ZEKARIA 13:9 - Bibilia Kui Mdedie fo Kimochi

⁹ Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

ZEKARIA 13:9 ပူးပေါင်းရင်းမြစ်များ

2SAMWELI 7:24

Iyo Mndumii nulesambuṟa Israeli wawe wandu wapfo mlungana na iyo kowa Ruwa odu.

YOBU 23:10

Kyaindi naichi njia njikeri ihenda nayo; kamemaa injihesha, njechiwuka pfo cha sahapu.

YOBU 28:1

“Na lohi kuwode marina hekesumo fesa, na handu wandu wekesanyiaho sahabu.

SHIIMBO SHA DAWIDI 144:15

Nanga wandu wawode mwichiwefo, nanga wandu wawode Mndumii cha Ruwa owo.

SHIIMBO SHA DAWIDI 43:4

Ko ikyo njechihenda rasiyonyi ko Ruwa, Ruwa-chu ai sia yako na msiha foko; Njechikuṟumisha na kinanda, Hoi Ruwa, Ruwa oko.

SHIIMBO SHA DAWIDI 50:15

Unjilahe mkonu ya kiwi; Njechikukiṟa na iyo nochinjiṟumisha.

SHIIMBO SHA DAWIDI 91:15

Nechinjilaha na inyi njechimwidikia, njechikaa handu hamu nao maukiwenyi, njechimkiṟa na imng'anyisha.

MFANANO 17:3

Modo ko fesa na okaa ko sahapu; Indi Mndumii nekehesha ngoo tsa wandu.

SHIIMBO SHA SOLOMONI 2:16

Mkunde oko nyi oko inyi, na inyi nyi oke; nekelisa po lyake handu maṟa malehetsi hai.

YESAYA 43:2

Koida kiidi kya mfu fo mṟinga njii nanyo; koida kiidi kya meda ifoi yechikuoweshapfo; kiidi kya modo, ochisenekia pfo manya olewo lo modo lochikukoṟapfo.

YESAYA 48:10

Ambuya ngakusanja, kyaindi chi cha fesa pfo; ngakusambuṟa kiidi kya ngumia ya matuuro.

YESAYA 58:9

Nochilaha, na Mndumii nechikuidikia; nofihiṟa nao nakuhaluo, ‘Nyi iya njii.’ Kokoya ochiwuta mhanda fulakae kiidi kyapfo, manya ilesha kimnyo, ma ideda mawicho;

YEREMIA 24:5

“Inyi nyi Mndumii-Ruwa o Israeli ngahamba njidi, chandu ndunda tsi tsa mkuyu tsii njicha, nyi wudonjechiwona wandu wa Yuda ke wai wecha, iwo njilewawuta handu ha na iwaduo osamiṟonyi orukenyi lo Wakalidayo.

YEREMIA 30:22

Nyo nyi mochiwa wandu wako, na inyi njechiwa Ruwa onu.”

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

YEREMIA 32:38

Wo wechiwa wandu wako na inyi njechiwa Ruwa owo.

YEREMIA 9:6

Wakawumbia mbaka huya mbaka, na wongo huya wongo. Walakunde injimanya inyi. ‘Nyi inyi Mndumii-Ruwa ngahamba.’”

EZEKIELI 11:20

Wahende ichumia njiehu tsako na iosha mawawaso hako. Nahong'u wahende iwa wandu wako na inyi njiwewa Ruwa owo.

EZEKIELI 14:11

Njihenda iwuta kindo kundu mba i ya Israeli ilakikaese haleshe na inyi, ang'u walakufanyitsese kiidi kya njonyamaṟo tsawo, indi wahende ikuwia wandu wako na inyi njiwekuwia ng'u Ruwa owo, nyi wudo Mndumii-Ruwa ahamba.”

EZEKIELI 20:38

Kyamba njihenda iwuta ipfo kiidi kyanu walya wawode orikiki na walya wose walenjidekio, njechiwawuta wose ipfo njorukenyi njihenu kundu waledao masinga, kyaindi wechiidima iida na ipfo orukenyi lo Israeli pfo lo kyasapfo na ikyo kihende imumanyisha ke inyi nyi Mndumii.

EZEKIELI 36:28

Kii kidi nyi mochihenda ikaa orukenyi lu njiweinengie waku wanu. Nanyong'u mochiwa wandu wako, na inyi njiwe Ruwa onu.

EZEKIELI 37:27

Ambuya nyi njechikaa kiidi kyawo, njiwewa Ruwa owo nawo wawe wandu wako.

DANIELI 11:35

Na kiidi kya walya walaanyi wechioloka, kundu wakuilishe, wailisho na isanjo na iila peṟu, mṟasa ifurumia; kipfa nyi kikiteṟie nakyo kyameshikepfo.

