ZEKARIA 12:7 - Bibilia Kui Mdedie fo Kimochi

⁷ Indi Mndumii nyechikiṟa mahema ha Yuda kuwoka kundu kiṟumi kya mba ya Dawidi na kiṟumi kya wandu wa Yerusalemu kilang'anye Yuda.

ZEKARIA 12:7 ပူးပေါင်းရင်းမြစ်များ

YOBU 19:5

Kokoya mokuirinyisha kiidi kyako Na ihaluo sonu yako kideda kyanu.

SHIIMBO SHA DAWIDI 35:26

Wahutsio sonu, wamino wasuke wose Iwo waichihiyo kipfa kya wukiwa woko Waṟae wusutsu na isuka cha waṟee nguo Iwo waikuiria huye yako.

SHIIMBO SHA DAWIDI 38:16

Kipfa njilehamba, walache injisolonga na seko, odende loko lukarendia, wakakuṟumisha wo huye yako.

SHIIMBO SHA DAWIDI 55:12

Kipfa moruma chi mkituwapfo; koka nyi udo, mbechikarishia. Icho alekudosa huyako chio anjisuopfo; koka nyi udo, mbechiowa alechinjiwona.

YESAYA 23:9

Mndumii menyi Matorito nyio aleanduo iki, kundu nanyamaṟe orikiki lo kiṟumi kyose, na isutsa wandu wa wuyana wose piu.

YEREMIA 30:18

“Mndumii-Ruwa nahamba adi: Njechiwihiṟa se sia tsa kanyi ko Yakobo, na isaṟia kanyi koke; mṟi fochiwiko wuhya huye ya handu hawunduo, na mṟi fo mangi fochihoṟoka alya handu fuwei.

AMOSI 9:11

Mandi ho njechiira se kiwanja kya Dawidi kilya kiolokie na iṟundya handu halya hawewundukye; na inyi njiiriye njomombo tsilya tsake tsiwehoye njitsilauo cha kuwooka;

ZEKARIA 11:11

Nayo ikafunjo mkonu fulya; ko ikyo machondi halya hawei mapootse halenjiadanyia hakamanya ke idedo lyi nyi lya Mndumii.

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

LUKA 10:21

Saa iya iya kakeseka kui Mumuyo Mwele kahamba, “Ngakuana Wande, ui Mndumii menyi ruwehu na oruka, kipfa ili mbonyi-tsi utsiṟikie iwo waṟango na iwo waṟamtsu, kowuya idambuya shikoku; ee-wo Wande, na kiweekuchihie kihendeke kido.”

WAROMA 3:27

A mwaanya fokushela ku foya ngesa? Nyi fumbikye hima. Nyi kui mweke fo wuwawaso wuki? Nyi wulya woringa iawutsia mawuto ngesa? Manyale, kya indi nyi kipfa luidikie.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

YAKOBO 4:6

Indi aenenga wutonga wo mwengeṟia.” Nkyo kimaduma ihambie, “Ruwa alemana na walya wekutimbisha wawenyi, indi walya wakusotsa, awawonya wutonga.”