1 Petulo 4:18 - Biblia Kikutu

¹⁸ Kamba vigalonga Maandiko Gang'alile, “Vidala ng'hani kwa wanhu wanogile kukomboligwa, yokuwaze kwa wanhu olema kutegeleza na wanhu wene nzambi?”

1 Petulo 4:18 ပူးပေါင်းရင်းမြစ်များ

Mwanduso 13:13

Wanhu wa kuko Sodoma wakala wehile na wakala omtendela Mndewa Imulungu nzambi nyingi.

Nongezi 11:31

Kamba munhu yeli na haki kolihigwa hano mwiisi, avo msang'hana gehile na mwene nzambi obanza ng'hani.

Luka 15:1

Siku dimoja wabokela kodi wengi na wanhu wayagwe otenda nzambi wachola kumtegeleza Yesu.

Luka 23:31

kwavija kamba wanhu otenda mbuli zino kipindi biki ding'hali bisi, vino yokuwaze kipindi biki dahanyala?”

Sang'hano 14:22

Wawagangamiza wanahina wa Yesu na wawalonda wakale mna ukutamanila, wawafundiza, “Tolondigwa tubitile madununzo mengi ili twingile Muundewa wa Imulungu.”

Sang'hano 27:24

Msenga ayo wa kuulanga kanilongela, ‘Paulo sikuudumbe! Kolondigwa wime haulongozi wa Mndewa mkulu wa Lumi. Kwa mbuli yako Imulungu kouhonya ugima wa wanhu wose weli muumwanza na gweye.’

Sang'hano 27:31

Lakini Paulo kamulongela mkulu wa wakalizi na wakalizi, “Kamba walosaji wano hawasigala mumuno mwiimeli, sambimutamanile kuhonyeka.”

Walumi 1:18

Imulungu kaigubula ng'hasiliki yake kulawa kuulanga mbuli ya gehile gose na nzambi za wanhu, awo kwa gaja gehile gowosang'hana oukimila ukweli sikuujuwike.

Walumi 5:6

Vitukalile hatudaha kuihonya wenyego, kipindi kinogile vikivikile, Kilisito kafa mbuli ya siye tutenda gehile.

Walumi 5:8

Lakini Imulungu katulagusila vija viyotunogela kwavija vitukalile tung'hali totenda nzambi Kilisito kafa mbuli yetu siye!

1 Wakolinto 10:12

Avo munhu yoigesa kema goya yaiteganye sikuyagwe.

1 Timoseo 1:9

Tolondigwa tujuwe kamba Malagizo hagekigwe kwa wanhu otenda ganogile, lakini kwa hewo obena Malagizo na otenda gehile na wanhu hawamtegeleza Imulungu na hewo otenda nzambi na kwa hewo hawamtambikila Imulungu hebu hawatogola chochose na kwa hewo owakoma tata zao hebu mama zao na kwa hewo wakomaji,

Waebulania 4:1

Avo kwavija kija kiyalongile Imulungu mbuli ya kwingila hanhu ha kubwihila king'hali baha, tuiteganye munhu yoyose kumwenu sikuyaswele kwingila hanhu aho.

Yakobo 5:6

Muwatagusa na kuwakoma wanhu wanogile na hewo hawawalemele kwa chochose!

1 Petulo 5:8

Mugese goya na mukale meso. Ija yawehile, mwenembago kokwanga kamba simba yong'ula komzahila munhu wa kumuja.

2 Petulo 3:7

Lakini ulanga na isi ya sambi vikigwa goya kwa mbuli iija ya Imulungu ili vibanangigwe kwa moto. Vikigwa kwa siku ija wanhu hawamtegeleze Imulungu vonda watagusigwe na kunangigwa.

Yuda 1:15

kuwatagusa wanhu wose na kuwakoboza wanhu wose iwolema kumtegeleza kwa sang'hano zao zihile ziwatendile bila kumgesa Imulungu, na kwa mbuli ya ulonzi wao wose wihile wamulongile heyo!”

1 Samweli 15:18

Mndewa Imulungu viyakulagize kakulongela genda ukawakome Waamaleki wose watendile mbuli zihile, ukawakoboze na kuwakoma wose.