1 Petulo 2:17 - Biblia Kikutu

¹⁷ Mtegelezeni kila munhu na wanogeleni waenu wamtogole Yesu na mdumbeni Imulungu na mtegelezeni mkulu wa isi.

1 Petulo 2:17 ပူးပေါင်းရင်းမြစ်များ

Mwanduso 20:11

Abulahamu kamwidika, “Niye nigesa kuwa hanhu hano kuduhu munhu yomdumba Imulungu, avo wahang'homile ili wamsole mwehe wangu.

Mwanduso 22:12

Kamulongela, “Sikuumulumize imwana. Sambi nojuwa komdumba Imulungu, kwavija hugomese bule mwanago yuumnogela.”

Mwanduso 42:18

Siku da kadatu Yusufu kawalongela, “Kwavija niye nomdumba Imulungu, tendeni vino ili muwe wagima.

Zabuli 111:10

Kumdumba Mndewa Imulungu acho chandusilo cha ubala, wose ogagoga malagizo gake ogweleligwa nzewele. Nhogolwa zake zosigala milele.

Kulawa 20:12

“Wategeleze tatako na mamako, ili ukale mgima siku nyingi mwiisi inikugwelela, niye Mndewa Imulungu wako.

Nongezi 1:7

Kumdumba Mndewa Imulungu acho chanduso cha kutanga vinhu, lakini wabozi obezeli ubala na kuzumwa.

Nongezi 23:17

Moyo wako sambi uwonele migongo weli na nzambi, lakini gweye gendelela kumdumba Mndewa Imulungu siku zose.

Nongezi 24:21

Mwanangu, mdumbe Mndewa Imulungu na mndewa, sambi uilumbe na waja hawawategeleza.

Walawi 19:32

“ ‘Wategeleze wanhu wavele na uwagwee ukulu. Unidumbe niye Imulungu wako, niye ayo Mndewa Imulungu.

Matayo 22:21

Nao wamwidika, “Va Mndewa wa Lumi.” Abaho Yesu kawalongela, “Mgweleleni Mndewa wa Lumi vili va Mndewa wa Lumi, na mgweleleni Imulungu vili va Imulungu.”

Yohana 13:35

Mwahainogela, baho kila munhu kojuwa kamba mweye mwa wanahina zangu.”

Walumi 12:10

Mwiinogele ng'hani kamba ndugu, kila munhu tanhu yamgese miyage kubanza mwenyego.

Walumi 13:7

Mulihe kila munhu fungu jake, liha kodi kwa munhu yobokela kodi, liha ushulu kwa munhu yobokela ushulu, munhu wa kumdumba mdumbe, munhu wa kumtegeleza mtegeleze.

2 Wakolinto 7:1

Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

Waefeso 5:21

Kila munhu tanhu yamgese miyage mbuli ya kumtegeleza Kilisito.

Wafilipi 2:3

Sikumuwe na gahigahi hebu magoda gelibule kinhu, lakini kwa uhole muwagese wayagwe kuwa wanoga kubanza mweye.

1 Timoseo 6:1

Waja weli watumwa olondigwa wawategeleze wakulu zao kwa kila mbuli, ili wanhu sikuwadilige twaga da Imulungu na mafundizo getu.

Waebulania 13:1

Gendeleleni kuinogela kamba viilondigwa kwa wanhu wamtogole Yesu.

1 Petulo 1:22

Na sambi mweye kwa kuugoga ukweli musunhigwa, na muwanogela kwa ukweli ndugu zenu, avo muinogele kwa mizoyo yenu yose.

1 Petulo 2:13

Wategelezeni wanhu weli na ukulu hano mwiisi mbuli ya Mndewa, mtegelezeni yeli mtawala mkulu,

1 Petulo 5:5

Vivija na mweye wabwanga wategelezeni wavele. Mweye mose molondigwa sikumuitonge wenyego na muisang'hanile, kamba vigalonga Maandiko, “Imulungu kowalema wanhu oitapa, lakini kowagwaa ng'hekewa wanhu wahole.”

1 Samweli 15:30

Sauli kalonga, “Nhenda mbuli zihile lakini nokupula unitegeleze kuulongozi wa iwavele na kuulongozi wa Waizilaeli na ubwele na niye ili nimtambikile Mndewa Imulungu, Imulungu wako.”