1 Samweli 12:17 - Biblia Kikutu

¹⁷ Kwavija mna ikipindi kino cha kusenga ngano mvula kuduhu, avo nompula Mndewa Imulungu yagale mvula na ng'huwa, na mweye mojuwa mbuli zenu zihile zimumtendele Mndewa Imulungu, kwa kulonda muwe na mndewa wenu.”

1 Samweli 12:17 ပူးပေါင်းရင်းမြစ်များ

Zabuli 99:6

Musa na Haluni wa hagati ya iwalava nhosa wake, na Samweli mna iwao odikema twaga jake, viwamkemile Mndewa Imulungu kawedika.

Kulawa 32:30

Imitondo yake Musa kawalongela wanhu, “Mtenda nzambi ng'hulu ng'hani. Lakini sambi nokwela kulugongo kwa Mndewa Imulungu, sengine nodaha kutenda Imulungu yazigele kumgongo nzambi zenu.”

Nongezi 26:1

Heshima iyogweleligwa mbozi haifaya, iigala na seluji ya kipindi cha zuwa kali, hebu mvula ya kipindi cha kusenga.

Yoshua 10:12

Kipindi acho Yoshua kamulongela Mndewa Imulungu mgameso ga Waizilaeli wose mna isiku ayo Mndewa Imulungu viyawagelile Waamoli mmakono ga Waizilaeli, “Gweye zuwa ima ako Gibeoni, gweye mbalamwezi ima ako kubonde da Aiyaloni.”

1 Samweli 12:13

Avo, imndewa yummulondile ayuno, ayo yumumpulile Mndewa Imulungu yawagwee mndewa, na heyo kawagweleleni.

1 Samweli 12:19

Abaho wamulongela Samweli, “Chonde, gweye tupulile kwa Mndewa Imulungu siye wasang'hanaji zako, ili tuhonyeke na ifa, kwavija twengeza nzambi zetu kwa mbuli ayo ihile ya kulonda tuwe na mndewa wetu.”

1 Samweli 2:10

Wanhu omwihila Mndewa Imulungu obenigwa vihande vihande, kotowa ng'huwa kumwao kulawa kuulanga. Mndewa Imulungu koitagusa isi yose, komgwaa nguvu mndewa wake, koukweza udahi wa ayo iyamsagule.”

1 Samweli 7:5

Samweli kalonga, “Wating'hanizeni Waizilaeli wose ako Misipa na niye nowapulila kwa Mndewa Imulungu.”

1 Samweli 8:6

Lakini Samweli hanogelwe na mbuli ayo iwalongile, “Tugwelele mndewa yatutawale.” Avo, Samweli kampula Mndewa Imulungu.

1 Samweli 8:7

Mndewa Imulungu kamulongela Samweli, “Tegeleza kila kinhu kiwokulongela iwanhu, kwavija hawakulemile gweye, ila wanilema niye sambi niwe mndewa kumwao.