1 Petulo 1:3 - Biblia Kikutu

³ Tumgwee nhogolwa Imulungu, yeli Tata wa Mndewa wetu Yesu Kilisito! Kwavija kwa bazi jake, katutenda tuwe na ugima wa sambi, kwa kumzilibula Yesu Kilisito kwa wafile. Sambi tugweleligwa tamanilo da ugima,

1 Petulo 1:3 ပူးပေါင်းရင်းမြစ်များ

Zabuli 41:13

Yatogolwe Mndewa Imulungu, Imulungu wa Izilaeli, kulawa milele mbaka milele. Ona. Ona.

Zabuli 86:15

Lakini gweye Mndewa, kwa Imulungu umemile bazi na ng'hekewa, hugevuzika himahima, ila kumema unogelo hawishaga na kutamanilwa.

Zabuli 86:5

Gweye Mndewa gweye kunoga, na gweye kogela kumgongo, kumema unogelo hawishaga kwa iwanhu wose okukema.

Kulawa 34:6

Abaho Mndewa Imulungu kabita kuulongozi wa Musa kuno kolonga, “Niye na Mndewa Imulungu, Imulungu nimemile unogelwa na bazi, sigevuzika himahima nina moyo unogile na notamaniligwa.

Yohana 1:13

Si wana wa Imulungu bule kwa kuleligwa, hebu viwolonda wanhu hebu kwa udahi wa mbigalo yoyose, lakini Imulungu mwenyego heyo Tatao.

Walumi 12:12

Kumtamanila kwenu Imulungu kuwatende mudeng'helele, mwahagaya beteleni kwa kufunga umoyo, mpuleni Imulungu siku zose.

Walumi 15:13

Imulungu yotamaniligwa, yawatende mudeng'helele ng'hani na muwe na tindiwalo kwa kumtamanila kwenu, ili kutamanila kwenu kukule kwa udahi wa Loho Yang'alile.

Walumi 4:25

Heyo kalavigwa yafe kwa nzambi zetu, abaho kazilibuka ili Imulungu yatutende tunoge mgameso gake.

Walumi 5:10

Vitukalile tuihila na Imulungu, tuilumba nayo kubitila ifa ya mwanage. Sambi tuilumba na Imulungu, yokuwa vinoga ng'hani na kweli tokomboligwa kwa ugima wa Kilisito.

Walumi 8:11

Kamba Loho wa Imulungu yamzilibule Yesu kwa wafile kokala mgati mmwenu, avo ayo Imulungu yamzilibule Kilisito kwa wafile vivija kozizilibula ng'huli zenu zifaga, kotenda avo kubitila Loho wake, yokala mgati mmwenu.

Walumi 8:24

Kwavija kwa kutamanila avo tukomboligwa, lakini twahachona acho kitubetela, tamanilo dijo hadifaya. Nani yotamanila kija kiyone?

1 Wakolinto 13:13

Vinhu vino vidatu vosigala, kutogola, kutamanila na unogelwa, lakini dili kulu kubanza gose awo unogelwa.

1 Wakolinto 15:20

Lakini kweli Kilisito ayo wa ichanduso kuzilibuka kwa wanhu wafile, ino yolagusa kuwa waja wafile ozilibuka vivija.

2 Wakolinto 1:3

Tumgwee nhogolwa Imulungu, Tata wa Mndewa wetu Yesu Kilisito, Tata Imulungu yowonela wanhu bazi na kuwahoza mizoyo yao!

Wagalatia 6:16

Wanhu wose okala kwa kukweleleza nzila ino, Imulungu yawagwee tindiwalo na bazi, vivija kwa waja Waizilaeli weli wa Imulungu.

Waefeso 1:17

Nogendelela kumpula Tata yeli mkulu, Imulungu wa Mndewa wetu Yesu Kilisito, yawagwee Loho wake, yonda yawagwee nzewele na kuwagubulila Imulungu kumwenu ili mumjuwe goya.

Waefeso 1:3

Tumgwee nhogolwa Imulungu yeli Tata wa Mndewa wetu Yesu Kilisito! Kwavija kwa kuilumba na Kilisito katutenda tumwede kwa kutugwaa kila kinhu kinogile cha kiloho cha ako kuulanga.

Waefeso 1:7

Kwavija kwa damu ya Kilisito siye tolekesigwa, nzambi zetu zogeligwa kumgongo kwa ukulu wa ng'hekewa ya Imulungu,

Waefeso 2:4

Lakini Imulungu kana bazi ng'hani. Na katunogela kwa unogelwa mkulu,

Waefeso 3:20

Kumwake Imulungu kubitila nguvu yake isang'hana mgati mmwetu, kodaha kusang'hana mbuli ng'hulu ng'hani kubanza gaja gotupula hebu kugesa.

Wakolosai 1:23

Kamba mwahagendelela kugangamala mditamanilo mulinajo, sikumutogole kutigisigwa na kuleka tamanilo jenu mudipatile vimuhulike Mbuli inogile. Kwa Mbuli ino Inogile, niye Paulo niwa msang'hanaji wa Mbuli ino Inogile, ipetigwe kwa kila munhu mwiisi.

