ZEKARIA 6:6 - Bibilia Kui Mdedie fo Kimochi

⁶ Igari lilya lya frasi njiiwu likakure likahenda ora lo mtsudu; na lilya lya frasi njiili likahenda ora lo kyukanyi igari lilya lya ifuifu likahenda ora lo nuka.

ZEKARIA 6:6 ပူးပေါင်းရင်းမြစ်များ

YESAYA 30:6

Otambahaluo lo mando hai na moo ha Negebu, Makidi hawi ha oruka lo wukiwa na waale, Kokewukapfo mwiso ika na mwiso isoṟo, Njoka na njoka ya modo yerunduka; Wekeduo masaa hawo makosohu ha nzoi njikoho, Na shisa shawo huye ya sisi ya ngamia, Wahende ko wandu walechiwatarama kindo.

YESAYA 43:6

njiwie mtsudu wuta; na iyo nuka, kulaime; njiendienyi wana wako wawuka kuleshe na wana wako wawaka wawuka mtsitsioni fo oruka.

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 4:6

Irienyi bendeṟa huye mhende Sioni; dichenyi mulakeleo, kundu lukukae kipuo; kipfa njiende mawicho wokia mtsudu, na orumatso lung'anyi mnu.

YEREMIA 46:10

Mkonu fo nyi mkonu fo Mndumii-Ruwa Menyi Matorito, nyi mkonu fotaa kiṟache; ee da, nyi mkonu fohoṟuo wakituwa wake. Oshu lochiwamarisa na ihuda, lochinyo samu yawo na ihuda. Kipfa Mndumii-Ruwa Menyi Matorito nawode kidaso, ipfo ora lo mtsudu kufui na meda fo Eufrate.

YEREMIA 51:48

Kiidima ruwehu, oruka na shose shiipfo, shechiimba na sia kipfa Babeli naoloka, kipfa kya werumatsa wawuka ora lo mtsudu wakacha ifusaṟikia. Nyi inyi Mndumii-Ruwa ngahamba.

YEREMIA 6:1

Dichenyi nyo wana wa Benyameni kundu mukie; wukenyi kiidi kya Yerusalemu, Kapenyi iranda kiidi kya Tekoa. Wikenyi kichano ipfo Beth-hakeremu; ambuya kuwode mawicho hang'anyi hakeri iimehiya hache ora lo mtsudu.

EZEKIELI 1:4

Kiheri njileambuya ngawona owira sa lung'anyi luwuka ora lo huye. Owira lu luweluṟingichie na ipuchi ling'anyi liwekeri iaka aka. Kuweipfose modo fuweiaka kiheri kyose, na makidi hawi ha modo fulya kuweipfo kindo kiweaka cha aṟeṟa.

DANIELI 11:40

“Na kiheri kya ifurumia mangi ya nuka nyi echihodana nao; na mangi ya mtsudu nyi yechimkapa na otanu lo kiwiriwiri, hamu na magari ha shida, na wandu wa frasi, na merikebu tsifoi; nao nyi echiida kiidi kya njorukatso kui pfinya na iida kiidi.

DANIELI 11:9

Na icho nechiida na wumang'inyi wo mangi ya nuka, kyaindi nawewuya na orukenyi loke amonyi.

OTAMBAHALUO LO YOHANE 6:5

Na iliindi kidahina kilefunja mhuri fulya fo kaṟaṟu ngaicho ṟimu lya kaṟaṟu lyechihamba, “Ke-njoo.” Na ili njileambuo, ke-ambuya-wo aii frasi njiiwu. Na ichu awedamye mhongo-hu foyo awewode kihesha ipfo owokonyi loke lo kulyo kyehesha shindo shekumba.