1 Samweli 1:10 - Biblia Kikutu

¹⁰ Hana kakala na usungu mmoyo wake na kampula Mndewa Imulungu na kakala kolila kwa usungu.

1 Samweli 1:10 ပူးပေါင်းရင်းမြစ်များ

Mwanduso 30:1

Laheli viyone hanamulelela Yakobo wana kamonela migongo Lea, mkulu wake. Avo kamulongela Yakobo, “Ngwaa wana buleavo nofa.”

Mwanduso 50:10

Viwavikile kulubuga lwa kubigila uhemba lwa Atadi, mwambu wa lwanda lwa Yolidani waiyalala kwa bwembwe, Yusufu nayo kamtendela mwenekwaga matanga ga siku saba.

2 Samweli 13:36

Viyamambukize kulonga, wanage mndewa walawilila, wasonga kulila kwa sauti. Mndewa na wasang'hanaji zake wose walila kwa usungu.

2 Samweli 17:8

Komjuwa goya tatako na wanhu zake viwakuwile magalu wa kuitowa, na viwagevuzike kamba simba yabokigwe wanage kupoli. Vivija komjuwa goya tatako viyeli mbala wa kuitowa ng'hondo na ikilo hawasa na iwakalizi.

Zabuli 50:15

Unikeme siku ya magazo, na niye nokuhonya na gweye konitogola.”

Zabuli 91:15

Yahanikema nomwidika, nokuwa hamoja na heyo mmagazo, nomkombola na nomgwaa ukulu.

Nongezi 14:10

Moyo otanga usungu wake wenyego, mgeni hadaha kuilumba na deng'ho jake.

Luka 22:44

Kwa usungu mkulu uyakalile nao kampula ng'hani, mbaka fuguti dimulawa, fuguti jake dikala kamba madwendwe ga damu golagala hasi.

Waebulania 5:7

Yesu viyakalile mwiisi ino kampula Imulungu kwa mahozi na kukemelela kwa gaja goyolonda kwa ija yodaha kumuhonya na ifa. Kwavija kakala muhole na kailava, avo Imulungu kamwidika.

Wasemi 21:2

Avo, iwanhu wachola ako Beseli wakala kuko kuulongozi wa Imulungu mbaka ichungulo, waguta na kulila kwa usungu.

Lusi 1:20

Naomi kawalongela, “Sikumnikeme Naomi nikemeni Mala kwavija Mndewa Imulungu kanhenda nyone usungu ng'hani.

1 Samweli 1:11

Keka lagano kalonga, “Go Mndewa Imulungu uli na udahi wose, kamba kogalola magazo gangu niye msang'hanaji wako, na kong'humbuka na hunisemwa niye msang'hanaji wako, ila konigwaa niye msang'hanaji wako mwana wa kimbigalo, avo niye nokugwelela gweye Mndewa Imulungu mwana ayo yawe wako siku zose za ugima wake, mvili zake hazibeigwa ng'oo.”

1 Samweli 1:9

Siku dimoja viwamambukize kuja na kung'wa ako Shilo, Hana kenuka kachola hanhu ha kupulila. Kipindi acho, Eli imulava nhosa kakala yakalile mkigoda behi na ikizingiti cha ing'anda ya Mndewa Imulungu.