Wakolosai 1:27

Imulungu kalonda kuwatenda wanhu haweli Wayahudi wajuwe ukulu wa vinhu vingi uli mna uusenga uno ufisigwe. Usenga awo, yuyo Kilisito yeli mgati mmwenu, yuyo yotutenda tutamanile kuwa tokuwa na fungu muukulu wa Imulungu.

1 Wasesalonike 1:3

Avo, mgameso ga Imulungu Tataetu, tokumbuka vimulagusa kumtamanila kwenu kwa kusang'hana, na unogelwa wenu uwatendile musang'hane kwa kuwamba, na tamanilo jenu kwa Mndewa wetu Yesu Kilisito vidigangamale.

1 Wasesalonike 4:13

Ndugu zetu tolonda mujuwe ukweli mbuli ya waja wafile, ili sambi munyunyuwale kamba wanhu awo hawatamanila.

2 Wasesalonike 2:16

Tompula Mndewa wetu Yesu Kilisito mwenyego na Imulungu Tataetu, yatunogele, na mna ing'hekewa katugela moyo siku zose na tamanilo dinogile,

1 Timoseo 1:14

Avo, kangwaa ng'hekewa ng'hani na kanigwaa kutamanila na unogelwa uli wetu kwa kuilumba na Yesu Kilisito.

Tito 2:13

kuno tobeta siku dijo da deng'ho ditutamanila, kipindi ukulu wa Imulungu wetu mkulu na Mkombola wetu Yesu Kilisito vonda ulawilile.

Waebulania 3:6

Lakini heyo Kilisito kotamaniligwa kamba Mwana yeli na udahi kwa wanhu weli ng'anda ya Imulungu. Siye wao ng'anda yake kamba twahagendelela kuwa magalu na kugangamala mna iditamanilo dituigodela.

Yakobo 1:18

Kasagula kutulela kubitila imbuli yake ya kweli, ili tuwe wanhu wa ichanduso mna ivinhu vose viyaumbile.

1 Petulo 1:13

Avo mugese goya na muitande kusang'hana, muilongoze goya wenyego. Ikeni tamanilo jenu mna ing'hekewa yonda mugweleligwe vonda yabwele Yesu Kilisito.

1 Petulo 1:21

Kubitila heyo momtogola Imulungu yamzilibule kwa wafile na kamgwaa ukulu, avo momtogola na momtamanila Imulungu.

1 Petulo 1:23

Mweye muvumbuka mwanza wa kabili kubitila mbuli ya ugima ya Imulungu ikalaga siku zose, siyo kwa mbeyu inangika lakini kwa mbeyu hainangika.

1 Petulo 2:2

Muwe kamba wana ving'hele, viwogasulukila matombo, avo na mweye sulukileni matombo ganogile nago zizo mbuli zinogile za Imulungu, ili mudahe kukula muukombola wenu.

1 Petulo 3:15

Lakini mumgwee ukulu Kilisito kamba Mndewa mmizoyo yenu. Siku zose muitande kumwidika munhu yoyose yowauza kilamuso cha tamanilo jenu dimulinajo.

1 Petulo 3:21

Na mazi gago sambi golagusa ubatizo, awo uwakombola. Siyo kwa kusunha dikwe da lukuli lakini lagano kwa Imulungu ditendigwa kwa moyo unogile kumwake. Ubatizo owakombola kwa kuzilibuka kwa Yesu Kilisito,

1 Petulo 3:5

Kwavija uno awo unovu uwakalile nao watwanzi wamtamanile Imulungu baho umwaka, viwawategeleze wakasano zao.

1 Yohana 2:29

Kamba mojuwa kuwa Kilisito komnogeza Imulungu, mujuwe kila munhu yomnogeza Imulungu kaleligwa na heyo.

1 Yohana 3:3

Munhu yoyose yomtamanila Kilisito koisunha, kamba vija Kilisito viyaisunhile.

1 Yohana 3:9

Yeli mwana wa Imulungu hagendelela kutenda nzambi, kwavija kavumbuka na Imulungu na Imulungu kamgwaa ugima wa sambi, avo hadaha kugendelela kutenda nzambi.

1 Yohana 4:7

Ndugu zangu, tuinogele wenyego, kwavija unogelwa olawa kwa Imulungu. Munhu yoyose yonogela ka mwana wa Imulungu, na komjuwa Imulungu.

1 Yohana 5:1

Munhu yoyose yotogola kamba Yesu ayo Kilisito munhu ayo mwana wa Imulungu. Munhu yomnogela tata munhu, vivija komnogela na imwana.

1 Yohana 5:18

Tojuwa awo weli wana wa Imulungu hawagendelela kutenda nzambi, kwavija Mwana wa Imulungu kowalolesa, na ija Imdumuka hadaha kuwalumiza.

1 Yohana 5:4

kwavija kila yeli mwana wa Imulungu kodaha kuihuma isi. Vino avo vituihuma isi kwa kumtamanila kwetu Imulungu.