ZEKARIA 3:2 - Bibilia Kui Mdedie fo Kimochi

² Mndumii kawia Satana, Mndumii-Ruwa Nakusese, Iyo Satana, Mndumii chu alesambuṟa Yerusalemu nakusese, iki chi kimui kilewuto modonyi?

ZEKARIA 3:2 ပူးပေါင်းရင်းမြစ်များ

2MBONYI TSA MAHERI 6:5

‘Wokia mkonu fulya njilewuta wandu wako iwuka oruka lo Misri, njilemesambuṟe iwuka mṟi ma fumu fo shishari sha Waisraeli kundu kuwikoho hekalu, handu njechiindiopfo; ma njilemesambuṟe msongoru ma umu mochilia wandu wako wa Israeli pfo.

2MBONYI TSA MAHERI 6:6

Kyaindi wulalu, ngasambuṟa mṟi fo Yerusalemu fuwe nyi handu njechiindio, na ngasambuṟa Dawidi nawe mangi o wandu wako wa Israeli.’”

SHIIMBO SHA DAWIDI 109:31

Kyamba nechihoṟoka owoko lo kulyo lo ulya awuṟie, namwashuo na iwo waianduya mrima foke.

YESAYA 7:4

umbie-wai ambuya, notsie, kulaowuo ma kulapfe mrima, kipfa kya mchola ii iwi ya shimunyi shidosa mtsu; kipfa kya nyashi ya Resini na Shamu na mana o Remalia.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

AMOSI 4:11

Maata wanu ngawaarisya wanda, cha kiheri kilya Ruwa alekombetsa Sodoma na Gomora, nyo mukawa cha menya ilewuto modonyi, mulakunde ihaluka munjiwuuye, Mndumii ahamba.

ZEKARIA 1:17

Kapa se kitohyo nohambe, Mndumii Menyi Matorito nahamba adi, Mṟi yako ilyi yechionyisho yechimanyika kose kose nao Mndumii nechisaṟia se Sioni nawesambuṟa Yerusalemu lya kawi.”

ZEKARIA 2:12

Na Mndumii nechioṟa Yuda, iwe ohawi loke kiidi kya oruka luele, nechisambuṟa se Yerusalemu.

MARIKO 1:25

Yesu kamtoloma, “Tsia-ng'u, nombuke mundu-chu!”

MARIKO 9:25

Yesu kekiwona, ke kituṟu kya wandu kechikuwumbia ho, katoloma mṟufu ulya o ngafu kambia, “Aiyo mṟufu utewie mana-chu alaidima deda; ma iicho inyi ngakuwawasa. Wuka mana-chu, ma ulawuye-se na koke.”

LUKA 22:32

Kyaindi inyi ngamekuterewia, kundu iidikia lyapfo lilamande; na iyo komewanga, wanza wanawamayo.”

LUKA 4:35

Na Yesu kamtilima kahamba, “Tsia-ng'u, nombuke!” Naalyo mumuyo ulya kamhutsa wanda alya kiidi kyawo, kambuka nalambike kifaṟe.

LUKA 9:42

Kekicha na alyando ai, mṟufu ulya kawemrakuo-rakuo na imrengetesha-rengetesha. Yesu katilima mṟufu ulya o ngafu, kachiṟa mana ulya, kamnengia ndee.

YOHANE 13:18

“Chi ngadeda njido kyanu mosepfo. Inyi njiichi iwa njilewasambuṟa. Kya indi nyi kochihoya kyeinutsa ki-kiṟehye kehamba, ‘Ichu alie mkate foko nahaluka injiterengia.’

WAROMA 16:20

Na Ruwa-cho menyi ofoṟo nyi echikaa natseneheṟye Satan ipfo shiya madende hanu owinyi. Wutonga wo Mndumii odu Yesu wukae nanyo.

WAROMA 8:33

Ichu echianduya iwa wai-wasambuṟe nyi Ruwa nyi wu? Ruwa aiho awa mletsi!

1YOHANE 3:8

Mokiwuta wunyamaṟi apaṟikye ko Satana, kyamba Satana akeri monyamaṟa wokia mawokyonyi. Kiletewa Mana o Ruwa kacha wuyana nyi kundu nafunje iṟunda lya Satana.

YUDA 1:23

Walya wengi muwakiṟe mochiwatakuo modonyi na wengi muwaleshye mawoko mui na wuowu mochisuo na kanzu iya ii-njiterefutse nyi lango tsa nyama tsawo njiwicho.

YUDA 1:9

Indi o Mikaeli msu chu ang'anyi ilindi aleloyana na Satana wechikapanya-ho mnying'a fo Mose ma alekarya imkumbya satana mdumbuye echimrumapfo kya indi alehamba. Mndumii nakudedye.

OTAMBAHALUO LO YOHANE 17:14

Wo nyiwo wechira shida yewahana na Kidahina kilya. Na kidahina kyeshiwawinza, kipfa nyi Mndumii o wandumii na Mangi ya wamangi na walya wai nao wo waiwalahe wai-wasambuṟe wai wahendeli.”