1 Petulo 2:11 - Biblia Kikutu

¹¹ Mbwiga zangu nowapula kamba wabita nzila na wanhu baki hano mwiisi, lekeni kusulukila vihile kwa lukuli ako kugomba siku zose na loho zenu.

1 Petulo 2:11 ပူးပေါင်းရင်းမြစ်များ

Mwanduso 21:34

Abulahamu kakala ng'hani mwiisi ya Wafilisiti.

Mwanduso 23:4

“Niye kumwenu na munhu baki. Ngweleleni hanhu nimzikile mwehe wangu na hawe hanhu ha kuzikila wanhu zangu.”

Mwanduso 47:9

Yakobo kamwidika Falao, “Miyaka yangu inigweleligwe kamba munhu mbita nzila ni miyaka gana na malongo madatu. Miyaka ayo midodo na imema magazo, na haivikile wingi wa miyaka iwakalile nayo iwahenga zangu kamba wanhu obita nzila.”

Zabuli 119:19

Niye na mgeni hano mwiisi, sikuunifise malagizo gako.

Zabuli 119:54

Malagizo gako awo lwila wangu, hohose honda nikale.

Zabuli 39:12

Utegeleze kupula kwangu, gweye Mndewa Imulungu, tega gwiti jako uhulike vinilila, sikuunyamale nahalila, niye na kamba mgeni yobita nzila, niye na mbita nzila kamba viwakalile wahenga zangu wose.

Walawi 15:18

Kamba mbigalo yahawasa na mtwanzi, na kalava chelesi baho wose wabili wakoge na okuwa na wafita mbaka ichungulo.

Walawi 25:23

“ ‘Isi sikuiuzigwe yose yose, kwavija isi yangu niye, mweye mwa kamba wabita nzila hebu wanhu baki mwiisi yangu.

Luka 21:34

“Iteganyeni! Mizoyo yenu sikuigogigwe na unovu wa mwiisi ino, kukoligwa, na kugaya mbuli ya ugima uno, kwavija siku ayo yowasinhusa

Sang'hano 15:20

Lakini tuwandikile baluwa kuwalongela waleke kuja ndiya haifaya ilavigwe nhosa kwa vinyago va imilungu, ili kuwagomesa sikuwatende ugoni, waleke kuja mnyama yabotigwe hebu kung'wa damu.

Sang'hano 15:29

Sikumuje ndiya ilavigwe nhosa kwa vinyago va imilungu, sikumung'we damu, sikumuje nyama ya mnyama yabotigwe, muiteganye na ugoni. Motenda goya kamba mwahaleka kusang'hana mbuli zose zino. Mkale goya.”

Walumi 12:1

Avo, ndugu zangu, kwavija Imulungu kana bazi ng'hani, nowapula ng'hani, ilaveni wenyego kwa Imulungu kamba nhosa ili ngima. Ilaveni wenyego kamba wanhu mung'alile na kumnogeza Imulungu. Ino ayo nzila inogile ya kumtambikila Imulungu.

Walumi 7:23

Lakini nokona kuna lagizo diyagwe dosang'hana mgati mmwangu, lagizo ajo dogomba na malagizo gotogoligwa na nzewele zangu, na donhenda niye niwe mfungwa wa nzambi zisang'hana mgati mmwangu.

Walumi 8:13

Avo mwahakala kamba vizilonda ng'huli zenu, mofa, lakini kamba mozileka nzambi zenu kubitila Loho, mokuwa wagima.

2 Wakolinto 5:20

Avo, siye tolonga mbuli ya Kilisito, kubitila siye Imulungu kowapula mweye. Towapula kwa twaga da Kilisito, muilumbe na Imulungu.

2 Wakolinto 6:1

Kwavija tosang'hana hamoja na Imulungu, towapula mweye mubokele ng'hekewa ya Imulungu, sikumutogole yage bule.

2 Wakolinto 7:1

Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

Wagalatia 5:24

Wanhu wose wailumbile na Yesu Kilisito wauwamba unhu wao wa nzambi uli na usulukilo wihile na magesa gehile.

Waefeso 2:19

Avo mweye wanhu hamwili Wayahudi sambi hamwili wanhu baki hebu wanhu wa kutali, mweye sambi mwa wenekae hamoja na wanhu wa Imulungu na mwa wanhu wa lukolo lwa Imulungu.

Waefeso 4:1

Avo, niye nili mfungwa kwavija nomsang'hanila Mndewa, nowapula mukale kamba Imulungu viyawakemile.

2 Timoseo 2:22

Winege na usulukilo wihile wa ubwanga, kweleleza mbuli zilondigwa, kutamanila na unogelwa na tindiwalo na mtambikile Mndewa hamoja na wose weli na mizoyo inogile.

Waebulania 11:13

Wanhu wose wano viwafile wakala wang'hali otamanila. Hawabokele bule vinhu vilongigwe na Imulungu, na kamba vija wavona na kuvigoneka kwa kutali. Na wajuwa kamba wakala wanhu baki na wabita nzila muno mwiisi.

Waebulania 6:9

Ndugu zetu, hata kamba tolonga vino, siye towajuwa goya, mweye mwa mnzila inogile ng'hani, nzila iwalongoza muukombola.

Yakobo 4:1

Migomvi na kuitowa kwenu kolawa kwahi? Volawa mumo mna ukusulukila kwenu, avo vogomba siku zose mmizoyo yenu.

1 Petulo 1:1

Niye Petulo namtumigwa wa Yesu Kilisito, nowandikila mweye wanhu musaguligwe na Imulungu, mupwililike na mokala kamba wanhu baki mziisi za Ponto na Galatia na Kapadokia na Asiya na Bisiniya.

1 Petulo 1:17

Kwavija mwahampula momkema Tata, yuyo yonda yamtaguse kila munhu bila kubagula kamba viyasang'hane, mukale hano mwiisi kamba wanhu baki kuno momtegeleza kwa kugwaya.

1 Petulo 4:12

Ndugu zangu, sikumukanganye mbuli ya kugezigwa kwa usungu kumugaya, kamba vija kiwapata mweye kilozo.

1 Petulo 4:2

Kusongela sambi ugima wenu usigale hano mwiisi sikumukale kwa kukweleleza kusulukila kwa lukuli, lakini mukale kamba viyolonda Imulungu.

2 Petulo 3:1

Ndugu zangu baluwa ino ya kabili kuwandikila. Mna zibaluwa zose mbili nigeza kuwatenda mugese goya kwa kuwakumbusa mbuli zino.