1 Petulo 3:22 - Biblia Kikutu

²² yacholile kuulanga na kakala muukulu mwambu wa mkono wa kudila wa Imulungu, ako kowatawala wasenga wa kuulanga na wakulu na weli na udahi na nguvu.

1 Petulo 3:22 ပူးပေါင်းရင်းမြစ်များ

Zabuli 110:1

Mndewa Imulungu komulongela Mndewa wangu, “Kala umwambu wa mkono wangu wa ukudila mbaka niwatende iwanhu okwihila kigoda cha kwikila magulu gako.”

Matayo 22:44

‘Mndewa Imulungu kamulongela Mndewa wangu, Kala hano mwambu wa mkono wangu wa kudila, mbaka niweke hasi mmagulu gako wanhu wakwihile.’

Matayo 28:18

Yesu kawezila, kawalongela, “Nigweleligwa udahi wose wa kuulanga na mwiisi.

Maluko 12:36

Loho Yang'alile kamulongoza Daudi kulonga, ‘Mndewa Imulungu kamulongela Mndewa wangu, Kala hano hana umwambu wa mkono wangu wa kudila mbaka niweke hasi mmagulu gako wanhu wakwihile.’

Maluko 16:19

Mndewa Yesu viyamambukize kulonga na wanahina zake, kagaligwa kuulanga, kakala muukulu mwambu wa mkono wa kudila wa Imulungu.

Luka 20:42

Kwavija Daudi mwenyego kolonga mna ikitabu cha Zabuli, ‘Mndewa Imulungu kamulongela Mndewa wangu, Kala hano mwambu wangu wa mkono wa kudila,

Yohana 13:32

Na kamba ukulu wa Imulungu ogubuligwa kubitila heyo, baho Imulungu kougubula ukulu wa Mwana wa Munhu kumwake mwenyego, na kotenda vivo himahima.

Sang'hano 1:11

Walonga, “Mweye wanhu wa Galilaya, habali mwima aho na kulola uchanha kuulanga? Yesu iino yagaligwe uchanha kuulanga kulawa kumwenu, kobwela kabili kamba vivo vimmona kochola kuulanga.”

Sang'hano 3:21

Kolondigwa yasigale kuulanga mbaka kipindi kivike cha kugatenda gose gawe ga sambi, kamba viyalongile Imulungu kubitila watula ndagu zake wang'alile wakalile kuko umwaka.

Walumi 8:34

Vino nani yonda yawataguse kuwa wabananga? Kuduhu! Kwavija Yesu Kilisito kafa, abaho kazilibuka kwa wafile, sambi kokala muukulu mwambu wa mkono wa kudila wa Imulungu, nayo ayo yotupulila kwa Imulungu.

Walumi 8:38

Kwavija niye nojuwa goya kuduhu kinhu kidaha kutugola na unogelwa wake, si ifa hebu ugima hebu wasenga wa kuulanga hebu wakulu wayagwe wa kuulanga, si kipindi cha sambi hebu kipindi chonda kize, hebu udahi wowose,

1 Wakolinto 15:24

Abaho wahavika uhelelo, Kilisito kobananga utawala wose na udahi wose na mamulaka gose, na komgwaa Undewa Imulungu Tata.

Wakolosai 3:1

Avo, mweye muzilibuligwa hamoja na Kilisito, sulukileni ng'hani vinhu vili kuulanga, kuyali Kilisito muukulu mwambu wa mkono wa kudila wa Imulungu.

Waebulania 1:13

Imulungu hamulongele ng'o msenga wa kuulanga yoyose, “Kala hano muukulu mwambu wangu wa mkono wa kudila, mbaka niwahume wanhu wakwihile na niweke hasi mmagulu gako.”

Waebulania 1:3

Heyo ayo mng'alo wa ukulu wa Imulungu na koigala na Imulungu too! Kila kinhu cholawilila kwa lagizo jake dili na nguvu. Viyamambukize kuzisunha nzambi za wanhu, kakala kuna uukulu kuko kuulanga mwambu wa mkono wa kudila wa Imulungu mkulu.

Waebulania 1:6

Lakini Imulungu viyomtuma Mwanage chaudele mwiisi, kolonga, “Wasenga wa kuulanga wose wa Imulungu wamtambikile.”

Waebulania 10:12

Lakini Kilisito kalava nhosa imoja kwa nzambi, nhosa ilibule uhelelo, abaho kakala muukulu mwambu wa mkono wa kudila wa Imulungu.

Waebulania 12:2

Meso getu tumulole Yesu, itumtamanila kulawa ichanduso mbaka kuuhelelo. Viyakalile mumsalaba habwelile kuchugu! Mbuli ya ndeng'helelo ikalile yombeta, hatongile kinyala cha msalaba na sambi kakala muukulu mwambu wa mkono wa kudila wa kigoda cha ukulu cha Imulungu.

Waebulania 4:14

Tunayo Yesu, Mwana wa Imulungu, Mulava nhosa Mkulu yengile mbaka kuulanga, avo tudigoge goya tamanilo ditulonga tunajo.

Waebulania 6:20

Yesu katulongolela kwingila mumo mbuli ya siye na kawa mulava nhosa mkulu yelibule uhelelo, kamba ulava nhosa wa Melikizedeki.

Waebulania 8:1

Mbuli ng'hulu mna zimbuli zitulongile iyo ino, tunayo Mulava nhosa Mkulu yeli vino, kakala muukulu mkono wa kudila wa kigoda cha undewa cha Ukulu wa kuulanga.

Waebulania 9:24

Kwavija Kilisito hengile Mdigati Ding'alile dizengigwe na wanhu, dili kilaguso cha kija chenyego kili kuulanga lakini kengila kuulanga kwenyego, ako sambi ka haulongozi ha Imulungu kokoneka mbuli ya siye.