ZEKARIA 3:4 - Bibilia Kui Mdedie fo Kimochi

⁴ Nao kahaluo walya wawehoṟoki oshangunyi loke, mbutenyi nguo tso tsikindie oko. Kiidima kawia Yoshua, Ambuya wunyamaṟi wopfo womewutoho, na inyi njechikuṟika mṟaaye ya wuhuru wung'anyi.

ZEKARIA 3:4 ပူးပေါင်းရင်းမြစ်များ

2SAMWELI 12:13

Nahong'u Dawidi kahaluo Nathani kambia, “Ngadekio Ruwa ko wunyamaṟi wu woko.” Kyasia, Nathani kamhaluo kambia, “Ee nyi udo, na Mndumii amekuhoṟia, na ochipfa kipfa kya wunyamaṟi wu pfo.

1WAMANGI 22:19

Mikaya kahamba, “Ichong'u idedo lya Mndumii, ndewona Mndumii adamie loṟikehu loke lo wuitoṟi na mamiingi fo ruwehu wahoṟoki ora loke lo kulyo na kumoso.

SHIIMBO SHA DAWIDI 51:9

Keowisha kyamu kyapfo kulaambuye wunyamaṟi woko, uangatse wukika woko wose.

YESAYA 43:25

Indi nyi inyi njekehooṟia wunyamaṟi, na madeko hapfo kipfa kyako njimonyi ma njechikumbuo-se wunyamaṟi wopfo-pfo.

YESAYA 44:22

Njilesanja madeko hapfo cha ipuchi linene, na wunyamaṟi wopfo cha ipuchi; wuya na koko; kipfa njilekukiṟa.

YESAYA 52:1

Kure, kure, kuṟike pfinya, Iyo Sioni! Ṟaa nguwo tsapfo njicha, Ee Yerusalemu, mṟi Mwele. Kyamba wulalu kuwode momu Fo mndu alamdine ma afanyi ngafu Echiida na ipfo mṟinyipfo.

YESAYA 61:10

Njechichihiyo mnu kiidi kya Mndumii, mrima foko fochikesa kiidi kya Ruwa oko; kipfa nanjiṟikie maṟao ha okiṟo, kanjishikia na nguwo ya wusumhanyi, chandu menyi walyi ekekusungusia kui kofia ya shiwaṟo, na mpora chando ekekusungusia na shindo sha sahabu.

YESAYA 61:3

iwia iwo waifuha kiidi kya Sioni, wainengo oṟo ya shiwaṟo walekane na ifu, wakushie mafuda handu ha ikapa kilio, maṟao ha wuitoṟi handu ha mrima fukuinadie; kundu walaho nyi mashidi ha wusumhanyi, hai madonge nyi Mndumii kundu nang'anyisho.

YEREMIA 52:33

Naho Yehoyakini naleilacha maṟao hake ha wupfungo kawa mokuliia kando kiheri kyose mesenyi ko mangi.

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

EZEKIELI 42:14

Kyamba wakohanyi wakamemaa iṟunda lyawo handu hai haele, ili mandi wakundi iwuka wahende nja, nyi kiwawaṟi wakuatuo nguo tso waweṟee ili waweṟunda ipfo oshangunyi lo Mndumii-Ruwa kyamba nguwo tso nyi tsinjiele. Nyi kiwawaṟi waṟae nguo tsingi kuwoka walamewuka nja wakoyane na wandu.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

MIKA 7:19

Nochiluhoṟia se, hoi Mndumii-Ruwa; nochiarisia kuleshe wunyamaṟi wodu, nochikumba wunyamaṟi wodu wose kiidi kya ipalipalyi.

ZEKARIA 3:1

Nahong'u Mndumii-Ruwa kanjiloṟa Yoshua, Mkohanyi ang'anyi, ahoṟoki oshangunyi lo malaika o Mndumii, na Satana Kahoṟoka kuwoko ko kulyo koke kundu nalimbane nao.

ZEKARIA 3:7

Mndumii menyi Matorito nahamba adi, Kokoya owada wuwawaso woko, kowechumia njienyi tsako nlyong'u ochianduo kya mba yako, nochiringa njosa tsako, njechikuinenga mwaanya fosembelia afui na walya wehoṟoka hafui.

ZEKARIA 3:9

Kipfa ambuya iho lyi njileliwika oshangunyi lo Yoshua, iho limu liwode meso mfungade na inyi njechitisiṟa ofano loke, Mndumii Menyi Matorito ahamba, njechiwutaho njonyamaṟo tsa oruka lulya kui mtiṟi fumu.

MATAYO 22:11

Kyasia mangi kekiida napfo nache yambuya wahenu walya, kawona-pfo mndu alaṟee nguo ya walinyi.

LUKA 1:19

Malaika kahaluo kambia, “Inyi nyi Gabrieli, njekehoṟoka sumhana na oshangu lo Ruwa, nao nyio anjiduma njiche ideda na iyo na ikushitsia mbonyi-tso tsiwode sia.

LUKA 15:22

Kyaindi ndeye kawia masinga hake, ‘Kambienyi owinyi muhende yende nguwo ya wuitoṟi iya ichihiye tsingi mumṟike, muwembika na rachi ipfo kimnyonyi kyake na shaadu ipfo madende.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

WAROMA 3:22

Ruwa neketana wandu wahoṟotsu oshangunyi loke kui wuidiki woidikya Yesu Kristo iwo wamwidikye wadi wose, kyamba kulaipfo mletsano.

WAROMA 6:23

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

1 WAKORINTO 6:11

Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAKOLOSE 3:10

Muṟae na wumndu wuhya; echiwiko kui wuhya nyi Ruwa, momuumba. Mfano fo mtsanyi oke kundu nammanye necha Ruwa.

WAEBRANIA 8:12

Kyamba njechiwa mowasaṟia madeko hawo, na manyamaṟo hawo njechihakumbuo-sepfo.”

OTAMBAHALUO LO YOHANE 5:11

Naho ngaambuo, ngaicho ṟu lya wamalaika wafoi mnu, ipfo kundo kuṟingichie loṟika lulya lo wuitoṟi na maṟimu halya na wameku walya. Na matorito hawo haweshikye shiku ikumi ka shiku ikumi na shiku kashiku.

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.