ZEKARIA 13:2 - Bibilia Kui Mdedie fo Kimochi

² Mkonu naafo marina ha sanamu hechidetso, nyi wudo Mndumii menyi Matorito ahamba, kuwode echiidima ihakumbuo sepfo, na wudo na waikimbi, na mumuyo fo ngafu fose wawingio wafuno kiidi kya oruka.

ZEKARIA 13:2 ပူးပေါင်းရင်းမြစ်များ

1WAMANGI 22:22

Mndumii kambia, ‘Kuda?’” Kahamba, “Njechikure njiwe mumuyo o wongo dumbunyi lya waikimbi wake wose kahamba, ‘Nochimlemba, na iwinga, kure uwute kudo.’

SHIIMBO SHA DAWIDI 16:4

Fowa tsawo tsechifo Walya wekeilacha Ruwa na kindo kingi; Njechiwuta kidaso kyawo kya samu pfo, Ma isenda marina hawo dumbunyi lyako pfo.

IWUKA 22:13

Kokoya kyumakyo kilewaho nyi indo lya ngeṟenyi, mnducho nawari naende kiṟingishio kyayo, na kaende kiṟingishio kyo echitaa ko ikyo kilewoho nyi indo lya ngeṟenyi pfo.

IWUKA 23:13

Ringenyi isho shose ngamuwiya; mulasende manyale marina ha maruwa hengi, manya halaichio hawuka dumbunyi lyapfo.

YESAYA 2:18

Sanamu tsose tsechideka piu.

YESAYA 2:20

Mandi ho orio mndu nechiwakumbia sanamu fuko na nzana, na sanamu tsa fesa na sahabu, shindo walekusungusia kundu washiindie.

YEREMIA 29:23

Kimarete nyi walewuta mbonyi tsa sonu kiidi kya Israeli. Waleṟuhuya na waka wa wamṟasa wawo, na ihamba madedo ha wongo ko rina lyako, kindo njilawewadumie wawute wado. Inyi njiichi isho; njileṟingishia. Inyi Mndumii-Ruwa ngahamba.”

EZEKIELI 12:24

Kyamba kiidi kya Israeli kochikaa kuwono wuikimbi ang'u ndodo tsa wongopfo.

EZEKIELI 13:23

Nalyo kuwokia wulalu mochionguo se ndodo tsa wongosepfo kyamba njihenda iashuo wandu wako mawokonyi hanu. Nahong'u muhende ikumanyia ke inyi nyi Mndumii.”

EZEKIELI 14:9

Kyaindi kokoya mwikimbi ahamba wongo kechihamba nyi inyi Mndumii njilemlemba nyi njechihoṟuo owoko loko huye yake na imfuna kiidi kya wana wako wa Israeli.

EZEKIELI 30:13

“Inyi Mndumii-Ruwa ngahamba kudi; ambuya njikeri inyamaṟa sanamu tsose tsa maruwa ha wongo, na kulechiwonose sanamu ipfo Memfisi. Manya kochikaa kuwadese wumangi ipfo Misri pfo. Kii kidi nyi njechiinenga Wamisri wakae ko wuowu.

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

EZEKIELI 36:29

“Kyamba njikeri ihenda iwakiṟa na mawicho hanu hose, njilekiengeṟase njaa kiidi kyanu.

EZEKIELI 37:23

Kyamba wechiidimase ikufanyitsa na sanamu tsa maruwa hawo manya mbonyi tsilya tsawo tsiwichuṟie manya ko madeko hawo sepfo. Ambuya njikeri ihenda iwakiṟa walakiwese wandu wenjidicha, chakipfa wahenda iwa wandu wako na inyi njiwewa Ruwa owo.

EZEKIELI 43:7

nao kanjiwia, “Iyo mndu, iya nyi hondo loṟika loko lo wumangi lukeri, nyihondo njekechumia na njotifo tsako. Kyamba njihenda ikaa kiidi kya wandu wako wa Israeli mlungana. Kyamba Waisraeli wechihendase ifanyitsa rina lyako wo wawenyipfo ma wamangi wawo wechiindia sanamu tsa maruwa hengi manya iṟika mnying'a ya wapfu wawo handu ha se pfo.

