1 Samweli 10:22 - Biblia Kikutu

²² Avo wamuuza Mndewa Imulungu kabili, “Kuna munhu iyagwe kokwiza?” Mndewa Imulungu kawedika, “Loleni, kaifisa kuna imizigo.”

1 Samweli 10:22 ပူးပေါင်းရင်းမြစ်များ

Mwanduso 25:22

Inda ayo ikala ya mapacha, wang'hali hawanavumbuka wakala oisung'hasung'ha mwiinda yake. Avo kalonga, “Habali kinhu kamba kino chondawilila niye?” Avo kachola kumuuza Mndewa Imulungu.

2 Samweli 2:1

Viibitile mbuli ayo, Daudi kamuuza Mndewa Imulungu, “Vino, ny'hole kudibuga dimoja mna gamabuga ga Yuda?” Mndewa Imulungu kamulongela, “Genda!” Daudi kamuuza, “Ny'hole buga gani?” Mndewa Imulungu kamulongela, “Genda kudibuga da Hebuloni.”

2 Samweli 21:1

Kipindi cha utawala wa Daudi kukala na lufilili lwa nzala kwa miyaka midatu, avo Daudi kampula Mndewa Imulungu, na Mndewa Imulungu kalonga, “Sauli na wanhu zake wana kitala cha kwita damu kwavija wawakoma Wagibeoni.”

Kupetigwa 27:21

Heyo yamuuzege Eleazali imulava nhosa yeli na dija idibwe da kujuwa gaja igangu. Kwa nzila ayo Eleazali komulongoza Yoshua na iwanhu wose wa Izilaeli mna zimbuli zose.”

Luka 14:11

Kwavija waja wose oitenda wenyego wanhu wakulu otendigwa wanhu wadodo, na waja oitenda wenyego wanhu wadodo otendigwa wanhu wakulu.”

Wasemi 1:1

Yoshua viyafile iwanhu wa Izilaeli wamuuza Mndewa Imulungu, “Kabila gani dolongola kuchola kuitowa na Wakanaani?”

Wasemi 20:18

Waizilaeli wachola ako Beseli wamuuza Imulungu, “Kabila gani donda dilongole kuchola kuitowa na iwanhu wa kabila da Benjamini?” Mndewa Imulungu kalonga, “Kabila da Yuda disonge kuchola.”

Wasemi 20:23

Avo, Waizilaeli wachola, wamulilila Mndewa Imulungu mbaka ichungulo. Abaho wamuuza Mndewa Imulungu, “Avo tuchole kabili tukaitowe na ndugu zetu, wanhu wa kabila da Benjamini?” Mndewa Imulungu kawedika, “Choleni mkaitowe na hewo.”

Wasemi 20:28

Finehasi mwanage Eleazali, Eleazali mwanage Haluni, ayo kakala yosang'hana kuulongozi wa disanduku. Waizilaeli wamuuza Mndewa Imulungu, “Vino tuchole kabili tukaitowe na ndugu zetu, iwanhu wa kabila da Benjamini hebu sikutuchole?” Mndewa Imulungu kalonga, “Choleni, mayo nowagela mmakono genu.”

1 Samweli 10:21

Samweli kazigala behi yake ng'holo zose zili mna dikabila da Benjamini, na lukolo lwa Matili lusaguligwa kwa simbi, abaho Sauli mwanage Kishi kasaguligwa kwa simbi. Lakini viwamzahile Sauli hawamonile bule.

1 Samweli 14:37

Avo Sauli kamuuza Imulungu, “Vino, ny'hole nikawakoboze Wafilisiti? Kowagela mmakono ga Waizilaeli?” Lakini Mndewa Imulungu hamwidike bule siku dijo.

1 Samweli 15:17

Samweli kamulongela, “Gweye koyona kwa munhu mdodo, vino gweye huli kilongozi wa makabila ga Izilaeli? Mndewa Imulungu kakusagula uwe mndewa wa Izilaeli.

1 Samweli 22:10

Ahimeleki kampulila Daudi kwa Mndewa Imulungu na kamgwaa ndiya na dija disime da Goliati Imfilisiti.”

1 Samweli 23:9

Daudi viyajuwile kamba Sauli kolonda kumtendela mbuli ihile, kamulongela mulava nhosa Abiatali, “Ngalila kija ikikoti cha mulava nhosa.”

1 Samweli 30:7

Daudi kamulongela mulava nhosa Abiatali mwanage Ahimeleki, “Ngalila kikoti cha mulava nhosa.” Abiatali kamgalila.

1 Samweli 30:8

Daudi kamuuza Mndewa Imulungu, “Vino, nidikweleleze bumbila dino da iwabavi? Nahawakweleleza nowapata?” Mndewa Imulungu kamwidika, “Wakweleleze kowavika na kowakombola awo wasoligwe.”

1 Samweli 9:21

Sauli kamulongela, “Niye nolawa mdikabila da Benjamini, ijo kabila dodo kubanza makabila gose ga Izilaeli. Na lukolo lwangu niye alo lukolo ludodo kubanza ng'holo zose mdikabila da Benjamini. Habali konongela mbuli kamba azo?”