ZEKARIA 8:13 - Bibilia Kui Mdedie fo Kimochi

¹³ Numa kechiwa, chando muwekeri oseso kiidi kya wandu wa mkambo, Iyo mba ya Yuda na mba ya Israeli, nyi wudo njechikiṟa, nanyo mochiwa mboṟa; mulaowuo, tumhaṟenyi mawoko hanu.”

ZEKARIA 8:13 ပူးပေါင်းရင်းမြစ်များ

MAWOOKIONYI 26:4

Njechipfumbutsa oshari lopfo cha nyenyeri tsa ruwehu, na inyi njechiinenga oshari lopfo njorukatsi tsose, na kiidi kya oshari lopfo mkambo ya wandu wose wa wuyana wechicha iwikio ona.

SHIIMBO SHA DAWIDI 44:16

Kui ṟu lya mndu motaluo na iruma, kipfa kya mkituwa na motaa kiṟache.

SHIIMBO SHA DAWIDI 72:17

Rina lyake likae mlungana, mandi mnengeṟi fowaa, rina lyake liwade kishari; wandu wose wahende ikuwikia ona; na imlaha nanga.

SHIIMBO SHA DAWIDI 79:4

Lulewa wandu wemino ko wamṟasa wadu, kitengeluko na weisalucho ko iwo waluṟingichie.

YESAYA 43:28

Ko ikyo ngaleha walya weṟundia halya haele, ngasehia Yakobo nakapo kishikie, ngaweleka Israeli narumo.’”

YEREMIA 24:9

Njechiwahaluo kindo kewichuṟa oshangunyi lo wamangi wose wai wuyanenyi. Wechiwa kindo kitalukie, kindo kekapa mang'ang'o, iseko na iseso orio handu wechidichia.

YEREMIA 25:18

Wai Yerusalemu na mṟi ya Yuda na wamangi wawo na wandu wang'anyi kundu wahaluke wakiwa na kindo kiṟihishie na italuka, na oseso chando kui na inu.

YEREMIA 26:6

Njechihaluo mba i iwe cha Shilo, na mṟi fu njifuhaluo fuwe oseso njoshari tsose tsa oruka.”

YEREMIA 29:18

Njechimulatia na oshu, njaa na ndaaṟe mbicho. Njechimuhaluo muwe kindo kisukiṟie ko wuitoṟi wose kiidi kya oruka, ee da, kindo cha oseso, kichano, omino na kindo kepiṟo kiidi kya mkambo iya yose njilemufunyia-pfo.

YEREMIA 33:24

“Ngesa, kulemeicho chandu wandu-wa wekehamba inyi Mndumii-Ruwa njilekumbalia kuleshe wandu wa Israeli na wandu wa Yuda, wandu wa mba tsiwi njiletsisambuṟa? Walemina wandu wako, mṟasa iwawona chi mkambo pfo.

YEREMIA 42:18

Kipfa inyi Mndumii-Ruwa Menyi Matorito, Ruwa o Israeli, ngahamba njidi: Chandu nyashi yako na tuke yako ilehoya wandu wa Yerusalemu, nyi wudo tuke yako yechimuhoya nyo, kokoya mochihenda Misri. Mochiwa kirumo, kiṟihisho, oseso na sonu. Mochiwonase iyapfo.”

YEREMIA 44:12

Njechiwuta wandu wa Yuda waletsuhaa iwo wakuṟeheṟie ihenda ikaa Misri, njiwarumatse wose, wang'anyi ko watutu; wechipfa ko oshu ang'u ndaṟe. Wechiwa mbosha, kiṟihisho, oseso na italuka.

YEREMIA 44:22

Mndumii-Ruwa echiidima itirisiase mawuto ho hanu mawicho mulewuta pfo; nkyo kimarete oruka lonu lowa mrapu, cha nuka ya msanga, oseso luwuṟie wandu, chandu kii mṟasa inu.

SHILIO 4:15

“Hendenyi! Hendenyi!” Nyi wudo wandu walewafuna, “Nyo nyi mufanyi ngafu manya mulakuwashe naso. Wakakuṟahia ṟahia kiidi kya mkambo ya wandu kulakaepfo manya umu alewaambia.

EZEKIELI 34:26

“Nawo nyi wechikukaya wambaṟa na ifumvu lyako liele na inyi njiwewawikia ona. Njiwewaendie mvuo kiheri kyayo, na mvuoyo iwewaendie mboṟa.

