ZEKARIA 4:2 - Bibilia Kui Mdedie fo Kimochi

² Kanjiwesa, “Nkiki uwonyi?” Ngahamba, “Njiwonyi ipapang'ae lya taa lya sahabu lyose, nalyo liwode kitela huyalyo, na taa mfungade na kuwewode maṟi mfungade yeende mafuda kundu taa tso tsiidime iaka tsose;

ZEKARIA 4:2 ပူးပေါင်းရင်းမြစ်များ

1MBONYI TSA MAHERI 28:15

Kawawia na wulemeri wuda wechisungusia nawo orio kimnaṟa kya taa kya sahabu, na taa tsayo, na kya shimnaṟa sha fesa sha taa na taa tsatso, orio kindo kuṟinganyi na iṟunda lyakyo.

2MBONYI TSA MAHERI 13:11

Orio mkonu, ngamenyi na kyukanyi, wakohanyiwo wekewutia Mndumii-Ruwa shidaso shemaya modonyi, na ikoṟa ubani wuwode mpfaamo mcha, na iwika huye ya mesa ya sahabu njicha, mkate yewika osehu lo Mndumii-Ruwa, na iṟundia kimnaṟa kya sahabu na iatsa taa orio kyukanyi. So luindia mawawaso ha Mndumii-Ruwa, kyaindi nyo, muleda Ruwa.

2MBONYI TSA MAHERI 4:7

Solomoni nalesungusia shimnaṟa sha taa ikumi sha sahabu chandu kiwekiteṟie. Kashiwika kulya kiṟihenyi king'anyi kya hekalu, shiṟaṟu ora lo nuka, na shiṟaṟu ora lo mtsudu.

KOHELETI 12:6

Ilyi mandi orusu lo fesa lulamedumbuka; ang'u kitela kya sahabu ipaṟika; ang'u nungu ya mṟinga ipaṟikiya nduwenyi; ang'u oṟo yedosa mṟinga nduwenyi

YEREMIA 24:3

Kyasia Mndumii kanjiwesa. “Yeremia nkiki uwonyi.” Inyi ngamhaluo, “Njiwonyi mkuyu. Tsilya njicha nyi tsiinjicha mnu na tsilya tsiwicho nyi tsiwicho mnu manya tsechiwa ilyapfo.”

YEREMIA 52:19

Mnene chu o waringi kaweduo mboṟiko, shitela, makaṟai, nungu, shinaṟa sha taa, njoliko tsing'anyi na shitela sha mwaano ya shenyo, shihia shose shiwei sha sahabu ang'u fesa.

AMOSI 7:8

Mndumii kanjiwia, Amosi, kiki kuwonyi? Ngahamba, Njiwonyi kipiṟinyi. Nlyo Mndumii kahamba, Ambuya njechiwika kipiṟinyi na orusu kiidi kya wandu wa, njechiwada-se manyalepfo;

ZEKARIA 5:2

Malaika ulya kanjiwesa, “Nkiki uwonyi?” Inyi ngawehaluo njiwonyi kitapu kirunduka nginehu - uleshe wokyo mawoko kenda na wulandari mawoko haana na keenga.

OTAMBAHALUO LO YOHANE 1:12

Na inyi njileinduka njikewona ichu aweideda na inyi, ngaminduka njilewona mapapang'ae mfungade ha taa tsa sahabu.

OTAMBAHALUO LO YOHANE 1:20

Ke-ṟehya kyama kilya kiikoome kya nyenyeri tsilya mfungade uletsiwona tsikeri owokonyi loko lo kulyo na kya shimnaṟa shilya sha taa mfungade sha sahabu nyi le: Nyenyeri tsilya mfungade nyi wasu wa siṟi tsilya mfungade na shimnaṟa shilya mfungade nyitso siṟi tsilya mfungade tsiinjienyi.

OTAMBAHALUO LO YOHANE 4:5

Na ipfo loṟikenyi lulya kuwewukye-ho nguwa na maṟu hededa na makuṟuṟuma. Na taa mfungade tsa modo tsiweaka oshangunyi lo loṟika lulya lo wuitoṟi. Taa tso nyi mumuyo iya mfungade ya Ruwa.