ZEKARIA 14:16 - Bibilia Kui Mdedie fo Kimochi

¹⁶ Walya maata wechikia kiidi kya walya wecha ikapa Yerusalemu, wechiwa mocha na Yerusalemu maka kui maka icha iadapfuma Mndumii-Ruwa Menyi Matorito na iindia mkonu fo mfuho fo matengo.

ZEKARIA 14:16 ပူးပေါင်းရင်းမြစ်များ

2MBONYI TSA MAHERI 8:13

Nalewuta shidaso sho chandu Mose alewawasa shiwuto mkonu fo Sabato, na ko orio mkonu fo kuwoka fo orio meri, na mkonu iya iṟaṟu ya mfuho ya maka-mkonu ya mfuho ya mkate ilanjitaṟang'ashe, na mkonu ya mfuho ya shilimu, na mkonu ya mfuho ya matengo.

EZRA 3:4

Wakawoka iindia mfiri iya mnene ya matengo chando waweichiwie, na ikoṟa shidaso shawo sha orio mkonu chando waweichiwie.

SHIIMBO SHA DAWIDI 66:4

Wuyana wose wochikuindiya na ikuimbiya, ee, wochiimbiya rina lyapfo.”

YESAYA 18:7

Mandiho Mndumii menyi Matoṟito nyi echiendio shiano ni wandu waleshe wakushie mafuda; Wandu waoweshie wokia kacha mṟasa wulalu, Oshari lo wandu waapfinya, wekechuma wandu, Oruka lowo luluhawe na meda ifoi; Iwo wose wechida shiano shawo handu kui Rina lya Mndumii menyi Matoṟito nyi ho fumvunyi lya Sioni.

YESAYA 19:21

Na Mndumii nechimanyika ko Misri na Wamisri wechimanya Mndumii kiidi kya mkonu fo; ee da, wechimṟundia kui shidaso na mwano, nawo wechiwikia Mndumii shiasa na ishiinutsia.

YESAYA 27:13

Nakyo kechiwa kiidi kya mkonufo, taṟumbeta iya ing'anyi yechikapo, na iwo wawei kufui na iarisika kiidi kya oruka lo Ashuru wechicha; na iwo wawei wawihitse kiidi kya oruka lo Misri; wo nyi weechiindiya Mndumii kiidi kya fumvu liele ipfo Yerusalemu.

YESAYA 6:5

Nalyo ngahamba, ochia loko kipfa njidekie; kipfa njiwode dumbu liichuo wunyamaṟi, na njikeri kiidi kya wandu wafanyi wunyamaṟi madumbunyi hawo; na meso hako hamewona Mangi, Mndumii menyi Matorito.

YESAYA 66:23

Na kechiwa, meri mhya mṟasa meri mhya, na sabato mṟasa sabato, wandu wose wechicha injiwikia wuindi, Mndumii ahamba.

YEREMIA 46:18

Inyi ngalya nyamu ko moo foko, njihamba inyi nyi mangi njekelaho Mndumii-Ruwa Menyi Matorito, na lohi mkituwa naicha imusaṟikia. Nyi kya lohi chandu Tabori fui fumvu, chandu Karmeli fumvu lekewono kuwuka ipalyipalyinyi.

YEREMIA 48:15

Ulya morumatsa Moabu na mṟi yake, ameafukia wanake wake wecha wasia iwoho. Ngahamba inyi njekelaho nyi Mndumii-Ruwa Menyi Matorito.

YEREMIA 51:57

Njechinanza wanene na walaanyi wawo, waitoṟi wawo, wachili na waskari wake; wechilaa mado ha mlungana walechikuṟe se. Ngadeda inyi mangi na rina lyako nyi Mndumii-Ruwa Menyi Matorito.

HOSEA 12:9

Mndumii-Ruwa nyi ahamba adi; “Inyi nyi Mndumii-Ruwa, njii Ruwa opfo; nyi inyi njilekuwuta kuwuka Misri! Inyi njikeri ihenda ikudamiṟase kiidi kya mahema cha mfiri ya kuwoka, chandu ukeri iwuta wulalu ko mfiri njiangu tupu, kiheri kya mfiri mnene ya shitengo.

YOELI 2:32

Kiheri kyo wandu walya wose wechiterewa, ko rina lya Ruwa Menyi Matorito, wechikiṟo. Chandu Mndumii-Ruwa awehambie, Kiidi kya fumvu lya Sioni na Yerusalemu, kuwode wandu sa wechikia; chandu njilehamba inyi Mndumii-Ruwa. Walya njilewasambuṟa wechikia.”

MIKA 4:2

wandu wa mkambo ifoi wechishika pfo wechihamba; “Nndenyi ludo na fumvuhu lya Mndumii-Ruwa, luhende mbenyi ya Ruwa o Yakobo, kundu naluloshe njia tsake, luweosha njayo tsake.” Kipfa uwawaso wochiwuka ipfo Sioni; idedo lya Mndumii-Ruwa ipfo Yerusalemu.

ZEKARIA 14:9

Mndumii nyio echiwa Mangi huya shose; mkonufo Mndumii nechiwa umu na rina lyake limu.

ZEKARIA 9:7

Inyi njechiwutaho samu ipfo dumbunyi lyake, na mawicho hake ipfo mahehohu hake; o nechiwa walya watsuihee wawe wa Ruwa odu; nao nyi echiwa cha mndu ang'anyi ipfo Yuda na Ekironyi cha Myebusi.

MALAKI 1:14

Indi naseso mndu molemba msa awode iponyi lyake keana Ruwa na nawewikie kyaasa kyake indi kaendie Ruwa kindo kiireteka, inyi nyi mangi ang'anyi aoweshie kiidi kya wandu wa masanga.”

LUKA 19:38

Wakahamba, “Naleheke ichu mocha iwa mangi kui rina lya Mndumii; ruwehu nyi ofoṟo, na kiṟumi kikae huye ruwehu!”

YOHANE 1:49

Natanaeli kamhaluo, “Hoi Rabi, iyo nyi ukeri Mana o Ruwa, Iyo nyi Mangi ya Israeli.”

YOHANE 7:2

Na Mkonu mnene fo Wayuda fomanya Matengo iwei kufui.

MAWUTO HA WASU 15:17

Kundu mtsuhaṟo fo wandu futsuheye wahende iwado macha hepfula Mndumii hamu na mkambo yose ya wandu wai waendye rina lyako lyewakaya. Nyio Mndumii ahambye ado kechikiwuta.

WAROMA 11:16

Komkoya kipeṟengu kya mkate kii kiele, na mkate fo fose mso fo mruwe fui mwele na komkoya mri fo ikidi fumcha na maṟamba ho naho hamecha.

WAROMA 11:26

Kikamewa kido na Israeli yose yechihenda ikiṟo, chando kuu-kuṟehye, “Nyi kulya Sioni kochiwuka-ho mkiṟa. Nyio sa echiletsa Yakobo wulemeshi wulya.

WAROMA 11:5

Nyi wudo kuwei na wulalu, kutsuhe mtsuhaṟo sa Ruwa afusambuṟie njia ya wutonga.

OTAMBAHALUO LO YOHANE 11:13

Saa na iya kukakuidya-ho kiding'ashi ling'anyi. Na mṟi fulya fukawunduka kyenga kya ikumi. Na walya walewoho nyi idihinashi lilya wandu shiku mfungade. Na walya walekia-ho wakaowuo mnu wakawikya Ruwa o ipfo ruwehu mng'ano.

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”