ZEKARIA 2:13 - Bibilia Kui Mdedie fo Kimochi

¹³ Tsienyi sau, oshangunyi lo Ruwa nyo moose, kipfa nakure awuka mmbenyi yake njele.

ZEKARIA 2:13 ပူးပေါင်းရင်းမြစ်များ

2MBONYI TSA MAHERI 30:27

Kyasia, wakohanyi na Walewi, wakaterewia wandu walya mboṟa ya Mndumii-Ruwa, nao akeri kidinyi kyake kiele ipfo ruwehu kaicho shiterewo shawo, kashiambia.

SHIIMBO SHA DAWIDI 11:4

Mndumii nyakukerie hekalunyi lyake lyele. Mndumii-chu awode kitima kyake ruwehu, meso hake hakeri iambuya; Mbawa tsake tsihesha wandu.

SHIIMBO SHA DAWIDI 46:10

Lekenyi, mumanye ke Inyi nyi Ruwa, njechiichiko kiidi kya mkambo ya wandu, njechiichiko wuyanenyi kose.

SHIIMBO SHA DAWIDI 68:5

Ndeye o wangoeada na mtarami o wakusu, Ruwa kiidi kya kanyi koke kwele.

SHIIMBO SHA DAWIDI 78:65

Lyondi Mndumii alekure cha ili awelee madonyi; cha ngohoda aikoṟoṟoma kipfa kya mvinyo;

YESAYA 14:2

Na iwo wa mkambo wechiwawada wawaende mṟasa handu hawo wawenyi. Na mba ya Israeli wechiwaitoṟia, na iwahaluo waṟundi na shisinga kiidi kya oruka lo Mndumii. Nawo wechidao wai wapfunge nyi walya walewapfunga wo, nawo nyi wechiikolonyia wandu walya walewawonyia.

YESAYA 19:16

Mkonufo Misri yechiwa cha waka; yechidedema na iowuo kipfa kya idihinyitso owoko lo Mndumii menyi Matorito, aludihinyitsa huye yake.

YESAYA 41:1

“Tsienyi sau oshangunyi loko, nyo oruka lui kiidi kya mṟinga, na wandu wa mkambo wawone pfinya njihya; wache na hafui wadede lukumbuhanane kimu kui mwaanduye.

YESAYA 51:9

Kure, kure, karishia! Ee, owoko lo Mndumii. Kure cha shiheri shilya sha mboko, kiidi kya shishari shilya sha kacha.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 57:5

nyo mukeri iatsa lango tsanu kiidi kya mashidi, na wanda ya mashidi hawode maṟa mawiri; nyo mokewaha wana mapichinyi na ngaṟahamba tsa maho?

YESAYA 63:15

Ambuya wokia ruwehu, uwone wuka handu ha wuitoṟi wopfo na wumangi wose; iṟisa-ṟisa na pfinya yapfo sheku? Msiha fo mrima fopfo,

YEREMIA 25:30

“Kyasia iyo ikimba kui kisuku madedo ha hose nowawie, ‘Mndumii nechiringona awuka huye, Nao nechiwuta ṟu lyake wuka, handu hake haele, Nechiringona mnu kiidi kya mfiṟiha foke, Nechifahia cha mndu akama msabibu, huya wandu wose wa wuyana.

HABAKUKI 2:20

Indi Mndumii nai hekalunyi lyake yele; wuyana wose wutsie sau oshangunyi loke.”

SEFANIA 1:7

Tsia sau oshangunyi lo Mndumii-Ruwa; kipfa mkonu fo Ruwa fui hafui; Mndumii nyi ateseheṟie kidaso, Nyi ailyishiye wahenu wake.

SEFANIA 2:9

Inyi Mndumii menyi matorito, Ruwa o Israeli, lohi Moabu yechiwa cha Sodoma wana wa Amoni cha Gomora, handu hawo hado nduo na marina ha monyo na ilya wukiwa maheri hose, wandu wako waletsuhaa wawawade na iwaduo wupfungo, wandu wa oshari waletsuhaa waoṟe oruka lowo na iwaitoṟia.

SEFANIA 3:8

Kyasia njiwedenyi Mndumii ahamba, mṟasa mkonu fulya njekure njiduo wandu wapfungo kipfa njikuteseheṟie isanya wandu wa mkambo, kundu njikoyanyishe mangi tsose, njiwaloshe kui nyashi yako yee, wulang'a wo nyashi yako, kipfa wuyana wose wochirumatso kui modo fo wunyenyi woko.

ZEKARIA 4:9

Mawoko ha Zerubabeli halesuma otende lo mba ii, mawoko hake naaho hechiimarisa; na iyo nyi ochimanya ke Mndumii menyi Matorito anjiduma konu.

ZEKARIA 6:15

Walya wa kuleshe wache iwika hekalu lya Mndumii; nanyo mochimanya Mndumii menyi matorito anjidumie konu ishi shechiinutsyo, kokoya motambahana iindya ṟu lya Mndumii, Ruwa onu.

WAROMA 3:19

Kya indi luichi ke isho wuwawaso wuhambye nyi woshiwia walya wai shi ya wuwawaso kundu orio dumbu lipfumbo na wuyana wose wuwone wuu-wuhutsye owingo sumuhana na Ruwa.

WAROMA 9:20

Hoo iyo ui mndu o wandu; nyi ukeri o ku koanduyana na Ruwa? Aka kindo kiwumbe kitane kyawia mokiwumba, “Nyi kiili untanye kudi?”

NGUMBUO YA MAWAWASO 18:21

Kyaindi nyo moidima ihamba, ‘Lochimanya luda idedo sa Mndumii-Ruwa alalihambie?

NGUMBUO YA MAWAWASO 18:22

Kokoya mwikimbi ahamba kindo e wai nyi kui rina lya Mndumii-Ruwa, na kindokyo kilawutike ang'u kilawe kya lohi; kindokyo ki kihambe nyi Mndumii-Ruwapfo; nyi mwikimbi akuhambia kui wutondo woke, nanyo mulaowesho nyi kindokyo.’”

NGUMBUO YA MAWAWASO 26:15

Keambuya wanda kuwuka handu hapfo haele ipfo ruwehu, nowikie wandu wapfo Waisraeli mboṟa hamu na oruka kuleluinenga chandu kuleliia wameku wadu nyamu; oruka lokeletseka maruwa na wuki.’”