ZEKARIA 14:4 - Bibilia Kui Mdedie fo Kimochi

⁴ Mkonufo nechihoṟoka kulya fumvuhu lya mashidi ha msinepfu likeri ora lo ngamenyi lo Yerusalemu. Fumvu lyo lyechiletsano njohawi tsiwi na pichi ling'anyi lyechiwono wokia ora lo ngamenyi itane lo kyukanyi. Ora lumu luambuye mtsudu na lungi luambuye nuka.

ZEKARIA 14:4 ပူးပေါင်းရင်းမြစ်များ

2SAMWELI 15:30

Kyasia, Dawidi kado fumvu lya msinefu, kechichumia ko madende alaṟee shadu, kafihiṟa ashikie mdo foke. Wandu walya wose wawerianyi na Dawidi nawo wakado nao wechifihiṟa, na mdo yawo injishikie.

EZEKIELI 11:23

Ngeela iya ya Mndumii-Ruwa ikasama kiidi kya mṟi fulya ikahenda huye ya fumvuhu liwekeri ora lo ngamenyi lo mṟi fulya.

EZEKIELI 38:20

Kyamba makunga hai ipalyipalyinyi na shilehesho shirunduka, mando ha ngeṟenyi, na mando ha hekekukuruo wanda handu hamu na wandu wose wa wuyana, nyi wechidedema ili mandi wechinjiwona. Kyamba mafumvu, shitoṟomotso na njomombo tsa mba nyi shechioloka wanda.

EZEKIELI 43:2

Nalyo mng'ano fo Ruwa o Waisraeli fukawoneka fuwuka ora lo ngamenyi. Hamu nafo kukaweichiopfo kiding'ashi king'anyi cha kya mfu fo mṟinga fufoi, nalo oruka lukaaka aka ko mng'ano foke.

HABAKUKI 3:6

Kahoṟoka, kadihinyitsa wuyana; Kaambuya, kaowesha wandu wa mkambo, Na mafumvu ha kacha hakarahanyika; Shitoṟomoso sha kacha shikahongoma; mhendie yake ikawa cha ya mboho.

ZEKARIA 14:10

Oruka loose lochifanana na Araba, wuka Geba mṟasa Rimonyi ora lo nuka lo Yerusalemu; nao nyi, wokia kichumi kya Benyamenyi mṟasa kichumi kya kuwoka, mṟasa kichumi kya mbai; na wuka mnaṟa fo Hananeli itane okoya onanda lo Mangi.

ZEKARIA 14:7

indi kechiwa mkonu fumu, fumanyike ko Mndumii, chi mfiri ma chi kiopfo, kyaindi kiheri kya kyukanyi kuwade ngeela.

ZEKARIA 14:8

Na mkonufo, mṟinga fo moo fochiwuka Yerusalemu; kyenga fochihenda ipalyipalyinyi lya ora lo ngamenyi na kyenga kingi ipalyipalyinyi lya ora lo kiukanyi, kiheri kya mbeo na kiheri kya mrike nyi udo kechiwa.

ZEKARIA 4:7

Iyo nyui fumvu ling'anyi? Oshangunyi lo Zerubabeli nyi ochiwa oruka luramiri, nao nechiende iho lilya lyewika huye handu hamu na ngululu tsa osaṟio, osaṟio loke lukukae.

MARIKO 11:23

Nyi kya lohi ngambia, ke mndu kawia ifumvu li, kyekuṟuka, ukukumbe kulya ipalyipalyinyi, alawado nyi mkeukeu ipfo ngoonyi yake, kyaindi kaidikya kilya ahamba na kyewutika, na echiwona kyechiwa.