DANIELI 12:10

Wafoi wechikuilisha, na ikulaluo wailyi, na ikusanja; indi wawicho wechiwuta mawicho; kuwode mbicho ma umu echimanyapfo; indi iwo walaanyi nyiwo wechimanya.

YOELI 2:32

Kiheri kyo wandu walya wose wechiterewa, ko rina lya Ruwa Menyi Matorito, wechikiṟo. Chandu Mndumii-Ruwa awehambie, Kiidi kya fumvu lya Sioni na Yerusalemu, kuwode wandu sa wechikia; chandu njilehamba inyi Mndumii-Ruwa. Walya njilewasambuṟa wechikia.”

WALEWI 26:12

Njechichumia kiidi kyanu na iwa Ruwa onu nanyo mochiwa wandu wako.

ZEKARIA 10:6

Inyi njechikarisha mba ya Yuda, njechikiṟa mba ya Yosefu, inyi njechiwawihiṟa kipfa ngawaichio makulili; wechiwa ke njiwakumbie pfo kipfa inyi nyi Mndumii-Ruwa owo njechiwaicho.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

ZEKARIA 8:8

na inyi nyi njechiwaende, njiwadamiṟe Yerusalemu; wo wechiwa wandu wako na inyi njechiwa Ruwa owo kiidi kya wulohi na wusumhanyi.”

MAWUTO HA WASU 2:21

Nakyo kiwe ke orio molaha rina lya Mndumii nyio echikiṟo.

WAEBRANIA 8:10

Na owiko, Mndumii ahambie, ilu njechiwikya mba ii ya Israeli ili indi mkonu iya yamesia lukeriludi; ke njechihomoya njowawaso tsako ipfo mhienyi yawo njechitsiṟehya ipfo ngoonyi tsawo. Na inyi njechiwawiia Ruwa nawo wechinjiwia mkambo.

YAKOBO 1:12

Nanga mndu msoṟo aikuhoda kiheshyonyi, kipfa ili ambangohoda echiambya oṟo iya nchope, nyiyo moo fu Ruwa alemteṟya walya wamkundi.

1PETRO 4:12

Nyo mui wakunde, ma mulaṟihisho nyi wuhyu wulya woaka konu wochimhesha cha ili wombiia wuhenu.

OTAMBAHALUO LO YOHANE 21:7

Mndu ose echiwinza echikudaya kyoṟa kyake, nao inyi njechiwa Ruwa oke nao echiwa manoko.

OTAMBAHALUO LO YOHANE 8:10

Na msu ulya mwele o kaṟaṟu kakapa ombe loke. Na nyenyeri inganyi ikaoloka iwuka ruwehu ikaaka cha ipapong'u. Nayo ikahoya meda yose kyenga kyayo kya kaṟaṟu ikawehoya soka tsa mṟinga. (

OTAMBAHALUO LO YOHANE 8:11

Na rina lya nyenyeri ii nyi “mawawio.”) Na mṟinga fo meda yose kyenga kyayo kya kaṟaṟu fukasakia. Na wandu wafoi wakapfa kipfa wakatewo nyi mṟinga fulya fuwesakia.

OTAMBAHALUO LO YOHANE 8:12

Na msu ulya mwele o kaana kakapa ombe loke. Kukakapo-ho mnengeṟi kyenga kyafo kya kaṟaṟu, meri na nyenyeri kyenga kyatso kya kaṟaṟu, kundu kyenga kyasho kilya kya kaṟaṟu kikaei kiruwye nruwe ya meema, na mkonu fo mfiri fulawae kyenga kilya kyafo kya kaṟaṟu na fo kio na wudo.

OTAMBAHALUO LO YOHANE 8:7

Na ichu o kuwoka kakapa ombe. Kukawa mvuo ya manzaho hang'anyi na modo iwei-nlongyelongye samu ikaolyo wanda ii. Na wanda i yose kyenga kyayo kya kaṟaṟu kikahya na mashidi na maṟa mawishi hakawehya hose.

OTAMBAHALUO LO YOHANE 8:8

Na msu ulya mwele o kawi kakapa ombe loke. Mawowo cha fumvu ling'anyi liaakye modo lyikakumbo ipfo ipalyipalyinyi. Na mṟinga fose kyenga kyafo kya kaṟaṟu kikawa samu.

OTAMBAHALUO LO YOHANE 8:9

Na shiwumbe shose shikeri mṟingenyi shii na moo kyenga kyasho kishitsye kya kaṟaṟu shikapfa na mangalawa hose kyenga kyaho kya kaṟaṟu kikashika irumatso.