ZEKARIA 2:4 - Bibilia Kui Mdedie fo Kimochi

⁴ nao kambia, wikya mteṟa nowie manake ulya ke Yerusalemu kochikao nyi wandu cha shihongo shilawode omombo kipfa kya mfoeṟa fo wandu na shuuma shekaa ipfo kiidi kyake.

ZEKARIA 2:4 ပူးပေါင်းရင်းမြစ်များ

ESTA 9:19

Ko kipfa kya ikyo Wayuda wekekaa shimṟinyi shilai kiidi kya mfiṟiha, wo wekeindia mfiri fo ikumi na kana na idikiana shindo sha nga na nyi mkonu fo meri fo Adari.

YESAYA 33:20

Ambuya Sioni, mṟi fonu fosia moo; meso hapfo hechiwona Yerusalemu fuwe mṟi fowada sia; ihema lileṟaha-ṟaha; njomambo tsalyo tsilechikuṟuyo, na shiwoho shalyo shilechidumbuka.

YESAYA 44:26

Njekewanza idedo lya mṟundi oko; ngaweshitsa chila ya wadume wako; njekewia mṟi fo Yerusalemu ke nochiwada wandu kiidi kyapfo na mṟi ya Yuda, yechiwiko na inyi njisungusie handu halya hawundukie;

YESAYA 49:20

Wana walya kulesoko wechideda madunyi hapfo wehamba, “Handu-ha hai hasise kunjishikie-pfo, njineenga handu njiidime ikaa ang'u njisehiya njikae necha.”

YESAYA 54:16

Ambuya inyi njilewumba mnganya ekeṟufuṟia modo fo makaa, katsana shisha kui iṟunda lyake; na inyi ndewewumba monyamaṟa kundu nanyamaṟe.

YEREMIA 1:6

Nalyondo njilehamba, “Hoi, Mndumii-Ruwa! Ambuya, njechiidima ideda-pfo kipfa inyi njii mana mtutu.”

YEREMIA 31:24

Naalyo wandu wa Yuda na mṟi yake yose, wademi na walisi wekeidaida na mapoo hawo, wechikaa-pfo kimu.

YEREMIA 31:27

Mndumii-Ruwa nahamba, “Ambuya kuicha kiheri njeichuṟa oruka lo Israeli na lo Yuda wandu na shiuma na orio kindo kii na moo chandu mdemi ekeola mbeu.

YEREMIA 33:22

Chando nyenyeri tsa nginehu na msanga fo mbai ya ipalyipalyi fulechiwa itala, nyi wudo njechiengeṟa itala lya wufee wo mṟundi oko Dawidi na wakohanyi wa kishari kya Lewi na wudo wechiengeṟeka.”

EZEKIELI 38:11

ochihamba njikeri ihenda ikapa oruka lulawode njomombo na wandu waipfo nyi wakeri na ofoṟo. Iwo wose nyi wakuleye mṟinyi ilawode njomombo; manya mongo manya ilawode kyepfunga.

DANIELI 1:17

Kyasia kui mbonyi tsa wanake wo waana Ruwa kawainenga wuṟango, wulaanyi; Danieli kawa menyi wuṟango wuidie womanya mawonesio na itambahaluo ndodo.

DANIELI 1:4

Wanake wa kisoṟo walawode paṟi manya ngoru, wecha piu, wawode shaamu shicha, waṟango, wenyi wulaanyi, wawode wuhidi, waloshe, wenyi sonu njicha, wechiidima ihoṟoka kiidi kya mba ya mangi; kiidima walosho mbuka tsa Wakalidayo na kishomo kyawo.

MIKA 7:11

Mkonu fukeri icha njomombo tsa mṟi fonu fuwiko wuhya. Mkonu fo mṟasa ya oruka lonu yechilandaṟo.

ZEKARIA 1:16

Kui kipfa ikyo Mndumii nahamba adi, njiwuyase iambuya Yerusalemu kui Osaṟio na mrewa fochiwiko huye ya Yerusalemu, Mndumii menyi matorito ahamba.

ZEKARIA 1:17

Kapa se kitohyo nohambe, Mndumii Menyi Matorito nahamba adi, Mṟi yako ilyi yechionyisho yechimanyika kose kose nao Mndumii nechisaṟia se Sioni nawesambuṟa Yerusalemu lya kawi.”

ZEKARIA 12:6

Mkonu fo njechihaluo wanene wa Yuda cha kyohyo kyauto modoni fo ngu, cha kimunyi kya modo fuakya mkunjenyi; nawo wehirumatsa wandu wa orio mbaṟi wawatengetie njora tsose, numa ya isho Yerusalemu ikae handu hayo - oo Yerusalemu.

ZEKARIA 14:12

Kyaindi wandu walya walecha ikapana na Yerusalemu aiha mawicho Mndumii-Ruwa echiwaendie: Mbihu yawo yechipuo wai na moo: meso hawo hawepuo hakeri ipfo matongonyi, njolimi tsawo tsiṟeheṟe makuṟu tsi ipfo madumbunyi hawo.

1TIMOTEO 4:12

Kulalekie wukoho wopfo wuhendemino, indi uwe kichano kya waidiki kui idedo, kui ohendo, kui kikundano, kui wuidiki, kui wukeha.