ZEKARIA 3:10 - Bibilia Kui Mdedie fo Kimochi

¹⁰ Kiidi kya mkonu fulya mochilaha orio mndu na wamṟasa oke wanda ya msabibu na ikidi lya ndunda.

ZEKARIA 3:10 ပူးပေါင်းရင်းမြစ်များ

1WAMANGI 4:25

Kiheri kyose kya wuitoṟi woke, wandu wose wa Yuda na wa Israeli wawei kipuo, orio mndu kakaa kanyi koke wanda ya mashidi mecha na madema hake ha msabibu.

1WAMANGI 5:5

Wulalu njikundi iwika mba kui rina lya Mndumii-Ruwa oko, na iki nyi lohi piu kipfa na wudo Mndumii-Ruwa alewia wande kechihamba, ‘Mana opfo ichu echidamia loṟikehu lo wuitoṟi, nyio echinjiwikia mba.

YESAYA 32:18

Na wandu wako wechikaa mbenyi ya ofoṟo; na kundu kui kucha swai; na handu hesia moo hai haoloru.

YESAYA 36:16

Mulaadanyie Hezekia;’ kipfa mangi ya Ashuru nahamba adi, “Wadenyi mbuya na inyi, kurenyi muche injisahiya, mulye orio mndu ndunda tsa msabibu yake, na ndunda tsa mkuyu yake, muwenyo orio umu mṟinga fo nduwa yake amonyi;

YEREMIA 32:15

Kipfa Mndumii-Ruwa Menyi Matorito, Ruwa o Israeli, nahamba adi: ‘Mba na madema, hamu na madema ha msabibu kiidi kya oruka lu hechihuṟo se.’”

HOSEA 2:18

Njechiwika mkundana na mando ha ngeṟenyi, na malehe ha nginehu handu hamu na shose sa shekeafuo, shilakufaṟe. Njechirumatsa wuda, oshu na nzohoṟa tsose tsa shida kiidi kya oruka, na ikutana nokae na ofoṟo.

MIKA 4:4

Orio mndu nechikukaya kwi olele wanda ya mashidi ha msabibu yake, alechiowesho nyi mndu oose. Mndumii-Ruwa ahamba isho amonyi.

ZEKARIA 2:11

Wandu wa mbaṟi tsose wechiwadana na Mndumii, wechiwang'u wandu wako, na inyi njechikaa kiidi kyawo; na iyo nomanye ke Mndumii Menyi Matorito nanjidumya kopfo