ZEKARIA 12:4 - Bibilia Kui Mdedie fo Kimochi

⁴ Mkonu fo Mndumii nahamba nechiwika kiṟihisho ko frasi tsose, na icho ambawe nawodo nyi oṟuṟe, na meso hako hechiambuya mba ya Yuda, njechiwaaha meso ha orio frasi ya wandu wa mbaṟi tsose.

ZEKARIA 12:4 ပူးပေါင်းရင်းမြစ်များ

1WAMANGI 8:29

Meso hapfo kio na mfiri haambuye mba ii chandu ulehamba, ‘Rina lyako likae iya,’ handu iyo ochiadanyia shiterewo sha isinga lyapfo lyechiterewa iya.

2WAMANGI 6:14

Ko ikyo kaduma frasi, na magari na ichekeṟo lying'anyi wakashika kui kio, wakatengeta mṟi njora tsose.

2WAMANGI 6:18

Wekisoka kundu wakoyane na Elisha, Elisha katerewa Ruwa, kahamba, “Kapa wandu wa ngakuterewa wawe shipfupfuṟe.” Ruwa kawakapa, wakawa shipfupfuṟe kirianyi na idedo lya Elisha.

2MBONYI TSA MAHERI 6:20

Ili nyi, hekalu iyo kulesambuṟa noindio ho. Ngakuterewa noliringe mfiri na kio, noweicho na kiterewo kyako kiheri njehalukia hekalu lyo na iterewa.

2MBONYI TSA MAHERI 6:40

Wulalu, Mndumii-Ruwa, keicho kiterewo kyadu, kiheri luterewa lukeri kunu hekalunyi.

2MBONYI TSA MAHERI 7:15

Wokia wulalu, njechiringa hekalu li, na njechiadanyia shiterewo shiwiko kunu hekalunyi.

NEHEMIA 1:6

Inyi mṟundi opfo, njikeri ikuterewa kio na mfiri kya waṟundi wapfo wana wa Israeli. Kyeambuya wo inyi nyi ngakutochia wunyamaṟi wo Waisraeli luletsiwuta oshangunyi lopfo. Inyi na wandu wako wa Israeli nyi lulekudekio.

YESAYA 24:21

Nakyo kechiwa kiidi kya mkonufo, Mndumii nechikapa wandu wa shida walya wai handu haleshe hakuire na wamangi wai kiidi kya wuyana;

YESAYA 37:17

Deha kudu kopfo, Mndumii uadanyie; tambaṟuo meso hapfo, Mndumii, uwone, ukeicho madedo ha Senakeribu aledika kundu narume Ruwa menyi moo.

YEREMIA 24:6

Njechiwaringa kitsitsi na iwawihiṟa kiidi kya oruka lu. Njechiwahoṟotsa, njechiwalekia wahopfo, njechiwadonga ma chi iwakuṟuopfo.

EZEKIELI 38:4

Ambuya njihenda ikuhalutsa njiwike sumi mahundunyi hapfo njikukuruo nja handu hamu na mbahanyi tsapfo tsose, frasi na iwo wedoya frasi, na wandu wafoi waṟee maṟao ha shida, ngawona shingawo wawerie na njoshu tsa shida.

EZEKIELI 39:20

Iya mesenyi yako nyi wahenda iihutso na frasi, na walya wekedoya frasi, na mbahani tsilya njilang'a tsa shida nyi Inyi Mndumii-Ruwa ngahamba.”

DANIELI 9:18

Hoi Ruwa oko, deha kudu kopfo, uadanyie; tambaṟuo meso hapfo noambuye nowone wo wukiwa wodu, na mṟi fulya fui fulahe kui rina lyapfo, kipfa chi luikuterewa kui wucha wodupfo, kyaindi nyi kipfa kya osaṟio lopfo lung'anyi.

ZEKARIA 10:5

Wandu wa Yuda wechiwa cha wandu wa mbahanyi, wekechumachuma wakituwa wawo cha odoko lo njia; wo nyi wechikapana shida kipfa Mndumii nai nawo. Iwo wedo frasi wechilehela.

ZEKARIA 12:11

Mkonu fo fochiwa fo kilio king'anyi ipfo Yerusalemu cha kilio kya Hadadrimonyi pichinyi lya Megido.

ZEKARIA 12:3

Mkonu fo njechihaluo Yerusalemu mṟi mnene fuwe iho lilemeri na orio mndu mokudika limtane shifaṟe, wandu wa mbaṟi tsose wechikuumbia handu hamu.

ZEKARIA 12:5

Wandu wanene wa Yuda wechihamba mrimenyi yawo wandu wa Yerusalemu nyi pfinya tsako, Mndumii menyi Matorito nyi Ruwa owo.

ZEKARIA 12:6

Mkonu fo njechihaluo wanene wa Yuda cha kyohyo kyauto modoni fo ngu, cha kimunyi kya modo fuakya mkunjenyi; nawo wehirumatsa wandu wa orio mbaṟi wawatengetie njora tsose, numa ya isho Yerusalemu ikae handu hayo - oo Yerusalemu.

ZEKARIA 14:15

Wukiwa wochihoya frasi, mmbe tsa ngeṟenyi, ngamia, nzoi na shuuma, shose shechikoyo kiidi kya kihongo kya wakituwa.

ZEKARIA 9:8

Inyi njechiwika hema lyako njora tsose tsa mba yako kundu njiime wakituwa wako, mndu oose nalawone keida napfo ma iwuya; manya mndu ekewonyia wengi echiidapfo-pfo, kipfa wulalu ngawona na meso hako.

MAWUTO HA WASU 17:30

Kyasiang'u Ruwa nyi awetsirilye matika halya kuiho wutondotondo. Kya indi komshika iya mandi ha wulalu nao awang'u motutuma wandu kudo kose ke wailachike mrima yawo.

NGUMBUO YA MAWAWASO 28:28

Mndumii-Ruwa nechimudikia ngapo yewado nyi oṟuuṟe, mochipfa meso na ipfulukio nyi mahio.