EZEKIELI 37:11

Kyasia Mndumii-Ruwa kanjiwia! “Iyo mndu Mafuo ho nyi Waisraeli wose. Wo nyi waihamba ke, ‘Mafuo hadu nyi hamaumu, luwodese mkusiriepfo, naso lulesia piu.’

EZEKIELI 5:15

Ili mandi nyashi yako na ngapo tsako tsechikuhoya, walya wakuṟingichie wechikuambuya kinyeri wechikusalucha na ikutaluo.

DANIELI 9:11

Ee da, Waisraeli wose watahacha wuwawaso wopfo, na ikaa kihadi, walaadanyie ṟu lyapfo; ko ikyo oseso lulecha huye yadu, na nyamu iya injiṟehie wuwawasonyi wo Mose, mṟundi o Ruwa; kipfa lulewuta wunyamaṟi.

MIKA 5:7

Wa oshari lo Yakobo wedeo na moo, wadung'anyie kiidi kya mkambo fo wandu wafoi, wechiwada pfinya ing'anyi cha mwiso kiidi kya mando hai na moo ngeṟenyi, cha ilea lya mwiso kiidi kya po lya machondi, orio handu lyaida, lyikaharundikia na ihahaluo choonga yawo, kulawoneke mohakiṟa.

SEFANIA 3:16

Mkonu fulya Yerusalemu nechiwio, Ulaowuo iyo Sioni, owoko lopfo lulalolome.

SEFANIA 3:20

Mandi ho njechimusanyia na imuitsa na mba - kipfa njechimhaluo kiṟumi na rina kiidi kya wandu wose wa wuyana ilyi njechiwihiṟa wapfungo wanu oshangunyi lo meso hanu, Mndumii ahamba.

HAGAI 2:19

Alewo na kuwode mbeu kikumbinyi? Ee, msabibu, manya ikidi lya ndunda lyose lilewikapfo, wokia wulalu mkonufu fo inu njechimuwikya ona.

HAGAI 2:5

Chando njilehamba lilya mulewuka Misri, na Mumuyo foko fukakaa huye yanu ma mulaowuo.

ZEKARIA 1:19

Ngawesa Malaika ulya alededa na inyi itsi nyi kiki? Nao kanjihaluo ke itsi nyi membe tsilepaṟatsana wandu wa Yuda, na Israeli, na Yerusalemu.

ZEKARIA 14:11

Wandu wose wechiidima ikukayapfo, ma kochiwadase osesopfo na Yerusalemu kochikaapfo olele wio.

ZEKARIA 8:15

nyi wudo njiṟeheṟiye maheri ha njiwutie Yerusalemu mecha na mba ya Yuda naawo, mulaowuo.

ZEKARIA 8:9

Mndumii menyi Matorito nahamba adi, “Mawoko hanu hakarie, nyo mukeri iadanyia madedo ha waikimbi maheri-ha, walya waweipfo kiheri walesuma otende lo mba ii ya Mndumii menyi Matorito, hekalu lyi kundu lyiwiko.

ZEKARIA 9:13

Yuda njechimhaluo nawe wuda na Efraimu nawe mfi foko. Iyo Sioni! Wandu wapfo njechiwahaluo wawe oshu lopufukia wandu wa Ugiriki; njewahaluo cha oshu lo mndu mkari o shida.

1 WAKORINTO 16:13

Laenyi choowe, hoṟokenyi na wuhoṟotsu wo mwidikye, muwe womi muwewa ngohoda.

WAGALATIA 3:14

Kikawa kido kundu mkambo ya wahenu iwonyo ona lo Abrahamu kui mweke fo Kristo luweambya mumuyo fu fuwei mteṟye lochimwidikya na ikusirya nao.

NGUMBUO YA MAWAWASO 26:19

Nechimutana nyo muwe mkambo fung'anyi kota ingi yose aleiumba. Nanyo mochiṟingishia rina lyake, kiṟumi kyake na wuindi woke. Nyo mochiwa waele wake chandu alehamba.”

NGUMBUO YA MAWAWASO 28:37

Mochiwa cha kindo kiporu, kindo kipiṟe na kiṟiha ipfo kiidi kya wandu wose wa orukalo Mndumii-Ruwa aimuduo.