1 Petulo 4:7 - Biblia Kikutu

⁷ Ukumala kwa kila kinhu kwa mmabehi. Avo molondigwa mugese goya na muilongoze wenyego ili mudahe kumpula Imulungu.

1 Petulo 4:7 ပူးပေါင်းရင်းမြစ်များ

Mwanduso 19:35

Avo kilo acho, wamgwaa tatao divai, kakoligwa, abaho mndele ija imdodo kawasa nayo, lakini tatake hajuwile bule.

Mwanduso 6:13

Imulungu kamulongela Nuhu, “Nowabananga wanhu wose kwavija isi imema gehile mbuli yao. Ona, nowabananga hewo hamoja na iisi!

Matayo 24:42

“Avo muiteganye, kwavija hamuijuwile siku ya kwiza Mndewa wenu.

Matayo 25:13

Yesu kamambukiza kwa kulonga, “Muiteganye, kwavija hamuijuwile siku hebu saa.

Luka 21:34

“Iteganyeni! Mizoyo yenu sikuigogigwe na unovu wa mwiisi ino, kukoligwa, na kugaya mbuli ya ugima uno, kwavija siku ayo yowasinhusa

Luka 21:36

Muiteganye na mupule siku zose, ili mudahe kuhonyeka mna zimbuli zose zino zondazilawilile na kwima haulongozi wa Mwana wa Munhu.”

Luka 22:46

Kawalongela, “Habali mowasa? Lamukeni mumpule Imulungu, sikumwingile mna ukugezigwa.”

Walumi 12:12

Kumtamanila kwenu Imulungu kuwatende mudeng'helele, mwahagaya beteleni kwa kufunga umoyo, mpuleni Imulungu siku zose.

1 Wakolinto 15:24

Abaho wahavika uhelelo, Kilisito kobananga utawala wose na udahi wose na mamulaka gose, na komgwaa Undewa Imulungu Tata.

1 Wakolinto 7:29

Ndugu zangu, nolonga vino, kipindi kisigale kidodo. Avo kulawa sambi wanhu weli na wehe wakale kamba wasaka,

Waefeso 6:18

Siku zose mpuleni Imulungu yawataze. Mpuleni Imulungu kipindi chose, kwa kulongozigwa na Loho. Kwa mbuli ino muiteganye sikumubwele kuchugu, siku zose wapulileni wanhu wose wa Imulungu.

Wafilipi 4:5

Muwe wahole kwa wanhu wose, kwavija Mndewa ka mmabehi kwiza.

Wakolosai 4:2

Gendeleleni kumpula Imulungu, mwahampula muiteganye, na mumgwee Imulungu nhogolwa.

2 Timoseo 4:5

Lakini gweye uiteganye na ufunge umoyo mna gamagayo, usang'hane kuwapetela wanhu Mbuli Inogile na uimambukize sang'hano yako.

Tito 2:12

Ng'hekewa ino yotufunza tuleme mbuli hazimnogelaga Imulungu na kusulukila vinhu va mwiisi ino, lakini tuilongoze wenyego, tukale ugima wa kumnogela Imulungu mwiisi ino ya sambi,

Waebulania 10:25

Sikutuleke kuiting'hana, kamba wanhu wayagwe viwoleka kuiting'hana, ila tuigangamize ng'hani, kamba vimukona siku ija ya Mndewa yammabehi.

Waebulania 9:26

kwavija yahalondeke kugaya miyanza mingi toka kulumbigwa kwa isi. Lakini ukweli kipindi cha mmabehi na kuuhelelo, kalawilila mwanza umoja mbuli ya wose, kusegesa nzambi za wanhu kwa kuilava nhosa mwenyego.

1 Petulo 1:13

Avo mugese goya na muitande kusang'hana, muilongoze goya wenyego. Ikeni tamanilo jenu mna ing'hekewa yonda mugweleligwe vonda yabwele Yesu Kilisito.

1 Petulo 3:7

Vivija na mweye iwakasano molondigwa mukale goya na wehe zenu na mujuwe kamba watwanzi wabule nguvu kamba wambigalo avo muwatendele kwa kuwategeleza, kwavija vivija nao obokela hamoja na mweye nhunza ya ugima. Tendeni vivo ili kupula kwenu sikukukimilwe.

1 Petulo 5:8

Mugese goya na mukale meso. Ija yawehile, mwenembago kokwanga kamba simba yong'ula komzahila munhu wa kumuja.

Ugubulo 16:15

Mndewa kolonga, “Tegeleza! Niye nokwiza kamba mbavi! Kamweda munhu yokala meso, na kuvala viwalo vake ili sikuyagende mwazi na kugwa kinyala mgameso ga wanhu.”