1 Petulo 3:7 - Biblia Kikutu

⁷ Vivija na mweye iwakasano molondigwa mukale goya na wehe zenu na mujuwe kamba watwanzi wabule nguvu kamba wambigalo avo muwatendele kwa kuwategeleza, kwavija vivija nao obokela hamoja na mweye nhunza ya ugima. Tendeni vivo ili kupula kwenu sikukukimilwe.

1 Petulo 3:7 ပူးပေါင်းရင်းမြစ်များ

Matayo 18:19

“Nowalongeleni kabili, wanhu wabili kumwenu mweye wahaitogolela mwiisi kupula kinhu chochose, Tatangu yeli kuulanga kowatendela.

1 Wakolinto 7:3

Mbigalo yatende vija viyolondigwa kwa mwehe wake na vivija mtwanzi yatende vija viyolondigwa kwa mkasano wake.

Waefeso 3:6

Kinhu chenyego kifisigwe acho kino, kubitila Mbuli Inogile wanhu haweli Wayahudi opata fungu mna ivinhu vinogile va Imulungu hamoja na Wayahudi, wao okuwa maungo ga lukuli luluja, na obokela kikija kiyalongile Imulungu kubitila Yesu Kilisito.

Waefeso 4:30

Sikumumtende Loho Yang'alile wa Imulungu, yanyunyuwale kwavija Loho ayo kilaguso cha Imulungu kuwa mweye mwa wanhu zake. Nayo Loho kolagusa kuwa siku yovika Imulungu kowatenda mulekesigwe.

Waefeso 5:33

Lakini vivija zowalonga mweye, kila mbigalo kolondigwa yamnogele mwehe wake, kamba viyoinogela mwenyego, nayo mtwanzi kolondigwa yamtegeleze mkasano wake.

Waefeso 6:18

Siku zose mpuleni Imulungu yawataze. Mpuleni Imulungu kipindi chose, kwa kulongozigwa na Loho. Kwa mbuli ino muiteganye sikumubwele kuchugu, siku zose wapulileni wanhu wose wa Imulungu.

Wakolosai 3:19

Wakasano, wanogeleni wehe zenu na sikumuwakomhokele.

1 Wasesalonike 4:4

Kila munhu kolondigwa yalutawale lukuli lwake kwa kung'ala na kuitegeleza,

Tito 3:7

ili kwa ng'hekewa ya Imulungu yatutende tunoge mgameso gake na tubokele ugima wa milele utubeta.

Waebulania 1:14

Vino wasenga wa kuulanga ndio choni? Wao loho iwomsang'hanila Imulungu yawatumile kuwataza wanhu waja onda waubokele ukombola.

1 Petulo 3:1

Vivija na mweye watwanzi wategelezeni wakasano zenu, ili kamba wakasano zenu hawatogola mbuli ya Imulungu, watogole kwa sang'hano zenu bila kulongeligwa,