ZEKARIA 7:14 - Bibilia Kui Mdedie fo Kimochi

¹⁴ Indi njechiwarahanyitsa na otanu kiidi kya wandu wa mkambo walawewaichi. Kyasia nyi wudo oruka luwei msefu numa yawo, ma kuwewode mndu aleidahopfo, ma alewuyapfo, kipfa walehaluo msefu oruka lulya luwei lucha.”

ZEKARIA 7:14 ပူးပေါင်းရင်းမြစ်များ

2MBONYI TSA MAHERI 36:21

Na kudo kikawa ke madedo halya ha Mndumii-Ruwa sa halededo nyi mwikimbi Yeremia hakainutsio: “Oruka lochideo wukiwa lulademo ko maka (70), kihianyi na maka iya yose ya sabato sa wandu walaleiṟumisha.”

SHIIMBO SHA DAWIDI 58:9

Ilimandi nungu tsanu tsilamehya modo fo msha, nyechiiwiwita cha otanu sa lwapfinya, iya njiwishi na iyo ii modo.

YESAYA 17:13

Wandu wa mkambo waringona cha ndiṟimo ya mṟinga fufoi; Indi nechiwadedia, nawo wadichie kuleshe mnu. Wechiwingio cha muulu fumvuhu kui otanu, Na cha kiluli kundu kui kiwiriwiri.

YESAYA 21:1

Otambahaluo huye ya oruka lo Ipalyipalyi. Chandu kiwiriwiri kya Negebu (Kimu cha ilyi ohamba oruka lo nuka) kitikiria owinyi, kikeri icha kiwukie kundu kuleo, oruka luoweshie.

YESAYA 60:15

Kipfa noledeo na isuika, kulakae ma mndu aleida kopfo, njechikuhaluo kiṟumi kya mlungana, Sia ya shishari shifoi.

YESAYA 66:15

Kipfa Mndumii naicha cha modo na magari hake ha shida cha otanu lo kiwiriwiri; kundu natae kiṟache kya nyashi yake ko modo fuaka na mapfundo hake kui olewo lo modo.

YEREMIA 12:10

Walisi wafoi wanyamaṟa dema lyako lya msabibu, wakachuma chuma oruka lui masaa hako: mdemi foko fucha wafuhaluo nuka ya msanga.

YEREMIA 23:19

Ambuya otanu lo Mndumii, nyiyo nyashi yake yacha, nyi otanu lurie masinano hang'anyi, yechiduikia mdohu ya wandu watahachi wose.

YEREMIA 30:23

Ambuya kiwiriwiri king'anyi kiwukie ko Mndumii-Ruwa! Nyashi yado, cha kiwiriwiri kya masinanu, kechipaṟikia mdohu fo mndu mnyamaṟi.

YEREMIA 36:19

Kiidima wanene wo wakawia Baruku, “Iyo henda muhende iowa kimu na Yeremia, ma kulawade mndu oose echimanya handu mui.”

YEREMIA 44:6

Koikyo tuke yako na nyashi yako ikaaka na iletsekia huya mṟi ya Yuda na njia tsa Yerusalemu, itane yawa nuka ya msanga na mrapu chandu ikeri mṟasa inu.

YEREMIA 5:15

“Ambuya njechiende mkambo fo wandu fuwukie haleshe mnu iyo mba ya Israeli: Mndumii ahamba; nyi wandu waapfinya, nyi wandu wa mkambo fo kacha, mkambo fo wandu ulaichi kishomo kyawo, ma kulaichi kilya wadeda.

YEREMIA 52:30

Maka fo makumi hawi na kaṟaṟu (23) fo wuitoṟi wo Nebukadneza, Nebuzaradani mnene o waringi wa mangi kaduo wapfungo Wayuda mahana mfungade makumi hana na watanu (745). Wose waledao wapfungonyi nyi shiku shina na mahana haṟandaṟu (4,600).

EZEKIELI 12:19

Uwewia wana wo wa Israeli, nyi wudi Mndumii-Ruwa ahamba ko wandu wo wakeri ipfo Yerusalemu na oruka lu lo Israeli, walye kelya kyawo wechidedema na ikunyoya mṟinga fowo ko wuowu wung'anyi, cha kipfa oruka lu lowo lochikumbiase kindo pfo, kitewe nyi wuwicho wowo.

EZEKIELI 22:15

Ambuya njikeri ihenda ikurahanyitsia kiidi kya mkambo ya wandu na ikukumba ipfo na ipfo kiidi kya njoruka tsingi. Njechitsitsa ngafu tsose tsii kiidi kyapfo.

