ZEKARIA 14:2 - Bibilia Kui Mdedie fo Kimochi

² Mndumii-Ruwa nyi echisanyia wandu wa masanga kundu wakape mṟi fu fo Yerusalemu. Mṟi fu fochidao wapfungo, mba tsanu tsiwewado, waka wanu wateṟefutso. Kyeenga kya wandu wa mṟi wasamiṟo, indi kenga kingi kechipayopfo ma idao nja ya mṟi pfo.

ZEKARIA 14:2 ပူးပေါင်းရင်းမြစ်များ

YESAYA 13:16

Wana watutu wechipoṟipotso mesonyi hawo, mba tsawo tsewado wupfungo, na waka wawo wawutio kinyala.

YESAYA 4:3

Nakyo kechiwa ke ulya echitsuhaa kiidi kya Sioni na ulya aledeo kiidi kya Yerusalemu, nechilaho ai Mwele; ke orio umu amṟehiye kiidi kya iwo wai na moo kiidi kya Yerusalemu;

YESAYA 5:26

Nao nechidosa bendeṟa kipfa kya mkambo wokia aleshe Nao nechikapa mṟoṟi wokia mtsitsioni fo oruka, Ambuya wechicha owinyi owinyi wechidicha.

YESAYA 65:18

Indi chihiyonyi mbekeseka kitsitsi, kipfa kya ishi njiwumba; kipfa, ambuya, njiwumba Yerusalemu iwe yenyi kiichiko, na wandu wayo wawe sia.

YEREMIA 21:4

Idedo li-Mndumii-Ruwa o Israeli nahamba adi, ‘Ambuya njechiindutsia mrima shisha sha shida shi mawokonyi hanu isho mui kapana na mangi o Babeli na Wakaldayo iwo waimtengetia nja ya njomombo.

YEREMIA 34:1

Idedo lya Mndumii-Ruwa lilechea Yeremia kiheri kya Nebukadneza, mangi o Babeli, hamu na wandu wose wa mbahanyi na waitoṟi wose wawei wuyana wawei wanda yake kake na wandu wose wawekeri isaṟikia mṟi fo Yerusalemu na mṟi ingi yose ya mṟasenyi:

SHILIO 1:10

Ambuya wakituwa wake nyi walehoṟuo mawoko hawo, kundu waduo shindo shake shose sha wuhuru. Ee, nyi ulewona wandu wa mkambo wechiida na hekalunyi, wandu sa Mndumii-Ruwa alawewainengie momu, fokaa kiidi kya wandu wake.

EZEKIELI 5:8

Nyi wudi Mndumii-Ruwa ahamba: Nyashi yake nyi ikeri huye yapfo, nao nechikutaa kya mawicho hapfo oshangunyi lo wandu.

YOELI 3:2

Njechisanyia wa mkambo wose, na iwasotsia pichinyi lya Yehoshafati. Ipfo njechianduya wandu wo wa mkambo, ko shilya walewutia wandu wako Israeli, wai masaa hako njimonyi. Cha kipfa walewaṟaṟanja kiidi kya wamkambo, na ihawa oruka loko,

YOELI 3:9

“Onguonyi mbonyi tsi ko wandu wose wa mkambo: Kuṟeheṟenyi ko shida, lahenyi ngohoda tsanu tsose, sanyienyi olemali wanu wose, wahende kusonguo kokapana.

AMOSI 7:17

Ko ikyo Mndumii nyi ahamba adi, Mka opfo nyechiwa mmeluki na mṟuhui mṟinyi, wana wapfo wa kika na wa kiumi wechiwooho nyi oshu, na dema lyapfo lyechihawo kui shiwoho-kyahu kui kyahu; na iyo kumonyi nyi ochipfa orukenyi lo ngafu; na kya lohi Israeli nyechidao kuleshe ai mpfungo awuka orukenyi loke.”

ZEKARIA 12:2

Ambuya njechihaluo Yerusalemu iwe kirahu kekupayapaya kiidi kya wandu wa mbaṟi tsose, nakyo kekaa ipfo Yuda mkonu fo kiwi fo Yerusalemu.

ZEKARIA 12:3

Mkonu fo njechihaluo Yerusalemu mṟi mnene fuwe iho lilemeri na orio mndu mokudika limtane shifaṟe, wandu wa mbaṟi tsose wechikuumbia handu hamu.

ZEKARIA 12:9

Nakyo kechiwa mkonu fo njechishiha irumatsa wandu wa mkambo wose wakunda icha ikapana na Israeli.

MATAYO 22:7

Kyasia mangi karihinyika nyashi. Kaduma siṟi tsake tsa shidenyi. Kaarisya wawahi walya wanda. Na mṟi fulya fowo kakoṟa na modo.

MARIKO 13:14

“Mochiwona ‘Kiwi kya Orumatso’ kii alyando kilakundikie iwono.” (Ichu Mosoma namanye mdambuye!) “Nalyo iwo wai kunu Yudaya wahende dichya kulya mafumvuhu.

MARIKO 13:19

Nyi kipfa mfiri yo kochikaapfo wukiwa wung'anyi sa wulalemewoneke kiwokia mawokenyi ha shindo sho shi shiwumbe nyi Ruwa shika mandi ha wulalu. Ma ili numa wochikiwoneka-se wudopfo.

LUKA 2:1

Mandi halya kukawuka iwawaso kulya ko Kaisari Augusto, ke masanga hose hahende iṟehio paruonyi kya okamba.