ZEKARIA 6:1 - Bibilia Kui Mdedie fo Kimochi

¹ Ngairia meso hako, ngawona magari haana ha shida hawuka kiidi kya mafumvu hawi, mafumvu ha hawei ha aṟeṟa.

ZEKARIA 6:1 ပူးပေါင်းရင်းမြစ်များ

2WAMANGI 6:17

Elisha katerewa kahamba, “Hoi Mndumii ngakuterewa pfunguo meso hake naidime iwona.” Mndumii-Ruwa, kapfunguo meso na manake ulya kawona kifumvu kilya kiweichuo frasi na magari ha modo haweṟingichie Elisha njora tsose.

YOBU 34:29

Kokoya Ruwa atsia, nyiu echiidima imbonyia-owingo? Kaṟika kyamu kyake nyi echimbona.

SHIIMBO SHA DAWIDI 33:11

Mbonyi tsa Mndumii tsihoṟoki mlungana makusaṟo ha mrimenyi foke shishari na shishari.

SHIIMBO SHA DAWIDI 36:6

Wukiilohi wopfo cha mafumvu ha Ruwa, mwanduye fopfo cha oṟoonyi lo nduwa lung'anyi. Hoi Mndumii, nokekiṟa wandu na mando hai na moo.

MFANANO 21:30

Kuwode wuṟango ma imanya-pfo, Ma makusaṟo kya Mndumii.

YESAYA 43:13

Wokia mkonufu fo inu, nyi inyi; ma kuwode msa echiidima ikiṟa kiidi kya owoko lokopfo; inyi njechiṟunda, nyiu echiidima injiima?’”

YESAYA 66:15

Kipfa Mndumii naicha cha modo na magari hake ha shida cha otanu lo kiwiriwiri; kundu natae kiṟache kya nyashi yake ko modo fuaka na mapfundo hake kui olewo lo modo.

YEREMIA 4:13

Ambuya! Mkituwa opfo nechido huye cha mapuchi, na magari hake ha shida hechiwa cha kiwiriwiri, farasi tsake tsiichi iwikia mteṟa kota owishi. Ochia lodu! Kipfa lunyamaṟikie.

DANIELI 4:15

Indi itsuwalyo lidenyi ipfo terinyi kiidi kya maṟa mawiriwiri ha pichinyi, itsuwalyo liwewona mṟinga na ṟauṟa ya ruwehu, liwewa kamba limu na mando ha ngeṟenyi hai orukeni.

DANIELI 4:35

na wose waikunu wuyana wai watale chi kindopfo; nao nekewuta chando akundi ipfo ruwehu na kunu orukenyi, kuipfo manya umu echiidima iima owoko lokepfo, ma imbesa, ‘Nkiki uiwuta iyo?’”

DANIELI 8:22

Kya ombe lulya lulefunjika, tsikadoso ho membe tsiina, mangi tsiina tsechihoṟoka kiidi kya mkambo fo wandu walya walya, indi pfinya yawo yechianguo.

ZEKARIA 5:1

Ngawuya ngawona kitapu kirunduka nginehu.

ZEKARIA 6:5

Malaika ulya kanjihaluo, Magari ha nyi njotanu tsiina tsiukie oshanguni lo Mndumii-Ruwa.

MAWUTO HA WASU 4:28

Ili walewika wadi wakahenda iwuta kilya owoko lopfo na chila yapfo iweteseheṟye wokia kacha shiwewaṟi shiwutike.

WAEFESO 1:11

Ipfo koke mpfo kundo naso lomewonyo-ho kyadu luwesongwo isambuṟo nyio kui mteṟie fusumhanye ichu mowika shose kui chila ya mhie foke.

WAEFESO 3:11

Kisumhanye chila ya mṟamna Ruwa aleiwika iwei ya ko Kristo Yesu Mndumii odu.

1SAMWELI 2:8

Nekeiria wakiwa kuwuka kilulyinyi, nekeiria wawuṟie kuwuka mafunyi, kawadamiṟa handu hamu na wanene, na iwainenga kioṟa shidinyi sha kiṟumi. Kyamba ngo tsawuyana nyi Mndumii-Ruwa; o naleilika wuyana huya ngo tsake.