1 Petulo 2:1 - Biblia Kikutu

¹ Avo lekeni gose gehile na uvizi na utapitapi na migongo na kuwalonga wayagwe vihile.

1 Petulo 2:1 ပူးပေါင်းရင်းမြစ်များ

Zabuli 32:2

Kamweda imunhu Mndewa Imulungu hagelegeza gehile gake, imunhu yelibule uvizi mmoyo wake.

Zabuli 34:13

Avo, leka kulonga gehile, na leka kulonga uvizi.

Zabuli 37:1

Sikuuigaze mbuli ya iwanhu otenda gehile, sikuuwonele migongo iwanhu wehile.

Zabuli 73:3

Kwavija niwonela migongo iwanhu oitapa, vinyonile ukumweda kwa iwanhu wehile.

Nongezi 14:30

Tindiwalo muumoyo domgwaa munhu ugima, lakini migongo yoja mizege.

Nongezi 24:1

Sikuuwonele migongo wanhu wehile, na sikuusulukile kuwa hamoja nao,

Nongezi 24:19

Sambi ugevuzike mbuli ya wasang'hana gehile, hebu kuwonela migongo wanhu wehile,

Nongezi 3:31

Sikuumonele migongo munhu msede, hebu kwiga nzila zake.

Matayo 15:7

Mweye mwa watapitapi! Kumbe mtula ndagu wa Imulungu Isaya kalagula goya mbuli ya mweye!

Matayo 23:28

Vivija na mweye kwa kunze mokoneka kamba wanhu munogile, lakini mgati mmwenu mmema utapitapi na nzambi.”

Matayo 24:51

Mkulu ayo komtowa ng'hani na kumwika hamoja na watapitapi. Baho kolila na kudafuna meno.”

Matayo 7:5

Gweye kwa mtapitapi! Tanhu lava biki dili mdisiso jako, abaho kodaha kulola goya na kulava kibanzi kili mdisiso da ndugu yako.

Maluko 12:15

Lakini Yesu kaujuwa ubala wao kawauza, “Habali monigeza? Ngalileni isente niilole.”

Luka 11:44

Mogaya mweye! Kwavija muigala na mapanga hagakoneka, wanhu obita uchanha bila kugajuwa.”

Luka 12:1

Wanhu wengi waiting'hana hamoja mbaka wanhu wakala oikanyaga. Tanhu Yesu kawalongela wanahina zake, “Iteganyeni na hamila ya Mafalisayo, nao ndo utapitapi.

Luka 6:42

Hebu kodahaze kumulongela ndugu yako, ‘Chonde, leka nikulave kibanzi kili mdisiso jako,’ kuno gweye ung'hali hunajona biki dili mdisiso jako mwenyego? Gweye kwa mtapitapi! Tanhu lava biki dili mdisiso jako, abaho kodaha kulola goya na kulava kibanzi kili mdisiso da ndugu yako.

Yohana 1:47

Yesu viyamone Nasanaeli komwizila, kasimulila, “Ino Mwiizilaeli kweli, mgati yake mduhu uvizi!”

Walumi 1:29

Wanhu wano wamema gose gehile, kwiha na umelo na ogevuza wayagwe. Wamema migongo na ukomaji na ndwagi na uvizi na magesa gehile. Olonga wayao,

1 Wakolinto 14:20

Ndugu zangu, sikumugese kamba wana wadodo. Kwa mbuli ya gehile mukale kamba wana ving'hele welibule vitala, lakini mugese kamba viwogesa wanhu wabala goya.

1 Wakolinto 5:8

Lelo tudeng'helele Pasaka yetu, siyo kwa gate dili na hamila ya umwaka ili na nzambi na ubananzi, lakini kwa gate hadigeligwe hamila, gate dinogile na ukweli.

2 Wakolinto 12:20

Nodumba naheza kumwenu, honda niwavike kamba vinonda niye, na mweye honda mumbone kamba vimulonda niye niwe. Nodumba nodaha kuvika wanhu ogomba hebu kuyonela migongo hebu kuigevuza hebu kuwa na gahigahi hebu kuideta hebu kuiliga hebu kuigoda na kuiding'hula.

Waefeso 4:31

Sikuukone usungu, sikumuding'huke na kugevuzika. Sikumuibamilile hebu kuiliga, sikumuihile kwa mbuli yoyose.

1 Wasesalonike 2:3

Mbuli ituwalongela mweye siyo mbuli ya uvizi hebu kugesa gehile, na hatulonda kumbunyika munhu yoyose.

1 Timoseo 3:11

Vivija wehe zao olondigwa wawe na tabiya inogile sikuwawalonge wanhu vihile, wailongoze wenyego na otenda gaja gawalongile mzimbuli zose.

Tito 2:3

Vivija walongele watwanzi wavele wakale ugima wa kung'ala, sikuwawalonge vihile wanhu hebu kuwa watumwa wa ugimbi. Olondigwa kufundiza mbuli zinogile,

Waebulania 12:1

Kwavija siye tuzungulukigwa na lunhu lwa wanhu otulola, avo tusegese kila kinhu kitukimila mnzila, na nzambi ija ituzingiliza ng'hani na tukimbile kwa kuwamba mna ukuihuma kwitwikiligwe.

Yakobo 1:21

Avo lekeni gehile na ganyolodoke gose, muibokele kwa uhole imbuli ihandigwe mmizoyo yenu, imbuli idaha kuwakombola.

Yakobo 3:14

Lakini kamba mizoyo yenu imema migongo na usungu na gahigahi, sambi muugubike ukweli kwa kuitapa mbuli ya nzewele yenu.

Yakobo 4:11

Ndugu zangu, sikumuilonge vihile mweye kwa mweye. Munhu yoyose yomulonga vihile ndugu yake hebu kumtagusa kogalonga vihile malagizo na kugatagusa. Wahagatagusa malagizo hugagoga malagizo, lakini kogatagusa.

Yakobo 4:5

Sikumugese kamba Maandiko Gang'alile galonga bule, vigalongile, “Loho yekigwe na Imulungu mgati mmwetu kotusulukila mbaka kokona migongo.”

Yakobo 5:9

Ndugu zangu, sikumuinung'unikile, bule Imulungu kowatagusa. Kwavija msemi ka haulwivi.

1 Petulo 2:16

Kaleni kamba wanhu walekesigwe lakini kulekesigwa kwenu sikukuwe kinhu cha kufisila nzambi zenu. Kaleni kamba wasang'hanaji wa Imulungu.

1 Petulo 2:22

Heyo hatendile nzambi na halongile mbuli yoyose ya uvizi.

1 Petulo 3:10

Kamba Maandiko Gang'alile vigalonga, “Munhu yoyose younogela ugima na kolonda siku zinogile, yailole sikuyalonge gehile na sikuyalonge uvizi.

1 Petulo 4:2

Kusongela sambi ugima wenu usigale hano mwiisi sikumukale kwa kukweleleza kusulukila kwa lukuli, lakini mukale kamba viyolonda Imulungu.

1 Petulo 4:4

Sambi wanhu awo okanganya kwavija hamuilumba nao mna ukukala vihile kubanzile ng'hani, avo owaliga.

Ugubulo 14:5

Wanhu awo hawana longa uvizi wowose, na wabule kinhu chochose kihile kumwao.