ZEKARIA 14:5 - Bibilia Kui Mdedie fo Kimochi

⁵ Nyo nyi mochidicha muide pichinyi, kiidi kya mafumvu hawi ha Mndumii-Ruwa. Mochidicha cha waku wanu waledicha kiding'ashi kiheri kilya kya Mangi Usia o Yuda, kyasia Mndumii-Ruwa, Ruwa oko nechicha na waele wake wose piu.

ZEKARIA 14:5 ပူးပေါင်းရင်းမြစ်များ

SHIIMBO SHA DAWIDI 96:13

Oshangunyi lo Mndumii, kipfa naicha, kyamba naicha ianduya wuyana. Nechianduya oruka kui sungusihu, na mkambo ya wandu kui wuhendeli woke.

SHIIMBO SHA DAWIDI 98:9

Oshangunyi lo Mndumii; kyamba naicha naanduye oruka, nechianduya, wuyana kui sungusihu, ma mkambo ya wandu kya waria.

YESAYA 29:6

Nao nechicheyo nyi Mndumii menyi Matoṟito kui ikuṟuṟuma, na kiding'ashi, na ṟu ling'anyi, owira sa lwapfinya, olewo lo modo forumatsa.

YOELI 3:11

Kambienyi muche na iya nyo wa mkambo wose wamṟasa wadu, nchonyi mukusanyie ipfo mfonyi. Ee Mndumii-Ruwa! Kyeende wasikari wapfo kihadi nawo!’

AMOSI 1:1

Madedo ha Amosi, umu o walisi wa Tekoa; mbonyi aleloṟo na iwona kiidi kya Israeli; kiheri kya Uzia, mangi ya Yuda, kiheri kya Yeroboamu, mana o Yoasi, mangi ya Israeli, maaka iwi kidinashi kilameida.

MIKA 1:11

Hendenyi nyo wandu wa Shafiri, mui kitaṟe na iwado nyi sonu. Wenyi wa Saanani mulawuke nja ya mṟi fonu, wandu wa Beti-ezeli waifihiṟa, ndarama yawo konu injiwute ho.

ZEKARIA 4:7

Iyo nyui fumvu ling'anyi? Oshangunyi lo Zerubabeli nyi ochiwa oruka luramiri, nao nechiende iho lilya lyewika huye handu hamu na ngululu tsa osaṟio, osaṟio loke lukukae.

MAITALA 16:34

Waisraeli wengi wose wawei kufui wekiicho shieṟeṟo shawo waledicha wehamba, “Ludiche, teri ilashike ilumeṟa naso daa.”

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MATAYO 24:3

Kyasia adamye alya fumwu-hu lya mashidi ha msinepfu naho walya wa kiloshyonyi wakacha na alyando awei hai handu ha kisekenyi wakahamba, “Keluwie-wo mbonyi tso tsekaa tsishike indi? Na kiṟingishyo kyeṟingishya ili koshika iya macheenyi hapfo na masiyonyi ha wuyana nyi kiki-wo?”

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

LUKA 21:27

Kiheri-kyo, nlyondo wechiwona Mana o mndu kechicha ario nyi ipuchi, awode pfinya na kiṟumi king'anyi.

NGUMBUO YA MAWAWASO 33:2

Mndumii-Ruwa nalecha awuka fumvuhu lya Sinai, naleluchea awuka fumvuhu lya Seiri; nalewaa awuka fumvuhu lya Parani. Nalecha kiidi kya shiku sha wamalaika, na modo fuweaka owokonyi loke lo kulyo.

1WATESALONYIKYE 3:13

Kundu ngoo tsanu tsihende ikanzo tsikae nlalutsu tsii na wuele sumhana na Ruwa Wande odu, matika Mndumii odu Yesu echiwoneka handu hamu na waele wake wose.

2WATESALONYIKYE 2:8

Maindi naho Mbicho-chu echikuloṟa. Indi nao Mndumii Yesu echimrumatsa kui mrufu fo dumbu lyake na imkombetsa kombi kui ngesa ya ikuloṟa lyake.

YAKOBO 5:8

Nanyo kekukarishyenyi-ng'u mudo mochidamiṟa madima hanu, kyamba nyi kufui Mndumii echikuloṟa.

OTAMBAHALUO LO YOHANE 11:13

Saa na iya kukakuidya-ho kiding'ashi ling'anyi. Na mṟi fulya fukawunduka kyenga kya ikumi. Na walya walewoho nyi idihinashi lilya wandu shiku mfungade. Na walya walekia-ho wakaowuo mnu wakawikya Ruwa o ipfo ruwehu mng'ano.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.

OTAMBAHALUO LO YOHANE 20:4

Na ngawewona loṟika tsa wuitoṟi na wandu wadamie hoi wakainengo momu fodumbuo mondu. Ngawewonase na mrima ya walya waledumbuo mdo kimaduma kya kiṟingishyo kyeṟingishia Yesu na kimaduma kya idedo lya Ruwa na ya walya walaleindia indo lilya manya mfano folyo ma walaweambye ofano lulya lolyo ipfo oshangunyi lowo ma ipfo owoko-hu. Wo wakawada moo wakawa wakachilia hamu na Kristo maka kiku kimu. (