ZEKARIA 8:10 - Bibilia Kui Mdedie fo Kimochi

¹⁰ Kipfa kuwewode osaṟe ko mndu, ma shuuma-pfo, ma kuwewode ofoṟo ko ulya aipfo ma mochapfo kipfa kya mkituwa; na inyi ngasehia orio mndu naloyane na wamṟasa oke.

ZEKARIA 8:10 ပူးပေါင်းရင်းမြစ်များ

YESAYA 19:2

Na inyi njechiamtsa Wamisri huye ya Wamisri; nawo wechikapana, orio mndu na manomae, na orio mndu na wamṟasa oke, mṟi, na mṟi, wumangi na wumangi.

YEREMIA 16:16

Mndumii-Ruwa ahamba: “Ambuya njechilaha wadehi wafoi wache iwada wandu wa, kiidima njilahe welasa wache iwalasa kiidi kya shitoṟomoso, na mbakonyi tsa maṟaṟa.

AMOSI 3:6

Ngesa, ombe lochikapo mṟinyi, wandu walechiowuo? Mṟi fochiwona ngapo, ilanjiende nyi Mndumii?

AMOSI 9:4

Nawo wakadao wapfunge oshangunyi lo wakituwa wawo njechidika oshu luwamarise dang'a; njechiembeṟutsa meso hako njiwawutie mawicho tupu chi mechapfo.

HAGAI 2:15

Wulalu ngamuterewa, kusaṟenyi necha; wokia mkonu iya yose ilemeida itane mkonufu fo inu; wokia lilya mandi iho lilandewiko huya lingi mbenyi ya Mndumii.

WACHILI 5:11

Imbenyi muelewetse waaria wa shiimbo, kundu kuwode maṟungu ha mṟinga onguonyi wuwinzi wo Mndumii-Ruwa, wuwinzi wo wademi wake kiidi kya Israeli. Nlyondi wandu wa Mndumii-Ruwa walesoka mongonyi.