ZEKARIA 14:3 - Bibilia Kui Mdedie fo Kimochi

³ Numa Mndumii-Ruwa nechicha nakape shida wandu wo chando elewuta mkonu ya shida.

ZEKARIA 14:3 ပူးပေါင်းရင်းမြစ်များ

2MBONYI TSA MAHERI 20:15

Yahazieli kahamba, “Adanyienyi nyo wandu wa Yuda na wandu wekekaa Yerusalemu na mangi Yehoshafati, Mndumii-Ruwa nawawia kudi: ‘Mulaowuo ma mulakangaṟike na uwuṟa ofoṟo kipfa kya ichekeṟo lii ling'anyi. Shida chi shanu pfo, kyaindi shida nyi sha Ruwa.

NEHEMIA 4:14

Kyasia kiheri njilewona ke wandu nyi walewado nyi wuowu naalyo ngawia wanene wo wa wandu namashehe na wandu wengi wose, “Manya mlaowuo manya kitutu. Kumbuonyi ke Mndumii nyi ang'anyi nao nyi aoweshie, koikyo kapanenyi kipfa kya wana wa maeanu, na wana wanu wa kika, waka wanu na mba tsanu.”

YESAYA 29:7

Na mfoeṟa fo wandu wa mkambo wekapana na Arieli, wose wekapana nao na omombo loke, na walya wemsuiṟa, wechiwa cha ndodo, na mawonesio ha kio.

YOELI 3:2

Njechisanyia wa mkambo wose, na iwasotsia pichinyi lya Yehoshafati. Ipfo njechianduya wandu wo wa mkambo, ko shilya walewutia wandu wako Israeli, wai masaa hako njimonyi. Cha kipfa walewaṟaṟanja kiidi kya wamkambo, na ihawa oruka loko,

SEFANIA 3:19

Ambuya mandi ho njechiwuwuya walya waikulisa wukiwa; njechichiṟa ulya ai ireteka, inyi njechisanyia ulya amfune; inyi njechiwahaluo wawe kiṟumi na rina, iwo wawei wapiṟe wuyanenyi kose.

ZEKARIA 12:9

Nakyo kechiwa mkonu fo njechishiha irumatsa wandu wa mkambo wose wakunda icha ikapana na Israeli.

YOSHUA 10:10

Nao Mndumii-Ruwa kawainenga wuowu wung'anyi oshangunyi lo Waisraeli iwo walewaha wandu wafoi kulya Gibeoni na iwadichiṟa njia tsa msaṟinyi tsa Bethi-haroni mṟasa Azeka na Makeda alya handu walewaha wandu sa wafoi mnu.

YOSHUA 10:14

Kyamba mfiri cha ifo fulemewono mantapfo, manya ilemewonose pfo, mkonu Mndumii-Ruwa aleidikia mndu o wandu kudopfo, kyamba nyi Mndumii-Ruwa alekapanyia Waisraeli.

YOSHUA 10:42

Kyasia nyi aleidima iwada oruka lu lose kyamba Mndumii-Ruwa, Ruwa o Israeli nyi alekapanyia Waisraeli.