ZEKARIA 14:11 - Bibilia Kui Mdedie fo Kimochi

¹¹ Wandu wose wechiidima ikukayapfo, ma kochiwadase osesopfo na Yerusalemu kochikaapfo olele wio.

ZEKARIA 14:11 ပူးပေါင်းရင်းမြစ်များ

YESAYA 26:1

Mkonu fulya kiimbo ki kechiimbo kiidi kya oruka lo Yuda; So luwode mṟi fui na pfinya; Nechihaluo okiṟo luwe mhamba fo oṟiho.

YESAYA 60:18

Wulang'a na mtambo shechiwonose orukeni lopfo-pfo, Inyamaṟika na fowa shechisia kopfo. Indi nochilaha mawanda hapfo, “Okiṟo,” Na mongo yapfo, “Kiṟumi.”

YESAYA 66:22

Chandu ruwehu njihya na oruka luhya, njechitsiwika, na chandu tsekaa oshangunyi loko, Mndumii ahamba, nyi wudo oshari lonu na rina lyanu lechiwa.

YEREMIA 31:40

Pichi lyose lileṟiko wapfu na ikumbo-pfo ifu, madema hose, mṟasa kimeda kya Kidroni, mṟasa ora lo kichumi kya frasi woambuya ora lo ngamenyi, lochiwa luele lo Mndumii-Ruwa. Kuwode kindo kechinyamaṟo pfo pfo ma iwunduyo se mlungana pfo.”

YEREMIA 32:37

Njechisanyia wandu wawuke kiidi kya njoruka tsose ipfo kundu walerahanyika kipfa kya nyashi yako na isuo, njiwawihiṟe se handu ha wakae kipuo.

EZEKIELI 37:26

Kyamba njihenda iwika mkundana fo ofoṟo nawo na mkundana fu nyi fochiwa fo mlungana. Kyamba nyi njihenda iwawikia ona na njiwewafoeṟa na mba yako nyi njechiiwika ikae kiidi kyawo mlungana.

YOELI 3:17

“Kyasia, iyo Israeli, nyo mochimanya ke inyi nyi Mndumii-Ruwa onu, njikekaa kulya Sioni, ifumvu lyako liele. Yerusalemu yechiwa mṟi foko mwele; ma wandu wa mkambo wechiidima ifukapa na ifuwingapfo.

YOELI 3:20

Kyaindi Yuda yechioṟa mlungana, na Yerusalemu yechikaa marika hose.

AMOSI 9:15

Na inyi njechiwawikya ona na kuwode kewapaaya sepfo, wechikaa oruka lulya lowo ndewainenga nyi Inyi Mndumii-Ruwa opfo ngahamba.

ZEKARIA 12:6

Mkonu fo njechihaluo wanene wa Yuda cha kyohyo kyauto modoni fo ngu, cha kimunyi kya modo fuakya mkunjenyi; nawo wehirumatsa wandu wa orio mbaṟi wawatengetie njora tsose, numa ya isho Yerusalemu ikae handu hayo - oo Yerusalemu.

ZEKARIA 2:4

nao kambia, wikya mteṟa nowie manake ulya ke Yerusalemu kochikao nyi wandu cha shihongo shilawode omombo kipfa kya mfoeṟa fo wandu na shuuma shekaa ipfo kiidi kyake.

ZEKARIA 8:13

Numa kechiwa, chando muwekeri oseso kiidi kya wandu wa mkambo, Iyo mba ya Yuda na mba ya Israeli, nyi wudo njechikiṟa, nanyo mochiwa mboṟa; mulaowuo, tumhaṟenyi mawoko hanu.”

ZEKARIA 8:4

Mndumii menyi Matorito nahamba, Wameeku na wakeku wechikaa ipfo njienyi tsa Yerusalemu orio umu owo awode ndichi kipfa nyi ai mku mnu.

ZEKARIA 8:8

na inyi nyi njechiwaende, njiwadamiṟe Yerusalemu; wo wechiwa wandu wako na inyi njechiwa Ruwa owo kiidi kya wulohi na wusumhanyi.”

MAITALA 21:3

Mndumii-Ruwa kaadanyia kiterewo kyawo, kawainenga wuwinzi wakawinga Wakanaani. Waisraeli wakawarumatsa Wakaanani nakamu handu hamu na mṟi yawo. Ko ikyo handuho kukodumbuyo rina nyi Horma.

NGUMBUO YA MAWAWASO 33:28

Ko ikyo, wandu wa Waisraeli wakaka kipuo, luwa lya Yakobo kyaanya kyawo, orukenyi luichuo mso na mvinyo, oruka sa maloalo halo heketontsa mlewi.

OTAMBAHALUO LO YOHANE 21:4

Nao echiangatsa mchenyeṟe yawo yose ipfo mesonyi hawo, na opfu lochikikaa-ho-sepfo, manya mbadiko manya kifuhyo manya mawawyo, kyamba shilya sha mbika ya kuwoka shilemsia.”

OTAMBAHALUO LO YOHANE 22:3

Na handu ho kuwode-se mbakapfo ma kindo kisese kyechiida kihopfo. Na loṟika lo wuitoṟi lui lo Ruwa na Kidahina kilya lochikaa iipfo, kiidi kya mṟi na wasoṟo wake wechimpfuṟukanya.