EZEKIELI 5:10

Koikyo wafee wa Yerusalemu nyi wechilya wana wawo na wana wechilya wafee wawo. Nyi wudo njechimuhoṟuo. Iwo wechitsuhaa njechiwarahanyitsa wahende ipfo na ipfo wuyanenyi kose.

DANIELI 8:9

“Kiidi kya membe tso kukadoho ombe lututu lukang'ana mnu, ora lo nuka, na ora lo kiukanyi, na ora lo oruka lucha.

HOSEA 9:17

Kyamba waleha imwadanyia, Mndumii-Ruwa oko nyi echiwakumba, nawo nyi wechihenda iṟahaṟaha kiidi kya mkambo ya wandu.

YOELI 2:3

Chandu modo fukeṟumatsa, mbahanyi yo irumatsa orio kindo kikeri oshangunyi loyo, na ida mrumatso fung'amnyi fo orio kindo kikeri nduma yafo; mandi mbahanyiyo ilameidapfo, oruka luwekeri cha bustani ya Edeni; kyaindi ikameida, oruka lokedeo lui nuka ya msanga. Kuwode kindo kechiidima iliashukapfo!

WALEWI 26:22

Njechidika mando ha nja malang'a konu sa hechirakuo wana wanu, ilya shuma shanu, na ianguṟa iitala lyanu tane njomongo tsanu tsawa cha nuka ilawode mṟinga.

WALEWI 26:33

Njechimupaṟatsana nyo kiidi kya wandu wa mbaṟi tsingi na isomuo oshu kipfa kyanu. Oruka lonu lochiwa mrapu na mṟi yanu yechiwa injisame.

AMOSI 1:14

kyaindi njechiatsa modo omombohu lo Raba, nafo furumatse mamba hake; hamu na kifahiyo kya mkonu fo shida, hamu na tuṟukumbi ya mkonu fo kiwira;

NAHUMU 1:3

Mndumii ekeduika nyashipfo, nawode pfinya ing'anyi, manya echihamba mndu mnyamaṟi awode wunyamaṟipfo. Mndumii nawode otende loke kiidi kya otanu lung'anyi, mapuchi nyi kiluli kya madende hake.

HABAKUKI 3:14

Kokapa mdo ya waapfinya kui maṟiinga hawo wawenyi; wakacha cha otanu sa lwapfinya kundu wanjirahanyitse; Kokoya wechechihiyo imeṟa wangoeda kui kiṟika.

SEFANIA 3:6

Njilerumatsa wandu wa mkambo, shilya wawekusihie njileshinyamaṟa kuwode moida njienyi kowo manya mṟinyipfo kipfa ilerumara; kuwode mndu-pfo manya mokaa pfo kuwodenyi.

ZEKARIA 2:6

Na wulalu dichenyi oruka lo mtsudu, Mndumii ahamba kipfa inyi nyi ngawarahanyitsa onyo cha njotanu tsiina tsa ruwehu, Mndumii ahamba.

ZEKARIA 8:1

Idedo lya Mndumii Menyi Matorito likanjichea, lyekamba,

ZEKARIA 9:14

Nao Mndumii nechiwonekana huye yawo, Mfi foke fochiwa cha mbaṟuko, Mndumii-Ruwa nechikapa ombe, Nechihenda na otanu sa lwapfinya lo nuka

NGUMBUO YA MAWAWASO 28:33

“Mkambo fo wandu mlafuichi fochicha iduo shilimu sha mademenyi hanu shose na ndunda tsa mmbiṟuko fonu, nanyo mochiwutio shindo sha mbaka kiheri kyose,

NGUMBUO YA MAWAWASO 28:49

“Mndumii-Ruwa nechiende mkambo fumu fo wandu kuwuka kuleshe fumupufukie owicho cha mbeṟo, mkambo mulaichi manya mdedie fowo.

NGUMBUO YA MAWAWASO 28:64

Mndumii-Ruwa nechimupaṟatsana kiidi kya mkambo yose, kuwookia ora lumu lo wuyana mṟasa ora lungi. Na ipfo mochiṟundia maruwa hengi ha mashidi na maho maruwa sa nyo manya waku wanu walalemewamanye.

NGUMBUO YA MAWAWASO 4:27

Mndumii-Ruwa nechimupaṟatsanyia mkambonyi ya wandu wengi; na nyi wandu wanu waangu wechitsuhaa ipfo kundo Mndumii-Ruwa echimufunyia.