EZEKIELI 6:6

Mṟi yo yanu yechinyamaṟo, na alya handu kukuirie haweṟumatso, na shitaṟa shanu shedasia shiwenyamaṟo, kundu sanamu tso moketsiindia tsiwefunjofunjo na shitaṟa shilya mokedasia pfo shidaso shepfaama shiwenyamaṟo, na maṟunda ha mawoko hanu hekumba kuleshe;

HOSEA 14:8

Ambuya nyi wakeri iwuya wakae wanda ya wuringi woko, nyi wechioṟa cha dema licha lya msabibu. Wewada kiṟumi cha mvinyo fo Lebanoni.

HOSEA 2:17

Kipfa njechitana rina lya Baali lilasendose dumbunyi lyapfo.

HOSEA 2:19

Njechikutana nowe mka oko mlungana; nowe oko ko wuhendeli na wusumuhanyi, ko wucha wo mrima na wusalari.

MIKA 2:11

Kokoya kuwemewuka mndu kadeda madedo ha wongo na ha wulya kahamba; ‘Ngaende wuikimbi, ke mochiwona mvinyo na wari sa wufoi,’ ichu moonguo nechikundo nyi wandu wa.

SEFANIA 2:11

Mndumii nechiwa moowesha mnu, kipfa nechiwawaaha na njaa na maruwa hose ha oruka (maruwa ha wongo) wandu wechiindia Ruwa umu o lohi orio mndu handu hake - ee handu hahadutsu ha mṟingenyi ha mkambo fo wandu.

MATAYO 12:43

“Kyasia iliindi mṟufu mbicho fochiwuka mndu nyi fochiida handu kuhadutsu, koonyonya fulawone.

MATAYO 7:15

“Kekuṟisenyi na waikimbi wa wongo weecha na konu waṟee makata ha machondi indi ipfo kidi nyi wai mashite ha ngeṟenyi malang'a.

LUKA 11:20

Indi kokooya nyi kimnyo kya Ruwa njekefuna nakyo waṟufu wawicho, nyi wudo-ng'u wumangi wo Ruwa wucheye na konu.

NGUMBUO YA MAWAWASO 12:3

Funjienyi kuleshe rasion tsawo na ifunja ngo tsawo. Rumatsenyi ko modo mfanano yawo na Ashera, manyamanya sanamu tsawo tsepacha, iangatsia kuleshe rina lyawo na handu hawo.

NGUMBUO YA MAWAWASO 18:20

Kyaindi mwikimbicho oose echihamba kui rina lya maruwa hengi, ang'u sa echihamba idedo kui rina lyako na kokoya inyi njilamdumie nahambe, mwikimbicho na napfe.’

YOSHUA 23:7

iki nyi kundu mulakusanze na wandu wa wa mkambo i iledeo kiidi kyanu, manya mlasende marina ha maruwa hawo, manya ilya nyamu ko maruwa ho, manya ihaindia, manya iharamia kyamu,

OTAMBAHALUO LO YOHANE 18:2

Kapoṟohoṟa na pfinya kehamba, “Iwunduka kukamewunduka Babilon mṟi fu mnene! Fukawa molaao nyi mṟufu i mbicho na masatana fukamhaluka kipfungyonyi kya mumuyo iterefukye yose fukawewa kipfungyonyi kya malehe ha ngafu harie manyena.

OTAMBAHALUO LO YOHANE 19:20

Na indo lilya likawado lyikapfungo, hamu na mwikimbi mowongo handu hamu nao ichu alewuta maṟiho halya oshangunyi lolyo (Kawa motandawusha wandu na mweke foho walya weambya mhuri ya indo lilya wakaweindia mfano yalyo.) Wakahenda yombotso wai na moo wa wawi ipfo iruwenyi lya modo fodosa mumuyo fo wuṟoi wofumba oṟoo.