ZEKARIA 14:8 - Bibilia Kui Mdedie fo Kimochi

⁸ Na mkonufo, mṟinga fo moo fochiwuka Yerusalemu; kyenga fochihenda ipalyipalyinyi lya ora lo ngamenyi na kyenga kingi ipalyipalyinyi lya ora lo kiukanyi, kiheri kya mbeo na kiheri kya mrike nyi udo kechiwa.

ZEKARIA 14:8 ပူးပေါင်းရင်းမြစ်များ

SHIIMBO SHA SOLOMONI 4:15

Iyo nyi ui soka ya mdemi foko, nduwa ya mṟinga fo moo, shimeda sha Lebanoni shidicha.

YESAYA 35:7

Mlelya fowaa cha mṟinga fochiwa nduwa ya mṟinga, na oruka luangari lochiwa soka tsa mṟinga; kanyi ko mapara kundu hekelaa, kochiwada maṟa hamu na shiwale na natsi.

YESAYA 49:10

Wechiwado nyi njaa ma nyodapfo; wechiwona ngumia ma mbaṟipfo kipfa ichu mowasaṟia nechiwateteṟa.

YESAYA 58:11

Nao Mndumii nechikusongoya mafiri hose; nechikuinenga kando handu halawode mṟinga, na iinenga mafuo hapfo pfinya, nochiwa cha dema linose, na soka ilekeumia.

YOELI 2:20

Njechidichiṟa watuuri wanu wawukie ora lo mtsudu, Njechiwadichiṟa mṟasa nuka ya msanga; na olemali walya wasonguo njechiwakumba ipalipalyinyi lya monyo; na walya wa nduma, njechiwakumba ipalyipalyinyi lya Mediteranea. Wechipuo na idaa na iwuta mṟufu mbicho, iwo wautie mawicho hang'anyi.

YOELI 3:18

“Kiheri kyo, mafumvu hechioṟa madema ha msabibu nhya, na mapo hammbe hechiwono shitonyohunyi hesotsa maruwa. Soka tsose tsa Yuda tsechisotsa mṟinga fufoi; soka yechiwuka hekalunyi lya Mndumii-Ruwa, na inosa pichi lya shitimu .

MIKA 4:2

wandu wa mkambo ifoi wechishika pfo wechihamba; “Nndenyi ludo na fumvuhu lya Mndumii-Ruwa, luhende mbenyi ya Ruwa o Yakobo, kundu naluloshe njia tsake, luweosha njayo tsake.” Kipfa uwawaso wochiwuka ipfo Sioni; idedo lya Mndumii-Ruwa ipfo Yerusalemu.

ZEKARIA 14:4

Mkonufo nechihoṟoka kulya fumvuhu lya mashidi ha msinepfu likeri ora lo ngamenyi lo Yerusalemu. Fumvu lyo lyechiletsano njohawi tsiwi na pichi ling'anyi lyechiwono wokia ora lo ngamenyi itane lo kyukanyi. Ora lumu luambuye mtsudu na lungi luambuye nuka.

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

YOHANE 4:10

Yesu kahalwo kambia, “Koye kuweichi kisumbo kya Ruwa na nyiu ichu aideda na iyo kyekuwia, ‘Njirutsa mṟinga njinyo,’ koye uwemwichi nyio uwechimterewa nao awekuenenga mṟinga fuwode moo.”

YOHANE 4:14

Indi mndu kanyo mṟinga fu njechimnenga inyi ewado nyoda ma indipfo shika mlungana. Kya indi mṟinga fu inyi njechimenega ipfo koke nyi fochiwa soka ya mṟinga fuwode moo, na fochimnenga moo fo mlungana.”

YOHANE 5:4

cha kipfa ili malaika echisokya kulya nduwenyi ku kiheri kapayapaya mṟinga fulya. Na ulya amewooka isokya ipfo mṟingenyi ili fomekupayapaya kawekuchia ndaṟe yo yake.]

YOHANE 7:38

Mndu kanjiidikya inyi kyake kyechiwa chando kiikiṟehye kehamba, ke mndu chu ipfo mrimenyi foke kochisoka-pfo meda ya mra fo mṟinga fuwode moo.”

OTAMBAHALUO LO YOHANE 22:17

Na Mumuyo na Moaliko ulya wo wahamba, “Ke-njoo-wo.” Na moicho ikyo nahambe, “Ke-njoo-wo.” Na ichu awodo nyi nyoda nakuchee, na orio molanga naambye mṟinga fo moo echifurutso fo nga.