1 Petulo 1:17 - Biblia Kikutu

¹⁷ Kwavija mwahampula momkema Tata, yuyo yonda yamtaguse kila munhu bila kubagula kamba viyasang'hane, mukale hano mwiisi kamba wanhu baki kuno momtegeleza kwa kugwaya.

1 Petulo 1:17 ပူးပေါင်းရင်းမြစ်များ

Mwanduso 47:9

Yakobo kamwidika Falao, “Miyaka yangu inigweleligwe kamba munhu mbita nzila ni miyaka gana na malongo madatu. Miyaka ayo midodo na imema magazo, na haivikile wingi wa miyaka iwakalile nayo iwahenga zangu kamba wanhu obita nzila.”

Zabuli 39:12

Utegeleze kupula kwangu, gweye Mndewa Imulungu, tega gwiti jako uhulike vinilila, sikuunyamale nahalila, niye na kamba mgeni yobita nzila, niye na mbita nzila kamba viwakalile wahenga zangu wose.

Zabuli 89:26

Na heyo konikema, ‘Gweye kwa tatangu, Imulungu wangu, dibwe da ukombola wangu.’

Nongezi 14:16

Yeli na ubala koiteganya na koinega kutali na gehile, lakini zozolo hagelegeza na koitapa.

Nongezi 28:14

Kamweda munhu yomdumba Mndewa Imulungu siku zose, lakini yeli na moyo mdulu kopata magazo.

Matayo 16:27

Kwavija Mwana wa Munhu kokwiza muukulu wa Tatake hamoja na wasenga wa kuulanga, abaho komgwaa kila munhu nhunza yake iigalile na sang'hano yake.

Matayo 22:16

Wawatuma wanahina zao hamoja na wanhu wayagwe mna ikibumbila cha Helode. Walonga, “Mfundiza, tokujuwa gweye kwa munhu ulonga ukweli na kofundiza nzila za Imulungu mna ikweli. Humdumba munhu yoyose, kwavija hutonga ukulu wa munhu.

Matayo 6:9

Lakini mweye puleni vino, ‘Tataetu uli kuulanga, twaga jako ditogoligwe,

Walumi 11:20

Ona molonga. Wakanhigwa kwavija hawatogole, mweye musola hanhu hao kwavija mutogola. Lakini sikumuigodele mbuli ayo, ila dumbeni.

2 Wakolinto 1:2

Imulungu Tataetu na Mndewa Yesu Kilisito wawagwee ng'hekewa na tindiwalo.

2 Wakolinto 5:6

Avo siku zose togangamala. Tojuwa kamba vitukala mzing'huli zino, twa kutali na kae yetu hamoja na Mndewa.

2 Wakolinto 7:1

Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

2 Wakolinto 7:11

Loleni, viyatendile Imulungu kubitila kunyunyuwala kwenu, sambi mowamba ng'hani, modaha kulagusa kamba munoga. Mokona usungu mwahagona gehile gosang'hanwa, mosinhuka na kudumba, mosulukila ganogile, muilava kwa kusang'hana, molonda kona ganogile gotendeka. Kwa kila mbuli muilagusa mwabule gehile.

Wagalatia 2:6

Lakini wanhu wano olongigwa kuwa vilongozi, kamba kweli wakala vivo hebu si vivo, niye sitonga bule. Kwavija Imulungu hamtagusa munhu kwa kumulola kwa kunze, wanhu awo hawakalile na magesa ga kunyongezela.

Waefeso 1:17

Nogendelela kumpula Tata yeli mkulu, Imulungu wa Mndewa wetu Yesu Kilisito, yawagwee Loho wake, yonda yawagwee nzewele na kuwagubulila Imulungu kumwenu ili mumjuwe goya.

Waefeso 3:14

Kwa kilamuso kino, nomfugamila Tata,

Waefeso 6:9

Na mweye iwakulu, vivija watendeleni ganogile watumwa zenu, sikumulonge kwa kukomhoka. Kumbukeni kuwa mweye vivija kamba wao, mnayo Mndewa iija kuulanga, nayo habagula munhu.

Kumbukumbu 10:17

Kwavija Mndewa Imulungu, Imulungu wenu ayo Imulungu wa imulungu na Mndewa wa iwandewa. Heyo ayo Imulungu mkulu na yeli na udahi na wakudumbigwa, habagula iwanhu na habokela hongo.

Wafilipi 2:12

Mbwiga zangu siku zose vinikalile na mweye munitegeleza, na hata sambi nakutali na mweye wambeni kunitegeleza. Kwa bwembwe na kugwaya sang'haneni ili ukombola wenu utelele,

Wakolosai 3:25

Munhu yoyose yotenda gehile kolihigwa gehile gake, kwavija Imulungu habagula munhu.

Waebulania 12:28

Avo tumgwee nhogolwa Imulungu, kwavija tubokela undewa hautigisika. Tumgwee nhogolwa Imulungu na tumgwee ukulu onda umnogeze, kwa kumtegeleza na kwa bwembwe.

Waebulania 4:1

Avo kwavija kija kiyalongile Imulungu mbuli ya kwingila hanhu ha kubwihila king'hali baha, tuiteganye munhu yoyose kumwenu sikuyaswele kwingila hanhu aho.

1 Petulo 2:11

Mbwiga zangu nowapula kamba wabita nzila na wanhu baki hano mwiisi, lekeni kusulukila vihile kwa lukuli ako kugomba siku zose na loho zenu.

1 Petulo 3:15

Lakini mumgwee ukulu Kilisito kamba Mndewa mmizoyo yenu. Siku zose muitande kumwidika munhu yoyose yowauza kilamuso cha tamanilo jenu dimulinajo.