1 Samweli 11:15 - Biblia Kikutu

¹⁵ Wanhu wose viwavikile Giligali, wamsimika Sauli kuulongozi wa Mndewa Imulungu kamba mndewa. Sauli hamoja na wanhu wa Izilaeli wadeng'helela ng'hani, na wamulavila Mndewa Imulungu nhosa za kugala kuilumba.

1 Samweli 11:15 ပူးပေါင်းရင်းမြစ်များ

2 Samweli 19:15

Avo mndewa keza mbaka lwanda lwa Yolidani, na wanhu wa Yuda weza Giligali kumbokela mndewa na kumulosa.

Kulawa 24:5

Abaho kawatuma wabwanga longo wa Izilaeli wamulavile Mndewa Imulungu nhosa za kusoma moto na nhosa za ng'ombe wambigalo kamba nhosa za kugala kuilumba.

Yakobo 4:16

Lakini sambi moitapa na kuigoda, kuitapa kamba kuko hakunogile bule.

1 Samweli 10:17

Avo Samweli kawakema wanhu wose waiting'hane hamoja ako Misipa kuulongozi wa Mndewa Imulungu.

1 Samweli 10:24

Samweli kawalongela iwanhu wose, “Mmona imunhu ino iyasaguligwe na Mndewa Imulungu? Kuduhu munhu yoigala na heyo mna iwanhu wose.” Wanhu wose watowa lukenze walonga, “Mndewa yakale siku zose.”

1 Samweli 10:8

“Ulongole ukanibete kudibuga da Giligali. Niye nokwiza kulava nhosa za kusoma moto na nhosa za kugala kuilumba, lakini umbete aho kwa siku saba mbaka vonda nize kukulongela chaukutenda.”

1 Samweli 12:1

Abaho Samweli kawalongela Waizilaeli wose, “Nhegeleza mbuli zose zimunilongele, na niye niwasimikila mndewa wenu.

1 Samweli 12:17

Kwavija mna ikipindi kino cha kusenga ngano mvula kuduhu, avo nompula Mndewa Imulungu yagale mvula na ng'huwa, na mweye mojuwa mbuli zenu zihile zimumtendele Mndewa Imulungu, kwa kulonda muwe na mndewa wenu.”

1 Samweli 8:19

Lakini iwanhu walema kumtegeleza Samweli, wamulongela, “Haduhu, tolonda mndewa yatutawale,