 10:19

Na zimbaka za Wakanaani zisongela Sidoni kubitila nzila ya Gelali mbaka Gaza, abaho kubitila Sodoma na Gomola na Adima na Seboimu mbaka ako Lasha.

Mwanduso 14:2

wachola kuitowa na wandewa wano, mndewa Belao wa Sodoma na mndewa Bilisha wa Gomola na mndewa Shinabu wa Adima na mndewa Shemebeli wa Seboimu na mndewa wa Bela na vivija Soali.

Yoshua 10:10

Nayo Mndewa Imulungu kawagela bwembwe Waamoli kuulongozi wa Waizilaeli na Waizilaeli wawakoma wanhu wengi ako Gibeoni na wawawinga mna inzila ya umtelemko wa Beti Holoni na wawakoma mbaka Azeka na Makeda.

Yoshua 10:11

Abaho viwakalile owakimbila Waizilaeli kumtelemko wa Beti Holoni, baho Mndewa Imulungu kawatowela mvula ya mibwe mikulu kulawa kuulanga viwakalile mnzila mbaka ako Azeka na wakomigwa. Iwanhu wengi wafa kwa mvula ayo ya mibwe kubanza awo wakomigwe na iwanhu wa Izilaeli.

Yoshua 16:3

Abaho ihumulukila umwambu wa kudihongela zuwa kuna iisi ya Wayafileti mbaka kuna iisi ya Beti Holoni ya Hasi abaho Gezeli na ihelela kuna ibahali.

Yoshua 16:5

Isi ya iwanhu wa kabila da Efulaimu kamba viweli mzing'holo zao ikala, imbaka ya isi yao kwa mwambu wa kudilawila zuwa ikala kulawa Ataloti Adali mbaka isi ya Beti Holoni ya Uchanha,

1 Samweli 14:15

Wakalizi wose wa Wafilisiti wengilwa bwembwe, wakalizi wakalile kuing'hambi, wakalizi wakalile kunze na wakalizi wakalile mvilingo na ivibumbila vicholile kuvamila wanhu, na isi yose igudaguda na ikala na bwembwe.