1 Petulo 1:6 - Biblia Kikutu

⁶ Deng'heleleni kwa mbuli ayo, hamoja sambi kwa kipindi kidodo monyunyuwala kwa kugezigwa vino na vija,

1 Petulo 1:6 ပူးပေါင်းရင်းမြစ်များ

Zabuli 119:28

Nidonha kwa usungu, unibwezele nguvu kamba vuulongile kotenda.

Zabuli 119:75

Go Mndewa Imulungu, notanga kamba gweye kotagusa kwa haki, kwa kutamanilwa kwako kunikoboza.

Zabuli 34:19

Magazo ga imunhu yanogile mengi, lakini Mndewa Imulungu komsegesela gose.

Zabuli 35:10

Mizege yangu yose yolonga, “Go Mndewa Imulungu, nani kamba gweye? Komkombola mkiwa kulawa kwa ayo yeli na nguvu, komkombola mkiwa na ngaengae kulawa wa ayo yomwibila.”

Zabuli 69:20

Awo onibezeli wanibena nguvu na niye nifa umoyo, nozahila imunhu wa kunyonela bazi, lakini simpatile yoyose wa kunihoza.

Zabuli 9:14

ili nizisimulile nhogolwa zako mmilango ya biti Sayuni, na kuko nideng'helele ukombola wako.

Zabuli 95:1

Izoni tumwimbile Mndewa Imulungu, tumdeng'helele dibwe wa ukombola wetu.

Matayo 11:28

“Izoni kumwangu mweye mose mugaya na kulemelwa na mizigo mikulu, na niye nowatenda mubwihile.

Matayo 26:37

Kawasola Petulo na wana wabili wa Zebedayo. Kasonga kona usungu na kunyunyuwala.

Matayo 5:12

Sekeleleni na kudeng'helela, kwavija mwikiligwa nhunza ng'hulu kuulanga. Kwavija vino vivo wadununzwe watula ndagu wa Imulungu wakalile umwaka, mweye hamunavumbuka.”

Luka 1:47

Loho yangu yomdeng'helela kwavija Imulungu Mkombola wangu,

Luka 10:20

Lakini sikumudeng'helele kwavija vinyamkela owategeleza, ila deng'heleleni kwavija matwaga genu gandikigwa kuulanga.”

Luka 2:10

Lakini msenga ija kawalongela, “Sikumudumbe! Niye niwagalila mbuli inogile, mbuli yonda itende wanhu wose wadeng'helele.

Yohana 16:22

Vino vivo ili kumwenu, sambi munyunyuwala, lakini nowezila kabili na mizoyo yenu yomema deng'ho, kuduhu munhu yonda yadisegese.”

Yohana 16:33

Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!”

Sang'hano 14:22

Wawagangamiza wanahina wa Yesu na wawalonda wakale mna ukutamanila, wawafundiza, “Tolondigwa tubitile madununzo mengi ili twingile Muundewa wa Imulungu.”

Walumi 12:12

Kumtamanila kwenu Imulungu kuwatende mudeng'helele, mwahagaya beteleni kwa kufunga umoyo, mpuleni Imulungu siku zose.

Walumi 5:11

Lakini siyo gago gaiyeka, vivija wose todeng'helela mbuli ya gaja gayatendile Imulungu kubitila Mndewa wetu Yesu Kilisito, yatutendile tuilumbe na Imulungu.

Walumi 5:2

Kwa kumtamanila heyo, Yesu katugalila ng'hekewa ya Imulungu, itukala nayo sambi, avo tobetela kwa kudeng'helela kwingila muukulu wa Imulungu.

Walumi 9:2

Nolonga vino, kwavija nonyunyuwala ng'hani na usungu uli muumoyo haumala bule,

2 Wakolinto 4:17

Magazo gotupata gabuha na gokala kwa kipindi kidodo, lakini gotugalila ukulu wa milele kubanza gago gamagazo.

2 Wakolinto 6:10

Tunyunyuwala lakini siku zose todeng'helela, twa wakiwa lakini towatenda wanhu bwando wawe wagoli, tokoneka twabule kinhu lakini kila kinhu chetu.

Wagalatia 5:22

Lakini muugima wa munhu yolongozigwa na Loho wa Imulungu vinhu vino vokoneka mgati mmwake, unogelwa na deng'ho na tindiwalo na kufunga umoyo na bazi na moyo unogile na kutenda kija kiyalongile,

Wafilipi 2:26

Kwavija kowagelegeza ng'hani na konyunyuwala ng'hani kwavija mweye muhulika heyo kakala mtamu.

Wafilipi 3:3

Siye wao twingile kumbi kweli, siye tumtambikila Imulungu kwa Loho wake na toigodela Yesu Kilisito. Siye hatuigodela kihendo kitendigwa mulukuli.

Wafilipi 4:4

Avo, siku zose deng'heleleni kwa kuilumba kwenu na Mndewa. Nobwelela kulonga, deng'heleleni!

1 Wasesalonike 1:6

Mweye mukweleleza vitutendile siye na vija viyatendile Mndewa, hata kamba mugaya ng'hani, muubokela usenga awo kwa deng'ho dilawa kwa Loho Yang'alile.

Yakobo 1:2

Ndugu zangu deng'heleleni, mwahagezigwa miyanza mingi,

Yakobo 1:9

Munhu yamtogole Yesu kuno mkiwa yadeng'helele kipindi Imulungu vonda yamwinule,

Yakobo 4:9

Nyunyuwaleni na lileni na kuiyalala. Daba jenu digaluke ndilo, na deng'ho jenu diwe kunyunyuwala!

1 Petulo 3:17

Kwavija vinoga ng'hani kamba vivo viyolonda Imulungu, kugaya kwa kutenda ganogile kubanza kwa kutenda gehile.

1 Petulo 4:7

Ukumala kwa kila kinhu kwa mmabehi. Avo molondigwa mugese goya na muilongoze wenyego ili mudahe kumpula Imulungu.

1 Petulo 5:10

Mwahamambukiza kugaya kwa kipindi kidodo, Imulungu yeli na ng'hekewa yawakemile mweye muwe na fungu kwa kuilumba na Yesu Kilisito muukulu wake wa milele kowatenda mutelele na kowagangamiza na kowagwaa nguvu na kowatenda muwe kamba chandusilo.

1 Samweli 2:1

Abaho Hana kapula kalonga, “Moyo wangu omwinula Mndewa Imulungu, nihuma kubitila Mndewa Imulungu, kwa mulomo wangu nowaseka iwanhu onihila, kwavija noudeng'helela ukombola wako!”